Vesturbæjarblaðið - jul. 2023, Side 11

11VesturbæjarblaðiðJÚNÍ 2023
Egill Ólafsson söngvari, leikari Þursaflokks- og
Stuðmaður með mörgu öðru er borgarlistamaður
Reykja víkur 2023. Dagur B. Eggerts son borgarstjóri
útnefndi Egil við hátíðlega athöfn í Höfða á dögunum.
Útnefningin er heiður s viðurkenning til listamanns
sem með listsköpun sinni hefur skarað fram úr
og markað sérstök spor í íslensku listalífi. Lista-
manninum var veittur ágrafinn steinn, heiðurs skjal
og verð launa fé og fluttu Ellen Kristjánsdóttir, Diddú,
Ólafur Egilsson og Jónas Þórir tónlist úr smiðju Egils
við tilefnið, auk þess sem barnabarn Egils og al nafni
lék eigin útsetningu af laginu Ekkert þras.
Egill hefur verið mikilvirkur í íslensku listalífi í nærri
hálfa öld sem söngvari, leikari og tónhöfundur. Hann
hefur starfað með fjölmörgum hljómsveitum, svo sem
Spilverki Þjóðanna, Þursaflokknum og Stuð mönnum
sem hann er trúlega einna þekkastur fyrir. Að auki hefur
hann hefur sungið í fjölmörgum söng leikjum, leikið í
kvikmyndum, í sjónvarpi og á sviði og samið tónlist fyrir
hátt í þrjátíu leikhúsverk, þar af þrjá söngleiki; Gretti,
Evu Lunu og Come Dance With Me sem sýnt var á Off
Broadway. Hljómplötur og geisladiskar sem Egill hefur
komið að nálgast hundraðið, þar sem hann ýmist semur,
syngur eða leikur á hljóðfæri og lög sem honum tengjast
skráð hjá STEFi eru rúmlega sex hundruð. Nýlega var
sýnd heimildarmynd um starf Egils og félaga hans í
Þursa flokknum, þar sem hann starfaði sem forsprakki
og aðaltónhöfundur.
Níu sólóplötur
Nýjasta plata Egils kom út á sjötugsafmæli hans fyrr
á þessu ári, tu duende – el duende, þar sem gætir áhrifa
karabískrar tónlistar en platan var unnin í samstarfi
við kúbverska og sænska tónlistarmenn en alls eru
sólóplötur Egils níu talsins. Platan Fjall sem kom út árið
2018 var tilnefnd til Íslensku tónlistar verðlaunanna og
lagið Hósen gósen af henni hlaut verðlaunin Lag/tónverk
ársins í opnum flokki.
Þá hefur leikhústónlist
Egils komið út á geisla­
diski undir heitinu
Brot. Egill hefur einnig
fengist við ljóðagerð um
árabil og síðasta haust
kom út önnur ljóðabók
hans hjá bókaforlaginu
Bjarti. Bókin ber heitið
Sjófuglinn og var tilnefnd
til ljóða verðlaunanna
Maístjörnunnar. Ný
ljóðabók úr smiðju Egils
er ennfremur væntanleg
með haustinu.
Stuðmenn
sérstaklega heiðraðir árið 2018
Egill hefur hlotið margvíslegar viðurkenningar
og tilnefningar á ferli sínum, bæði sem sjálfstæður
listamaður og í félagi við Stuðmenn. Egill var sæmdur
hinni íslensku fálkaorðu árið 2015, var gerður að
heiðursfélaga í FTT og STEFi árið 2013, og hlaut bæði
Gullmerki STEFs og Hlustendaverðlaun Stöðvar 2
og Bylgjunnar fyrr á þessu ári. Egill hefur margoft verið
tilnefndur til Eddunnar og Íslensku tónlistar­
verðlaunanna, þar sem hann hefur í tvígang hlotið
útnefninguna Söngvari ársins. Árið 2018 voru Stuðmenn
sérstaklega heiðraðir á Íslensku tónlistarverðlaununum,
árið 2011 hlutu þeir viðurkenningu á Degi íslenskrar
tungu og árið 2008 var hljómsveitin heiðruð af Félagi
íslenskra hljómlistarmanna fyrir framlag sitt til
íslenskrar hljómlistar. Verk Egils eiga en eftir að birtast
því á komandi vetri verður frumsýnd nýjasta kvikmynd
Baltasars Kormáks, Snerting, sem byggð er á bók Ólafs
Jóhanns Ólafssonar. Þar fer Egill með aðalhlutverk.
Egill Ólafsson.
Egill Ólafsson
borgarlistamaður
KLAPPARSTÍGUR 29
UMHVERFISVÆN ÍSLENSK HÖNNUN
Skeifan 8 | 108 Reykjavík | sími 517 6460 | www.belladonna.is

Vorum að fá nýjar vörur
frá STUDIO og GOZZIP
Laugarnar í Reykjavík
Fyrir
líkama
og sál