Fréttir - Eyjafréttir - 02.03.2023, Blaðsíða 6

6 | | 2. mars 2023
Sunnudaginn 19. febrúar sl. var
haldinn aðalsafnaðarfundur
Ofanleitissóknar fyrir árið 2022
og Kirkjugarðs Vestmannaeyja
í Safnaðarheimili Landakirkju.
Fundurinn var vel sóttur og dag-
skráin hefðbundin með skýrslu
stjórnar, sem Andrea Atladóttir,
formaður flutti og Hafsteinn
Gunnarsson, endurskoðandi hjá
Deloitte fór yfir reikinga síðasta
árs. Séra Guðmundur Örn
Jónsson, sóknarprestur fór yfir
starfið 2022 sem er að rísa eftir
samkomutakmarkanirnar í kóf-
inu. Vantar enn nokkuð upp á að
kirkjusókn hafi náð því sem hún
var árið 2019. Guðmundur Örn
varpaði þeirri spurningu fram í
lokin: Skiptir kirkjan máli? Sjálfur
svaraði hann þessari mikilvægu
spurningu í yfirferð sinni sem
varpar ljósi á mikilvægi Landa-
kirkju í samfélaginu.
„Á stórum stundum í lífi fólks
skiptir kirkjan klárlega máli, hvort
heldur er á gleði- eða sorgarstund-
um. Í Eyjum hefur Landakirkja
lengi verið ákveðinn miðpunktur.
Húsið sjálft er auðvitað eitthvað
sem skiptir máli í vitund Vest-
mannaeyinga. Það gerir starfið
innan veggja kirkjunnar líka fyrir
þau sem það sækja og það er ekki
lítils virði. Að geta speglað sig í
samfélagi við annað fólk er öllum
nauðsyn. Slíkt gerist auðvitað í
sálgæsluviðtölum með prestum
kirkjunnar en ekki síður í því
starfi sem í gangi er í kirkjunni,
hvort sem það eru stuðningshóp-
ar, fermingarfræðsla, kvenfélag,
barnastarfið eða bænahópar,“
sagði Guðmundur Örn.
Kirkjan ekki bara hús
Þess vegna sagði hann kirkjuna
skipta máli. „Við erum nefni-
lega öll kirkjan sem er ekki bara
eitthvert hús, heldur fyrst og
síðast fólkið sem kemur til kirkju
og sækir allt það fjölbreytta starf
sem þar er í gangi. Húsið sjálft,
Landakirkja, er hins vegar tákn
fyrir starfið, því einhversstaðar
verðum við jú, að hittast þegar við
mætumst í starfinu.
Öll þau sem koma að starfi
Landakirkju á einn eða annan
hátt, hvort heldur í Kvenfélaginu,
kórnum, barna- og æskulýðsstarfi,
sóknarnefndinni, kirkjugarðinum,
foreldramorgnum, Vinum í bata
eða bænahópum, byggja í raun
starf sitt á Jesú Kristi. Hann
er ástæða alls þess sem gerist í
kirkjunni.“
Fjölbreytt starf Landakirkju
Og starfið er ekki bara guðs-
þjónusta á sunnudegi, og
sunndagaskóli, giftingar, skírn-
ir og jarðarfarir. Flesta daga
vikunnar er eitthvað um að vera,
öflugt barna- og æskulýðsstarf,
kirkjustarf fatlaðra, kóræfingar,
fermingarfræðslan, Vinir í bata
og 12 spora starfið, KFUM&K,
sorgarhópar og Aglow starfa í
skjóli kirkjunnar.
„Fastir viðtalstímar presta eru
milli 11.00 og 12.00 alla virka
daga og eftir samkomulagi.
Sálgæsluviðtöl presta árið 2022
voru 338, viðtöl presta vegna
athafna, skírna, hjónavígslna,
útfara voru 145. Útköll í vaktsíma
vegna andláts, veikinda, slysa eða
annarskonar ástæðna voru 98,“
sagði Guðmundur Örn.
Kirkjusókn undir meðaltali
Guðmundur Örn sagði kirkjusókn
og aðsókn í sunnudagaskóla ekki
hafa náð sömu hæðum og fyrir
kófið og ekki var messað í upphafi
ársins 2022 vegna samkomutak-
markana. „Fólk var lengi að taka
við sér og taka þátt í reglulegu
helgihaldi eftir takmarkanir. Að
meðaltali voru 53 í hverri messu
en meðaltalið var yfir 60 manns. Í
sunnudagaskólanum munar nærri
20 manns, fór úr 2500 í 2200 yfir
allt árið.
Í öðrum helgistundum eru
guðsþjónustur og helgistundir
á Hraunbúðum, kistulagningar,
bænastundir við dánarbeð, bless-
un húsnæðis og skipa, og ýmsar
samverustundir innan og utan
kirkju þar sem bænahald á sér
stað. Oft eru þessar stundir mjög
fjölmennar og munar þar auðvitað
mest um helgistund við setningu
Þjóðhátíðar.“
Skiptir kirkjan máli? Spurning á aðalfundi sóknarnefndar Landakirkju:
Á stórum stundum lífsins
skiptir kirkjan klárlega máli
Starfið snertir líf okkar Ekki fleiri fermingarbörn í mörg ár
Öflugur hópur, prestar, hluti sóknarnefndar, sem og starfsfólks og Kvenfélags Landakirkju sem sótti aðalsafnaðar-
fundinn. Aftari röð f.v. Arnar Sigurmundsson, Gísli Stefánsson, Kolbrún Sól Ingólfsdóttir, Stefán Jónasson, Halldór
Hallgrímsson, Steingrímur Svavarsson, Katrín Stefánsdóttir, Viðar Stefánsson og Matthías Harðarson.
Fremri röð: Guðmundur Örn Jónsson, Ragnheiður Perla Hjaltadóttir, Vera Björk Einarsdóttir, Andrea Atladóttir, Ingi-
björg Jónsdóttir, Guðrún Sveinsdóttir, Laufey Sigurðardóttir, Kolbrún Matthíasdóttir og Svanhildur Sigurðardóttir.
S A M A N T E K T:
ÓMAR GARÐARSSON
omar@eyjafrett ir. is