Fréttir - Eyjafréttir - 02.03.2023, Page 8

8 | | 2. mars 2023
Í haust áætlar Icelandic Land
Farmed Salmon (ILFS) í Vest-
mannaeyjum að taka á móti
fyrstu hrognunum í seiðaeld-
isstöð fyrirtækisins sem rís við
Friðarhöfn. Föstudaginn 17.
febrúar sl. var fyrsta skóflu-
stungan tekin að laxeldisstöð
félagsins í Viðlagafjöru og er
stefnt að því að fyrsti áfangi
stöðvarinnar verði kominn
í gagnið haustið 2024. Lóð
félagsins í Viðlagafjöru býður
upp á að framleiða allt að
20.000 tonn á ári af laxi sem
gæti orðið að veruleika árið
2028. Fiskeldi er vaxandi
grein og lax er vinsæll matur
og stefna ILFS er að fram-
leiða hágæða matvöru með
hreinni umhverfisvænni orku
í hreinum sjó við hagstæðar
aðstæður. Er sjávarhiti við
Vestmannaeyjar sá hæsti
umhverfis Ísland. Affall verður
hreinsað frá stöðinni og úr-
gangur nýttur til landgræðslu
og áburðarframleiðslu. Seiði
verða bólusett og engin lyf
notuð í eldinu. Með því verður
til náttúruleg hágæða mat-
vara með sjálfbærum hætti.
Allt hefst þetta í seiðaeldisstöð-
inni þar sem hrognin klekjast út
og seiðin eru alin áður en þau fara
í laxeldisstöðina í Viðlagafjöru
sem er endastöðin. „Við sömdum
við AKVA Group í fyrra um upp-
setningu á öllu kerfinu í seiða-
eldishúsinu. Við byggjum húsið
og áætlum að taka inn hrogn í
október í haust. Þá fer þetta að
rúlla og komið að því að taka
næsta skref í eldinu. Gerum við
ráð fyrir að laxeldisstöðin verði
tilbúin fyrir fyrstu seiðin haustið
2024. Bygging seiðaeldishússins
gengur vel og píparar eru byrjaðir
að vinna í lögnum. Við stefnum
á að loka húsinu um miðjan
mars og þá verður hægt að vinna
undir þaki sem flýtir fyrir,“ segir
Hallgrímur Steinsson sem fer fyrir
verkefninu ásamt Daða Pálssyni
framkvæmdastjóra og Lárusi
Ásgeirssyni stjórnarformanni.
Ferlið tekur tvö ár
Ferlið hefst á kaupum á hálf-
þroskuðum hrognum. Þau klekjast
út í fersku vatni í eldisstöðinni
þar sem seiðin eru alin upp í 90
grömm. Frá því hrognin koma
í seiðaeldisstöðina og þar til
þau verða klár í sjóeldi líða um
níu mánuðir. Áður en kemur að
flutningi eru seiðin látin aðlag-
ast því að fara úr fersku vatni í
sjó. „Fiskurinn er svo í söltum
sjó alveg fram að slátrun. Hver
sláturstærðin verður, liggur ekki
fyrir en hún gæti orðið á bilinu
fimm til sex kíló. Það tekur tíu
til tólf mánuði að fiskurinn nái
sláturstærð. Þannig að í allt tekur
þetta hátt í tvö ár frá því hrognin
koma í hús og við skilum vörunni
frá okkur. Áhættan er því töluverð
og verður að hugsa vel um fiskinn
meðan hann er í okkar umsjá.“
Hallgrímur gerir ráð fyrir að öll
kerfi í seiðaeldisstöðinni verði
klár í haust þegar fyrstu hrognin
koma og húsið verði fullbúið
vorið 2024. „Núna vinna 25 til 30
manns við bygginguna og þegar
uppsteypu er lokið koma menn
frá AKVA Group til að setja upp
kerfin. Þá koma inn rafvirkjar
og píparar inn fyrir steypufólkið
þannig að fjöldinn verður svip-
aður.“
Vatnið nýtt 100 sinnum
Seiðin eru alin upp í kerjum við
ákveðið hitastig sem er stjórnað af
flóknu lagnakerfi og tæknibúnaði.
Lögð er áhersla á að nýta vatnið
sem mest. „Eftir miklar athuganir
var það niðurstaðan að við þyrft-
um eldisstöð fyrir seiðin. Góð
hrogn og góð seiði eru grundvöll-
ur að góðum rekstri. Án stöðvar-
innar hefðum við átt á hættu að
hafa ekki aðgang að bestu seiðum
á markaðnum sem er lykilatriði í
þessum rekstri.“
Ferskt vatn er takmörkuð
auðlind í Vestmannaeyjum og
því byggist starfsemi seiðaeldis-
stöðvarinnar á að nýta vatnið sem
mest. „Við áætlum að nýta hvern
Laxeldi í Viðlagafjöru Fyrsta skóflustungan 20.000 tonn á ári:
Stærsta einstaka framkvæmd
í sögu Vestmannaeyja
Milljarða fjárfesting Hrogn inn í haust Eldi á laxi haustið 2024
Þau voru viðstödd fyrstu skóflustunguna, Sigurjón Óskarsson, Kristjana
Björnsdóttir, Sigurlaug Alfreðsdóttir, Íris Róbertsdóttir, Auðbjörg Jóhanns-
dóttir, Hallgrímur Steinsson, Lárus Ásgeirsson, Rut Haraldsdóttir, Gylfi Sigur-
jónsson, Erna Sævaldsdóttir, Viðar Sigurjónson og Eygló Elíasdóttir.
Hallgrímur í nýbyggingu seiðastöðv-
arinnar sem rís við Friðarhöfn.
ÓMAR GARÐARSSON
omar@eyjafrett ir. is