Fréttir - Eyjafréttir - 02.03.2023, Side 19

2. mars 2023 | | 19
Það var glatt á hjalla í Íþrótta-
miðstöðinni um liðna helgi
þegar Harpa Valey Gylfadóttir
skoraði sigurmark ÍBV, 29:28,
á síðustu sekúndu leiksins
við Val þegar tvö efstu lið
Olísdeildar kvenna áttust
við í stórskemmtilegum og
jöfnum leik. ÍBV hefur þar
með haft betur í 13 leikjum í
röð í deildinni og er nú komið
upp að hlið Valsliðinu á toppi
deildarinnar. Það voru einmitt
Valskonur sem voru síðasta
liðið til þess að leggja Eyjakon-
ur að velli en það var í október
á síðasta ári. Þar með blasir
deildarmeistaratitilinn við
ÍBV haldi liðið rétt á spilunum
í þeim fjórum leikjum sem
eftir eru á tímabilinu. Það er
því óhætt að segja að ÍBV sé í
kjörstöðu að eiga möguleika
að tryggja sér alla þrjá titlana
sem í boði eru því liðið er
komið í fjögurra liða úrslit í
bikarkeppninni. ÍBV stelpurnar
mæta þar Selfossi í undanúr-
slitum miðvikudaginn 15. mars
og svo fer úrslitaleikurinn
fram laugardaginn 18. mars.
Velgengni og sjálfstraust
helst í hendur
Fyrirliðinn Sunna Jónsdóttir hafði
ekki langan tíma til að fagna en
hún var komin á kaf í landsliðs-
verkefni þegar við ræddum við
hana á þriðjudag. Það leyndi sér
ekki að hún var ánægð með stöð-
una á liðinu. „Mér getur ekki liðið
annað en ótrúlega vel með gengi
liðsins. Við höfum unnið 15 leiki
í röð (fyrir utan Evrópukeppnina)
og erum bara í skýjunum. Maður
er þó einnig að reyna að halda
sér á jörðinni og taka einn dag
og einn leik í einu. Hverju vill
hún þakka þennan árangur og
hvað hefur breyst? „Velgengni
og sjálfstraust helst í hendur.
Með góðum árangri kemur aukið
sjálfstraust og með sjálfstrausti
kemur velgengni. Við erum full
sjálfstrausts, höfum ótrúlega
gaman af því sem við erum að
gera og erum metnaðarfull í að
gera enn meira og betur. Auk þess
hafa leikmenn vaxið vel inn í sín
hlutverk og liðið er ein heild sem
vinnur að sama markmiði.“
Þykir ótrúlega vænt
um þennan hóp
Sunna segir andann í hópnum
vera góðan um þessar mundir.
„Já, hann er frábær og það skilar
sér inn á völlinn, og ég vona að
það sjáist út á á við. Mér þykir
ótrúlega vænt um þennan hóp.
Maður hlakkar alltaf til að mæta
á æfingar og hanga í klefanum.
Ég held að öll ferðalögin okkar
og Evrópukeppnin geri það að
verkum að hópurinn þéttist enn
frekar. Við festumst í Reykja-
vík um daginn í 4 daga vegna
veðurs, hópurinn var samstilltur
í að gera sem best úr stöðunni
og úr varð bara ágætis ferð hjá
okkur.“ Eins og áður segir hefur
liðið leikið frábæran handbolta
síðustu mánuði. Er eitthvað sem
getur stoppað ykkur? „Já, og við
erum alveg meðvituð um það.
Við megum alls ekki slaka á og
að sjálfsögðu eru öll lið að reyna
að vinna og eins og staðan er
núna erum við liðið sem þarf að
vinna. Eins gætu meiðsli sett strik
í reikninginn. En okkur eru líka
allir vegir færir um þessar mundir
og við höldum ótrauð áfram.“
Skemmtilegasta helgi ársins
Það er ekki minni hugur í Sunnu
þegar talið barst að bikarkeppn-
inni. „Tilhlökkunin er mikil og
ekki skemmir fyrir að fá Suður-
landsslag í undanúrslitum. Þetta er
skemmtilegasta helgi ársins fyrir
handboltafólk og áhugamenn og
við erum staðráðin í að hafa hana
þannig. Bikarleikir eru þannig
að það er allt undir í einum leik.
Spennustigið er því oft hærra
og ákefðin mikil. Það er alltaf
ákveðinn sjarmi yfir bikarkeppni
og þetta er stysta og auðveldasta
leiðin til að vinna titil og skaffa
tekjur fyrir klúbbinn.

Erum með lið, umgjörð og
stuðningsmenn til að ná langt
Sunna segir ekkert því til fyrir-
stöðu að stefna á alla titla í ár. „Af
hverju ekki? Við erum klárlega
með lið, umgjörð og stuðnings-
menn í það. Til þess að svo megi
vera þurfum við að undirbúa
okkur vel, við eigum erfiðan leik
í undanúrslitum á móti ungu og
efnilegu liði Selfoss sem hefur
engu að tapa. Vonandi komumst
við í úrslitaleikinn og þá þurfum
við að njóta þess að vera í þeirri
stöðu að spila úrslitaleik þar sem
allt er undir. Stuðningurinn er
svo okkar besta vopn þannig ég
vonast eftir alvöru stemningu
eins og Eyjafólki er einu lagið.
Þá siglum við þessu heim og
draumurinn verður að veruleika,
sagði fyrirliðinn stórhuga og hafði
þetta að segja að lokum. „Ég vil
bara þakka fyrir stuðninginn og
hvet alla til að mæta á leiki hjá
ÍBV. Stuðningurinn er frábær og
ómetanlegur. Ég er alveg viss
um að við hefðum aldrei skorað
dramatískt úrslitamark á móti
Val um daginn á síðustu sekúndu
leiksins nema af því að stúkan var
full af stuðningsmönnum. Áfram
ÍBV.“
Sunna Jónsdóttir, fyrirliði meistaraflokks kvenna hjá ÍBV:
Stefnir á alla titla
Sunna Jónsdóttir fagnar góðu gengi. Mynd: Sigfús Gunnar
” Stuðningurinn er svo okkar besta
vopn þannig ég vonast eftir alvöru
stemningu eins og Eyjafólki er einu
lagið. Þá siglum við þessu heim og
draumurinn verður að veruleika
SINDRI ÓLAFSSON
sindri@eyjafrett ir. is