Fréttir - Eyjafréttir - 09.11.2023, Blaðsíða 6
6 | | 9. nóvember 2023
Það hefur hver stórviðburðurinn rekið annan í Höllinni síðustu vikurnar annars vegar í boði Vinnslustöðvarinnar 21. október og svo
Ísfélagsins þann 4. nóvember.
Stuðmundur og Partýrútan
slóu í gegn
„Þetta tókst allt mjög vel hjá
okkur eins og við var að búast,“
sagði Eyþór Harðarson hjá Ísfé-
laginu um árshátíðina um liðna
helgi. „Við gerðum góðan dag
úr þessu það var hérna slatti af
stjórnendum frá gamla Ramma,
nýir samstarfsfélaga frá Þórshöfn,
Siglufirði og Akureyri um 20
manna hópur sem átti hér góðan
vinnudag með okkur áður en
fjörið byrjaði. Árshátíðin gekk svo
mjög vel og allt eins og best verð-
ur á kosið enda ekki við öðru að
búast þegar Stuðmundur skemmt-
anastjóri tekur sig til og heldur
partý.“ Þar á Eyþór við Guðmund
Jóhann Árnason verkefnastjóra
hjá Ísfélaginu. „Það var gam-
an hvað bæjarbúar mættu vel á
ballið með okkur.“ Ísfélagið bauð
upp á þá nýjung að bjóða upp á
partýrútu sem gekk um bæinn á
ók fólki á ballið og segir Eyþór
því uppátæki hafa verið vel tekið.
Stöðvarnar buðu upp í dans
Góðir gestir á frábæru kvöldi
„Við erum virkilega ánægð
hvernig til tókst hjá okkur þetta
var okkar stærsta árshátíð til
þessa,“ sagði Lilja Arngrímsdóttir
hjá Vinnslustöðinni aðspurð um
árshátíðina en um 360 manns
sóttu samkomuna á vegum
félagsins „Það var gaman að hafa
með okkur starfsfólk þeirra félaga
sem VSV á, en þar má nefna
Hafnareyri, Marhólma, Leó- og
Iðunni Seafood og svo Hólmasker
í Hafnarfirði. Þetta var frábært
kvöld maturinn frá Einsa Kalda
var í sérflokki og skemmtiatriðin
af betri gerðinni. Eins og venjan
er buðum við öllum bæjarbúum
að koma og gleðjast með okkur
á ballinu eins og við höfum gert
síðustu 20 árin eða svo. Ég vill
bara þakka öllum kærlega fyrir
skemmtilegt kvöld,“ sagði Lilja
að endingu.