Bæjarblaðið Jökull - 18.12.2014, Síða 9

Milli jóla og nýárs heldur
Sigurborg Kr. Hannesdóttir,
námskeið í Grundarfirði, sem
kallast „Veldu þína leið – inn
í 2015“.
Við áramót stöldrum við oft
við, lítum yfir farinn veg og
mörkum okkur stefnu fyrir
nýtt ár. Kannski strengjum við
áramótaheit, en það er reyndar
allur gangur á hversu vel þau
endast.
En til hvers að hafa sérstakt
námskeið til að kveðja nýtt ár
og búa sig undir það gamla?
Gefum Sigurborgu orðið:
„Ég held að það séu orðin 10
ár síðan ég settist fyrst niður
og gerði mér klippimynd
fyrir nýtt ár. Klippti út úr
tímaritum nokkrar myndir, orð
og setningar sem höfðuðu til
mín og pössuðu við það sem
ég vildi leggja áherslu á, á nýja
árinu. Límdi þetta saman á
blað og hengdi upp á vegg.
Fannst þetta svo skemmtilegt
og svo var ótrúlega gagnlegt að
hafa myndina fyrir augunum
allt árið. Meira að segja hélt
ég áfram langt inn í árið að
uppgötva eitthvað nýtt í henni,
sem ég hafði kannski ekki verið
að hugsa meðvitað um, en kom
heim og saman við það sem var
að gerast í lífinu mínu. Þannig
var klippimyndin ekki einhver
ströng áminning, heldur
endalausar uppgötvanir og
stuðningur.
Svo fór ég að lesa stjörnuspá
áður en ég byrjaði að vinna
klippimyndina og fór líka
að bjóða vinkonum mínum
með mér. Okkur fannst þetta
orðið alveg ómissandi um hver
áramót. Þá fór ég að halda
námskeið, í Grundarfirði og
Reykjavík og bætti við dansi,
því dansinn tekur okkur út úr
huganum og þetta verður allt
eitt flæði.
Námskeiðið er orðinn fastur
liður hjá fjölmörgum og ég
hlakka til að bjóða upp á það
enn og aftur í ár, í fallegu,
rúmgóðu dansstofunni minni
á Læk“.
Sigurborg hefur lokið
kennaraþjálfun í 5Rytma dansi
hjá Gabrielle Roth, auk þess að
hafa réttindi sem jógakennari.
Hún hefur yfir 20 ára reynslu af
kennslu og vinnu með hópum.
Námskeiðið verður haldið
þriðjudaginn 30. desember,
kl. 17 – 22. Það hentar
öllum, það þarf ekki að
vera dansari eða listamaður,
það eina sem skiptir máli er
löngun til að virkja innsæið
og sköpunarkraftinn sem býr
í okkur öllum.
Þetta námskeið er líka í boði
fyrir hópa.
Upplýsingar og skráning:
www.dansfyrirlifid.is,
sigurborg@5rytmar.is
og í síma 866 5527.
Að kveðja gamla árið og velja sér drauma

Sundlaug
22. desember kl. 08:00-20:00
23. desember kl. 08:00-18:00
27. desember kl. 13:00-17:00
29. desember kl. 08:00-20:00
30. desember kl. 08:00-20:00
 Íþróttahús
22. desember kl. 12:00-22:00
23. desember kl. 12:00-22:00
29. desember kl. 12:00-22:00
30. desember kl. 12:00-22:00