Úrval - 01.10.1971, Side 108

106
ÚRVAL
yrði frá samningum um skipti á
gíslum. Nú voru næstum sex dagar
liðnir og því var orðið erfitt að sjá
fyrir þörfum um 200 fanga. Og
þrengingar gíslanna vöktu nú orðið
almenna reiði víða um heim.
Nasser óttaðist sjálfur, að flug-
vélarránin gæfu ísraelsmönnum eða
Vesturveldunum nú átyllu til þess
að grípa í taumana í Miðaustur-
löndum. Nixon forseti hafði reynd-
ar fyrirskipað að senda skyldi
nokkrar flutningaflugvélar til Tyrk-
lands, þar sem þær ættu að vera til
taks til skjótrar björgunartilraunar,
ef ákveðið kynni að verða að grípa
til slíkra ráða. Flugvélamóðurskip
6. flotadeildar Bandaríkjanna, sem
aðsetur hafði við Miðjarðarhaf, voru
nú á leið til strandar Líbanons.
En hætta beið skæruliðanna á
næstu grösum. Um hríð hafði kom-
ið til bardaga öðru hverju milli
skæruliða frá Palestínu og jórdanska
hersins. Þau átök áttu langan að-
draganda, og er hægt að rekja upp-
tök þeirrar misklíðar marga ára-
tugi aftur í sögu Miðausturlanda. En
þegar öllu var á botninn hvolft,
áttu palestínsku skæruliðarnir, sem
voru jórdanskir borgarar að nafn-
inu til, í algerri borgarastyrjöld við
ríkisstjórn Husseins konungs. í upp-
reisn í júnímánuði höfðu yfir 500
manns fallið eða særzt, áður en
átökunum linnti: Og síðustu vik-
una hafði því verið lýst yfir a. m. k.
tvisvar í viðbót, að nú væri öllum
vopnaviðskiptum hætt, en þær yf-
irlýsingar höfðu verið hafðar að
engu, tafarlaust eftir að þær voru
gefnar út. Nú leið vart sá dagur,
að ekki væri skipzt á skotum í
Amman og öðrum borgum í norður-
hluta Jórdaníu.
Það var langt því frá, að Alþýðu-
fylkingin væri einu palestínsku
skæruliðasamtökin, heldur var um
að ræða samtals 12 skæruliðahópa,
og voru tengslin á milli þeirra laus
í reipunum. Samkvæmt yfirlýsing-
um frá skæruliðasamtökum þessum
var samanlagður herstyrkur þeirra
um 30.000 manns. En ólíklegt er, að
meira en 5.000 þeirra hafi nokkurn
tíma hlotið nokkra herþjálfun.
Vegna þessa sívaxandi þrýstings
frá öllum hliðum gáfu leiðtogar
Alþýðufylkingarinnar í Amman út
svohljóðandi fyrirskipun: Fara
skyldi með farþegana til höfuðborg-
arinnar, en rændu flugvélarnar átti
að skilja eftir á Byltingarflugbraut-
inni.
Abu Fahdi, æðsti yfirmaður
skæruliðanna við flugbrautina, var
mjög óánægður með þessa áætlun.
En hann hlýddi samt og byrjaði að
senda fangana burt til höfuðborg-
arinnar í litlum langferðabílum,
sem yfirmenn hans sendu til flug-
brautarinnar. En hann átti eftir að
koma föngunum á óvart, áður en
hann sendi þá burt. Bílarnir stönz-
uðu um nokkur hundruð metrum
frá flugvélunum og mynduðu smám
saman hálfhring utan um þær.
Nokkrum sekúndum síðar
splundraði sprenging stjórnklefa
BOAC-þotunnar. Svo sprungu elds-
neytisgeymar TWA-þotunnar. Síð-
an splundraðist skrokkur þotunnar
frá Swissair. í 20 mínútur samfleytt
rufu samfelldar sprengingar eyði-
merkurþögnina. Og flugvélar, sem