Bæjarblaðið Jökull - 20.12.2017, Blaðsíða 20

Ásta Dóra Valgeirsdóttir hefur
búið í Snæfellsbæ í 35 ár. Hún
er frá Hafnarfirði og flutti þaðan
vestur. Hún og eiginmaður
hennar Ægir Ingvarsson héldu
sín fyrstu jól saman fyrir 50
árum. Þá voru þau nýgift, hún
heimavinnandi með ungabarn
elsta son þeirra hjóna tveggja
mánaða og hann á milli togara
og því heima um jólin og hefur
hann alltaf verið heima um
jólin síðan þau kynntust.
Undirbúningur fyrir jólin var
hefðbundinn á margan hátt
fyrir þann tíma. Allt var þrifið
hátt og lágt gluggar, loft og
veggir eins og þá tíðkaðist. Þau
bjuggu við Otrateig í Reykjavík
og gerðu allt saman. Var þetta
til dæmis í eina skiptið sem þau
bökuðu hafrakex saman en það
er uppáhald eiginmannsins.
Bakaðar voru 5 smákökusortir,
rúsínukökur, amerískar pipar­
kökur, spesíur og dropakökur.
Þar sem þau höfðu gift sig
sumarið áður gátu þau leyst út
spari merkin sín og áttu því
auka pening. Enda veitti ekki af
þar sem verið var að hefja
búskap og voru keypt húsgögn,
jólatré og lagður grunnur að
þeirra jólaskrauti og jóla­
hefðum, eru nokkrar jólakúlur
til ennþá. Gerðu þau allt saman
til að undirbúa jólin sem ekki
var algengt á þessum tíma og
var Ægir mjög liðtækur í eld­
húsinu. Elduðu þau jólamatinn
saman sem var lambahryggur
með tilheyrandi.
Ásta Dóra kemur úr stórri
fjölskyldu þar sem var mikið
fjör um jólin. Hún hafði ætlað
sér að fara í kaffi til móður
sinnar á aðfangadagskvöld.
Höfðu þau svo sem ekkert rætt
það sérstaklega en Ægir var
vanur því að ef hann var ekki
úti á sjó um jólin var hann
heima og enduðu þau á því að
ekkert var farið. Eftir að litla
fjöl skyldan hafði borðað jóla­
matinn og opnað gjafirnar var
því farið snemma að sofa enda
hvorki sjónvarp eða videó í
boði eins og nú er. Voru for­
eldrarnir því sofnaðir um
klukkan hálf níu þetta aðfanga­
dagskvöld með ungabarninu.
Voru þessi fyrstu jól þeirra mun
öðru vísi en Ásta Dóra átti að
venjast en yndisleg voru þau
samt sem áður enda voru þau
ung hún 18 ára og hann 22 ára.
Önnur minning um jól sem
stendur dálítið upp úr eru
fyrstu jólin þeirra á Gufuskálum
en þangað fluttu þau seint á
árinu 1982. Í nóvember það ár
byrjaði Ægir að vinna á
Lóranstöðinni á Gufuskálum.
Hann hafði farið einn vestur í
nóvember og flogið en þarna
var enn flogið vestur á Rif.
Þekktu þau engann og kom
Buff og spæld egg í jólamatinn
Ægir og Ásta Dóra á heimili sínu í Rifi.