Bæjarblaðið Jökull - 11.04.2019, Blaðsíða 6

Guðmundur Runólfsson hf
er rótgróið fjölskyldufyrirtæki í
Grundarfiði. Eigendur þess eru
börn Guðmundar Runólfssonar
og Ingibjargar S. Kristjánsdóttur,
þau Runólfur, Kristján, Páll, Ingi
Þór, Guðmundur Smári, María
og Unn steinn ásamt mökum og
Móses Geir mundssyni frænda
þeirra.
Í byrjun febrúar á þessu ári
var tekið í notkun nýtt fisk­
vinnslu hús hjá fyrirtækniu. Er
fisk vinnslu húsið eitt full komn­
asta ef ekki fullkomnasta fisk­
vinnslu hús á landinu og stærsta
iðnaðar verkefni á Íslandi á árinu
og eitt stærsta verkefni sem ráðist
hefur verið í á Snæfellsnesi. Húsið
sjálft er hannað af ASK og Verkís
arkitektarstofu, það var síðan
steypt á staðnum af iðnaðar­
mönnum af svæðinu ásamt Ístaki.
Íslenskt hugvit er í hávegum
haft og er allur nýi búnaður
vinnslunnar frá 3X á Ísafirði,
Marel og Baader­Ísland. Einnig
kemur frystibúnaðurinn fyrir utan
vélabúnaðinn frá Kælismiðjunni
Frosti. Allt skipulagið var teiknað
af eigendum og sáu þau sjálf um
val á vélbúnaði sem valinn var út
frá þeirra reynslu og þekkingu
sem er mikil enda hafa þau staðið
í þessum rekstri í mörg ár.
Þegar nýja vinnslan var sett í
gang tók fyrirtækið stórt skref
fram á við en áður en ráðist var
í þetta verkefni var fyrirtækið
með vinnslu sem var við að að
úreldast og er nú komið með
vinnslu á heimsmælikvarða. Í
nýju vinnslunni er hugað að öllu
og sá möguleiki er fyrir hendi að
vinna nær allan fisk í neytenda­
pakkningar og gert ráð fyrir
nýjustu tækni.
Bygging vinnslunnar tók
tum það bil eitt ár en tekin var
tákn ræn skóflustunga þann 2.
júní 2017 á sjómannadaginn. Í
des ember það sama ár var svo
byrjað að moka fyrir grunninum
og um það bil ári síðar eða 22.
desember 2017 var skrifað undir
við verktaka um byggingu nýju
fiskvinnslunnar. Þegar hætt var
vinnslu í gamla húsnæðinu í
nóvem ber síðastliðnum var engu
starfsfólki sagt upp heldur var
öllum haldið á launaskrá og það
sent á íslenskunámskeið og nám­
skeið í átthagafræðum sem skilaði
mjög góðum árangri og er líklega
einsdæmi hjá fyrirtækjum og til
mikillar eftirbreytni. Með þessu
héldu þeir starfsfólki sínu og þeirri
þekkingu sem það hefur safnað
sér en starfsmannavelta hefur
ekki verið mikil hjá fyrirtækinu.
Vinna nú í raun sami fjöldi og
fyrir breytingar og er fyrirtækið að
huga að því að auka við starfsfólk.
Upphafið hefur gengið ágætlega
þó það hafi verið ýmsir hnökrar
sem búið er að sníða af með
framleiðendum tækjanna. Er það
ekkert óeðlilegt þegar litið er til
þess að verið var að taka í gagnið
algjörlega nýja verksmiðju. Flestir
taka eitt og eitt nýtt tæki í notkun
og tekur oft tíma að fínpússa
það en það eina sem er kemur
úr gömlu vinnslunni í þá nýju
eru flökunarvélar og auðvitað
starfsfólkið allt annað er nýtt.
Eigendum G. Run óskum við
til ham ingju með vel heppnaða
fram kvæmd.
þa
Fullkomin fiskvinnsla í Grundarfirði