Kristilegt skólablað - 01.09.1944, Page 18

KRISTILE GT SKÓLABLAÐ
KRISTILEG FÉLÖG I SKÖLUM NOREGS
Norska kristilega stúdenta og menntaskóla-
nemenda félagið var orðið öflugur félagsskap-
ur, áður en Þjóðverjar ruddust inn í Noreg
1940. Það var stofnað árið 1924. Félagið rak
starf meðal stúdenta og menntaskólanemenda
víðs vegar um Noreg, gaf út blað, er nefnist
„Credo“ (Eg trúi) og hélt árlega kristileg mót
fyrir stúdenta og menntaskólanemendur. Fé-
lagið liafði orðið þrjá framkvæmdastjóra og
fjölda sjálfboðaliða til starfs. Hafði þetta starf
mikil ábrif meðal stúdenta og menntaskóla-
nemenda og var sífellt í vexti.
Kristilegu gagnfræðaskólafélögin í Noregi
eru einskonar yngri deild í þessari breyfingu.
Einn framkvæmdastjóranna annaðist sérstak-
lega það starf og ferðaðist um landið til þess
að heimsækja félögin og balda fundi með þeim.
Fyrsta kristilega gagnfræðaskólafélagið var
stofnað af nokkriun nemendum gagnfræða-
skólans í Kristiansand í Suður-Noregi árið
1933. Mánuði síðar var annað slíkt félag stofn-
að í Stavanger — og fimm árum síðar var
slíkt félag stofnað nyrzt í Noregi í Tromsö.
Voru þá um 40—50 slík félög frá syðsta bæ
landsins til bins nyrzta.
Hvert félag starfar sjálfstætt meðal gagn-
fræðaskólanemenda í sínum bæ. TTalda félög-
in samkomur, biblíulestra og gera annað það,
er hagkvæmt þykir fyrir málefnið. Arið 1935
var fyrsta kristilega mótið fyrir gagnfræða-
nema haldið í Noregi- Þátttakendur voru sex-
tíu. Annað árið voru þátttakendur 360. höfðu
þeir því sexfaldazt frá fyrra ári. Þriðja árið
Í1937) voru þátttakendur í mótinu 650.
Ohentugt þótti eftir það að hafa eitt mót fyrir
landið sökum fjölmennis. Mótin voru því tvö
upp frá því. Var annað haldið fvrir gagnfræða-
nema úr suður og austur héruðum Noregs en
hitt fyrir vestur- og norðurhéruðin. Hverjum,
sem vildi, var þó frjálst að sækja hvort mótið,
sem hann kaus, eða hæði, án tillits til þess,
hvaðan af landi hann var. Mót þessi stóðu
5—6 daga hvert sinn með fastri dagskrá að
venju annarra kristilegra móta. Þau eru venju-
legast lialdin á einhverju setri kristilegs æsku-
lýðsskóla, en þeir eru margir í sveitum Noregs.
Var skipt um mótstað ár hvert.
Einstök félög héldu minni mót að vetri eða
sumri. Var það oft gert til aukinna kynna og
uppörvunar.
Sérstakt blað er gefið út fyrir þetta starf.
Nefnist það „Bli med“. Það kemur lit því sem
næst mánaðarlega að vetrinum, fjórar síður
að stærð og í talsvert stærra broti en þetta
blað. Árið 1937 var það gefið út í 4000 ein-
tökum, en átti þá inn áramót að aukast í 5000
eintök.
Starf þetta allt er rekið í þeim ákveðna til-
gangi að boða nemendum fagnaðarerindið um
Jesúm Krist og hvetja þá til þess að ganga
til hlýðni við liann í trú. Það er og rekið til
þess að létta æskumönnum, sem trúna eiga,
daglega baráttu þeirra við þau öfl, er leitast
við að draga æskuna frá kristinni trú. Verð-
ur mörgum ungling erfitt að standa einn með
trú sína, en samfélag styrkir.
Þróttur, líf og mikil gleði hefir einkennl
starf þetta, sem orðið hefir mörgum til bless-
unar.
Heilræði
Ef þú vilt, að Guð sé hjá þér á raunastund
unum, þá verður þú að vera hjá lionum á
tímum velgengni þinnar.
Að lifa í kærleika til allra — það er bið
sanna líf. Sá, sem veit það, gefur sig algerlega
honum á vald, sem allur kærleikur streymir
út frá.
16