Skák - 01.10.1996, Blaðsíða 35

Snarpar og snöggar
Skákþátturinn er venjulega það
fyrsta sem ég lít á í vikuritinu
GUARDIAN WEEKLY sem ég
er áskrifandi að. Honum stýrir
Leonard Barden sem eitt sinn var
einn hinna efnilegustu meðal
ungra enskra skákmanna. Hann
varð Englandsmeistari einu sinni
eða tvisvar og í sveit þeirra á
ólympíumótum, en dró sig svo í
hlé við kapptefli og fór að skrifa
um skák í staðinn. Hann hefur
skrifað nokkrar bækur um skák
og svo hefur hann stýrt þessum
skákþætti í hálfa öld, frá árinu
1956. Þátturinn hefur þótt býsna
góður og er það raunar enn, þótt
ekki sé hann alltaf jafn skemmti-
legur.
I tölublaðinu frá 7. júlí segir
Barden dálítið frá Kramnik. Það
er dálítið skondin tilviljun að
fjóra af fremstu taflmeisturum
heims sem allir eru fyrrverandi
Sovétborgarar, skuli alla vera að
finna í k-unum í stafrófsröðinni:
Kamsky - Karpov - Kasparov -
Kramnik. Af þeim er Kramnik
yngstur, nýorðinn tuttugu og eins
árs þegar þetta er ritað. Hann er
ættaður frá Svartahafsströnd og
foreldrar hans eru báðir lista-
menn, faðirinn myndhöggvari,
móðirin tónlistarkona. Hjá Kram-
nik kemur listgáfan í ljós í skák-
inni, ekki síst í blindskák, en þar
er hann fremstur meðal jafningja.
Hann hefur sigrað í þeirri grein
tvö seinustu árin á margþætta
mótinu í Monaco og John Nunn
segir að hann sé hinn eini stór-
meistaranna sem geti rakið leikj-
araðir úr blindskák upp úr sér eftir
að skákin var tefld, greint ólík
afbrigði og sett síðan upphafs-
stöðuna upp eftir minni.
Kramnik játar að hann sé latur og
segist hafa haft mjög gott af því
að vinna með Kasparov sem
aðstoðamaður við undirbúninginn
undir einvígið við Anand, enda
sigraði hann á tveimur alþjóða-
mótum á eftir í Zúrich og Bel-
grad. Honum finnst hann vera
orðinn jafningi Karpovs og
Kasparovs við skákborðið og
kærir sig kollóttan um hvort hann
er fremstur í Elo-röðinni eða
þriðji. Gegn Kasparov stendur
hann jafnt, hvort sem er í atskák-
um eða rólegum kappskákum.
Hér koma tvær skákir Kramniks
frá Sevilla og verður ekki af þeim
séð annað en að þótt Karpov hafi
verið og Kasparov sé heims-
meistari, þá teflir Kramnik eins
og heimsmeistari, svo að snjöll
ummæli Tartakowers um Aljekín
séu tekin að láni. Það er
athyglivert að báðar skákirnar
vinnur hann á svart.
G.A.
Skák nr. 7979
Hvítt: Ivantsjúk
Svart: Kramnik
Sikileyjarleikur
1. e4 c5 2. Rf3 Rc6 3. d4 cd4 4.
Rxd4 Rf6 5. Rc3 d6 6. Bg5 e6 7.
Dd2 a6 8. 0-0-0 h6 9. Be3 Be7
10. f4 Rxd4 11. Bxd4 b5 12. De3
Dc7 13. e5 de5 14. Bxe5?
Þetta kann að vera rétt samkvæmt
fræðunum, en kemur ekki vel út.
Líklega var 14. fe5 Rd7 15. Dg3
0-0 16. Bd3 betra.
14. - Rg4! 15. Df3 Rxe5 16.
Dxa8 Rd7 17. g3?
Betra var Df3, Bb7, Dg3, þótt
svartur hafi þá líka nokkurt spil
fyrir skiptamuninn.
17. - Rb6 18. Df3 Bb7 19. Re4
f5! 20. Dh5t Kf8 21. Rf2 Bf6!
Svartur hirðir ekki um skipta-
muninn, en teflir til sóknar. Hvíti
kóngurinn er ekki eins öruggur og
í fljótu bragði sýnist.
22. Bd3 Ra4
Nú strandar c3 vitaskuld á Rxb2!
23. Hhel Bxb2t 24. Kbl Bd5
25. Bxb5! Bxa2t!
Svartur gengur ekki í gildruna 25.
- ab5 26. Hxd5! ed5 27. He8 mát.
26. Kxa2 ab5
Nú dugar hvorki Hxe6, Dc4t og
Dxe6, né Df3, Dxc2.
27. Kbl Da5
Ekki dugar Hxe6 enn: 28. Hxe6
Rc3t 29. Kxb2 Db4t 30. Kcl
Ra2 mát. Alltaf skortir herslu-
muninn til þess að hvítur geti ráð-
ist að kóngi svarts, eins og hann
virðist standa á hættulegum stað.
SKÁK191