Leikskrár Þjóðleikhússins - 05.01.1996, Síða 10

Ivctn Menchell er rúmlega þrítugur Banda-
ríkjamaður, fæddur og uppalinn í New York. Faðir
hans var gamanleikari sem samdi sín eigin
skemmtiatriði og Ivan var farinn að skrifa gaman-
leikþætti með föður sínum um þrettán ára aldur.
Eftir að faðir hans lést, sneri hann sér alfarið að
því að skrifa leikverk.
Ivan Menchell stundaði framhaldsnám í Yale
School of Drama. Var Kirkjugarðsklúbburinn
fyrst settur þar á svið í leikhúsi skólans árið
1987. Fyrr en varði höfðu tvö atvinnuleikhús
tekið verkið til sýningar og 1990 var það sviðsett
í Brooks Atkinson Theatre í New York. Var það í
fyrsta sinn sem leikrit eftir nemanda í Yale
School of Drama var tekið til sýningar á
Broadway. Kirkjugarðsklúbburinn er fyrsta
sviðsverk Menchells í fullri lengd og var hann
aðeins 23 ára gamall er hann skrifaði það. Hefur
verkið verið sýnt víða um Bandaríkin, í Bretlandi
og á Norðurlöndunum.
Önnur leikrit Menchells eru Daddy's home,
Yoke (Ilumpty Dumpty: The Inside Story) og
nýjasta verk hans, Smiling Through. Menchell
hefur auk þess skrifað fyrir sjónvarp og gert
kvikmyndahandrit, t.d. Eight Days a Week og við
leikritið Kirkjugarðsklúbbinn.