Fróðskaparrit - 01.01.1971, Síða 124

Útlitið fyri áhaldandi vøkstri í fólkatali Føroya
Rolf Guttesen
TaS er ætlanin í hesi grein at royna at viSgera tey mest
grundleggjandi íbúgvarafrøðiligu hugtøkini, og vísa hvussu
gongdin hevur verið í burðatali (tail av føddum fyri hvørjar
1.000 íbúgvarar) og deyðatali (tal av deyðum fyri hvørjar
1.000 íbúgvarar), sum samanihildin geva tann náttúnliga
vøkstin, og meta um gongdina í næstu framtíð Føroyum við-
víkjandi. Um hesin nevndi náttúrligi vøksturin og tann veru-
ligi vøksturin, sum fólkateljingarnar geva okkum tøl fyri,
verða hildin saman, gevur tað oíkkum upplýsing um ein posi-
tivan ella negativan mun, sum kemur í orsakað av einari
nettotilflyting ella -fráflyting.
Sjálvt uttan at 'kanna hagtøl, er tað flest øllum kunnugt, at
ein fólkaflyting fer fram, bæði innanoyggja og til útlandið,
og at henda flyting hevur fylgjur fyri aldurs- og kynssaman-
setingina í kommunum landsins.
Vanliga eru tey diagrammini, sum avmynda burðar- og
deyðatalið gjøgnum fleiri ár, skipað á tann hátt, at x-ásin er
tíðarás, og y-ásin vísir støddina, oftast f prooentum ella
promillum. Hetta myndaslagið hevur tann vansa, at tann
triðja støddin, náttúrligi vøksturin, ikki kann avlesast bein-
leiðis, uttan so at ein serlig farstrika verður teknað fyri hesa
stødd, og so eru tríggjar ójavnt gangandi strikur at halda
greiðu á í myndini. Tí havi eg valt at nýta tann avmynd-
ingarháttin, sum er framaldur av K. Witthauer og brúktur í
bók hansara »Verteilung und Dynamik der Erdbevolkerung«.
1. og 2. mynd eru av hesum slag. Upp eftir y-ásini verða