Føroya kunngerðasavn A og B - 28.12.1991, Síða 11
163
§ 3. Treyt fyri at inna fiskiskapin eftir reglunum í § 1 er, at
1) skipið hevur fmgið fiskiloyvi,
2) Vaktar- og Bjargingartænastan, áðrenn fiskiskapurin verður byrjaður, fær boð um navn skiparans,
skipanavn, skrásetingar- og radiofrámerki, havnaskrásetingarbókstav og -nummar, skipastødd, longd,
BRT og NRT, maskinhestakreftir og veiðuhátt,
3) skipið yvir Tórshavnar Radio sigur Vaktar- og Bjargingartænastuni frá, tá tað kemur inn á landleiðina,
og hvat ætlanin er at veiða og
4) upplýsir um talið á trolum við loyvdari meskavídd, talið á heilum trolum og trollutum so sum bellum,
trolposum og netastykkjum við smærri meskum enn teimum loyvdu,
5) upplýsir veiðuna, sum er veidd, áðrenn skipið kemur á landleiðina, flokkað eftir fiskasløgum og nøgd,
6) skipið dagliga fyrrapartin sigur Vaktar- og Bjargingartænastuni frá, hvar tað er statt kl. 07.00 GMT, og
at
7) skipið sigur Vaktar- og Bjargingartænastuni frá, tá tað fer av landleiðini og samstundis gevur upp mettu
veiðunøgdina, hvørt fiskaslagið sær.
§ 4. Einki skip má nýta skovlváð, trol, snurriváð ella líknandi net, ið verður drigið gjøgnum sjógvin, sum í
nøkrum parti hevur smærri meskar enn 135 mm. Tað er ikki loyvt at snøra posan, tó er loyvt at knýta tilfar,
ið bert verður fest framman og á síðurnar á posanum, til undirsíðuna á trolposanum (codendanum) fyri at
minka um slit.
Økini eru víst á viðlagda kortskjali.