Føroya kunngerðasavn A og B - 22.03.1996, Blaðsíða 3

47
Nr. 15 27. februar
KUNNGERÐ
um
skrásetingargjald á motorakførum sum flytigóðs.
Við heimild í § 23 í løgtingslóg nr. 175 ffá 18. des-
ember 1992 um skrásetingargjald á motorakførum v.
m. við seinni broytingum hevur landsstýrið fyrisett:
§ 1. Bert eigarar av motorakfari, sum eru 18 ár ella
eldri, kunnu frítakast fyri at rinda skrásetingargjald í
samband við innflutning av motorakfari sum flyti-
góðs. Hvør persónur hevur bert loyvi at innflyta 1
akfar, og skal tað vera til egna nýtslu.
§ 2. Tá flutt verður úr Danmark (tó ikki Grønland),
skal motorakfarið hava verið endaliga skrásett í
navni flytarans í minsta lagi í 6 mánaðir áðrenn inn-
flutningsdagin, og flytarin skal hava verið búsettur í
Danmark í minsta lagi í 1 ár áðrenn flyting til Før-
oyar.
Stk. 2. Tá flutt verður úr øðrum landi enn Danmark,
skal flytarin frammanundan flytingina hava búð
samanhangandi í minsta lagi í 3 ár uttan fyri Føroyar
og í minsta lagi 2 ár í tí landi, hann flytur úr, og
motorakfarið skal hava verið endaliga skrásett í
hansara navni í minsta lagi í 2 ár og hava verið nýtt
- tvs. at akfarið skal hava koyrt í minsta lagi 5.000
km - av honum, ið flytur.
Stk. 3. Tær treytir, ið eru ásettar omanfyri um enda-
liga skráseting uttanlands eru at rokna frá endaliga
skrásetingardegnum á skrásetingarskjalinum og til
tann dag, akfarið verður flutt út úr landinum til Før-
oya. Flytingin skal prógvast við flytiprógvi og skrá-
setingarskjali.
Stk. 4. At motorakfarið er endaliga skrásett, merkir
at skylda er at gjalda og goldin er øll gjøld sum inn-
flutnings-, umsetnings- og skrásetingargjøld o. t. í tí
landinum, tað kemur úr. Um so er, at akfari fær ann-
an eigara innan fyri eitt ár, eftir skrásetingina her á
landi, verður tað skrásetingargjaldsskyldugt, og
kann ikki umskrásetast, fyrr enn skrásetingargjaldið
er goldið. I nevnda 1 ára tíðarskeiði kunnu umskrá-
seting og broytingar av tryggingartakara bert verða
gjørdar við loyvi frá Toll- og Skattstovu Føroya.
§ 3. Toll- og Skattstova Føroya kann, tá serligar um-
støður tala fyri tí, gera frávik í reglunum í § 2, stk.
1, tó ongantíð í reglunum um, hvussu leingi flytarin
skal hava havt bústað í Danmark.
§ 4. Henda kunngerð kemur í gildi, dagin eftir at
hon er kunngjørd. Samstundis fer úr gildi kunngerð
nr. 62 frá 3. juni 1989 um skrásetingargjald á motor-
akførum sum flytigóðs.
FØROYA LANDSSTÝRI, 26. februar 1996
Jóannes Eidesgaard
landsstýrismaður
/ Kári Petersen