Helgarpósturinn - 10.12.1982, Síða 13
13
J~!ek
TjSstl Irínn Föstuda9uf 1Q- desember 1982
HeiqarpöslsvlMaliö:
ólalur Jó
viðlðl: Guðjðn
JmSman
atvikum verið góðir og vondir, heppnaðir
eða misheppnaðir höfundar. í mínu tilfelli
verð ég að láta lesendum eftir að dæma. Sjálf-
ur finn ég ekki til þess að ég sé neitt óskaplega
misheppnaður!“
Blöð og
flokkar
- Eru blöðin allt öðru vísi nú en þegar þú
byrjaðir?
„Margt hefur breyst já, en samt sem áður
má segja að ótrúlega lítið hafi breyst. Blöðin
hafa alltaf verið undirseld flokksræði, háð
forræði og frumkvæði stjórnmálaflokkanna
og það er óbreytt. Flokkarnir sjálfir hafa
kannski orðið rýmri og eitthvað frjálslegri
líkast til af hræðslu um sig og sína hagi. Og
blöðin hafa stækkað, rúma nú margt og mikið
efni umfram lágmark frétta og beinar þarfir
flokkanna. Það breytir því ekki að blöðin
eru, eins og fyrir 25 árum, umfram allt flokks-
málgögn og mér finnst undarlegt þegar verið
er að halda öðru fram, til dæmis um Morgun-
biaðið.
Stofnun Dagblaðsins var skýrt dæmi um
gerviviðburð - pseudo-happening - eins og
svo er nefnt. Ég sé nefnilega ekki að neitt hafi
gerst á Dagblaðinu sem ekki gat gerst á Vísi
og var raunar að gerast þar fyrir stofnun Dag-
blaðsins. Nú er spurning hvort sú þróun held-
ur áfram í DV eða snýr aftur í far gamla Vísis
- aukamálgagn Sjálfstæðisflokksins í Reykja-
vík, sem aðallega lifir á lögreglufréttum og
smáauglýsingum.
Og hvað með Helgarpóstinn? Þarf hann
ekki einmitt núna á hæli og húsbónda að
halda sem tryggi blaðinu fjárhagslegan bak-
hjall?
Sömu söguna er að segja af ríkisfjölmiðl-
unum. Hinu sinni var samþykkt einhverskon-
ar sjálfstæðisyfirlýsing Ríkisútvarpsins og
rofin um leið þau tengsl sem þangað til höfðu
verið milli kosninga í útvarpsráð og þing-
kosninga. Þá tók við nýtt útvarpsráð sem
varð umdeilt og umtalað á sínum tíma og var
áreiðanlega ekki verra en önnur útvarpsráð.
En þegar næst urðu valdaskipti í þinginu var
óðara skipt um útvarpsráð og aftur horfið til
þess að kjósa nýtt útvarpsráð eftir hverjar
alþingiskosningar eins og áður. Þetta var ein-
föld lögbinding á forræði flokkanna yfir út-
varpinu, sem ella hefði kannski getað losnað
um með hægðinni.“
- Finnst þér þú geta heyrt á dagskrám
þessara fjölmiðla hverjir sitji í ríkisstjórn?
„Það er ekki málið. Málið er að flokkarnir
hafa frá upphafi haft frumkvæði um fjölmiðl-
un í landinu og eru ekki líklegir til að sleppa
því forræði sínu á því sviði fremur en öðrum.
Meðan við sitjum uppi með flokkana sitjum
við uppi með forræði þeirra á þessum sviðum
eins og mörgum öðrum.
Blöðin þekkja sín gömlu hlutverk sem ak-
neyti flokkanna. En ef og þegar flokksveldi
sleppir - þá er eins og þau viti ekki hvaðan á
þau stendur veðrið, til hvers þau eiginlega
séu. Til hvers er Helgarpósturinn? Til þess
eins að komá út? Við lesum einhver ósköp af
blöðum. En það er undarlegt hve öll þessi
blöð eru lík, efnisval þeirra, tegundir, hlut-
föll og öll meðferð efnisins. Skyldi nokkur
taka mark á þessu öllu?
Það er auðvelt að róa sig til dæmis með því
að segja að fólk vilji lesa eitthvað létt og
skemmtilegt - viðtöl við menn útí bæ um
daginn og veginn, og það sé um að gera að
fylla sig með einhverju þannig efni sem
reynslan kennir að fólk vilji lesa. Af þessari
orsök ert þú sjálfsagt kominn hingað til að
tala við mig. Ég held að þetta sé alrangt. Ég
held að við ættum ekki að tala svona saman
eins og við höfum verið að gera, ræða heldur
um einhver þau mál sem okkur finnst í raun-
inni báðum tveim mikilvægust. Ef við
gerðum það eins og menn, vildu eflaust ein-
hverjir lesa það sem við hefðum að segja, -
væru jafnvel til með að taka mark á okkur.“