Helgarpósturinn - 30.05.1985, Blaðsíða 2

FRÉTTAPÓSTUR
Guðjón næsti forstjóri SÍS
Guðjón B. Ólafsson, framkvæmdastjóri Iceland Seafood
Corporation, dótturfyrirtækis SÍS í Bandaríkjunum, var
valinn til að taka við forstjórastöðu Sambandsins þegar Er-
lendur Einarsson lætur af störfum. Það verður þó ekki fyrr
en eftir 18 mánuði að Guðjón tekur við af Erlendi — lengri
undirbúnings- eða umhugsunartími heldur en gerist með
helstu embætti í veröldinni. Valið í embættið stóð helst á
milli Guðjóns og Vals Arnþórssonar, bekkjarbróður hans úr
Samvinnuskólanum, en Valur er kaupfélagsstjóri KEA og
einnig stjórnarformaður SÍS. Guðjón B. Ólafsson er gamal-
reyndur Sambandsmaður, hefur raunar alið allan sinn
náms- og starfsaldur innan þeirrar hreyfingar.
ítali í íslensku fangeisi og segist vera meO Aids
Tollverðir fundu í síðustu viku hvítt duft í bréfum sem bár-
ust hingað til lands, stíluð á ítalskan karlmann og brasil-
íska stúlku. Duftið í bréfunum reyndist vera kókain, um 20
grömm af efninu hreinu. ítalinn og brasilíska stúlkan voru
strax handtekin og i kjölfarið tveir íslendingar. Útlending-
arnir eru grunuð um að hafa sett kókaínið í umslög erlendis'
og merkt sjálfum sér hér á landi. í yfirheyrslum báru Ital-
inn og brasilíska stúlkan að þau hafi ætlað sér að neyta
kókaínsins hér sjálf, en ekki selja. Hreint kókaín er yfirleitt
blandað með fimm á móti einum — grammið svo selt á fimm
eða sex þúsund kr. ítalinn hélt því svo fram við lögregluna
að hann óttaðist mjög að hann væri haldinn Aids — „áunn-
inni ónæmisbæklun" — og var blóðprufa úr manninum
send til athugunar erlendis.
Arnarflug semur við Saudaraba
Arnarflug gerði í síðustu viku samning við Saudie-Airlines
upp á 270 milljónir króna. Verður Arnarflug með fimm þot-
ur i brúki í Saudi-Arabiu í sumar, jafnt i farþegaflutningum
til og frá Evrópu sem og fraktflugi.
I
Bandaríkjaher fær að fjölga hernaðarmannvirkjum
Ríkisstjórn Steingríms Hermannssonar hefur fallist á
beiðni Bandaríkjamanna um að byggja hér á landi tvær rat-
sjárstöðvar, aðra á Vestfjörðum en hina á Norðausturlandi.
Þessar framkvæmdir eru liður í endurnýjun ratsjárkerfis
bandaríska herliðsins hér.
Hæstiréttur þyngdi refsingu
Hæstiréttur þyngdi í vikunni refsingu yfir 37 ára gömlum
manni sem í fyrra varð sambýliskonu sinni að bana. í undir-
rétti hafði maðurinn verið dæmdur í fimm ára fangelsi, en
Hæstiréttur þyngdi dóminn um eitt ár.
Kíkisstjórnin eykur skattbyrði
Rikisstjórnin hefur lagt til aukna skattheimtu i þvi skyni að
afla fjár til húsnæðislánakerfisins. Hefur hún kynnt Al-
þingi fyrirætlanir um að hækka söluskatt úr 24% í 25%, að
ákveðinn verði sérstakur skyldusparnaður af hátekjum
ásamt 0,25% eignaskattsviðauka.
Þrjú ungmenni drukknuðu í Þingvallavatni
Þrjú ungmenni drukknuðu að morgni sunnudagsins 26.
maí sl. þegar bát þeirra hvolfdi. Þau hétu: Sigurður Örn Aðal-
steinsson, 29 ára úr Kópavogi, Stefán Þór Hafsteinsson, 25
ára úr Hafnarfirði og Sigrún Bjarnadóttir, 21 árs nemi í
Myndlista- og handíðaskóla íslands.
Sverrir fékk ekki að selja
Þau fáheyrðu tíðindi urðu í fyrradag að stjórnarfrumvarp
var fellt. Þar var á ferðinni stjórnarfrumvarp sem Sverrir
Hermannsson iðnaðarráðherra hafði undirbúið og fjallaði
um sölu á hlutabréfum ríkisins i Sementsverksmiðjunni á
Akranesi. í málflutningi gegn þessum söluáformum Sverris
var bent á að rekstur verksmiðjunnar gengi vel og að flestir
sem leitað var til um umsögn um sölu hef ðu verið henni and-
vígir.
Kristján Sveinsson augnlæknir látinn
Kristján Sveinsson augnlæknir, annar af tveimur borgur-
um í Reykjavík sem hlotið hafa titilinn „heiðursborgari
Reykjavíkur", lést þann 23. maí. Kristján var 85 ára — og
staddur í hófi á Elliheimilinu Grund að halda upp á stúd-
entsafmæli sitt þegar hann hné niður örendur. Hann fædd-
ist 8. febrúar árið 1900.
Borgaryfirvöld gáfust upp
íbúar við Stangarholt i Reykjavík hafa nú unnið kærumál
á hendur Reykjavíkurborg gegn áformum um byggingu
stórs fjölbýlishúss við götu þeirra. íbúarnir sneru sér til fé-
lagsmálaráðuneytisins í vetur og kröfðust þess að bygging-
aráform yrðu stöðvuð — en höfðu áður reynt að reka erindi
sitt fyrir bygginganefnd og rætt við borgarstjóra, sem féllst
ekki á rök ibúanna.
Sigrún hannar fyrir Villeroy og Boch
Rúna (Sigrún Guðjónsdóttir) listakona gerði nýlega samn-
ing við vestur-þýska stórfyrirtækið um hönnun flísa — en
þetta fyrirtæki er hið stærsta í heimi á sviði flísaframleiðslu
og hreinlætistækja.
ípróttir:
Skoska knattspyrnulandsliðið sigraði það íslenska 1:0 á
Laugardalsvelli á þriðjudagskvöldið var. Leikurinn var lið-
ur í heimsmeistarakeppni landsliða.
Erlent:
A.m.k. 4:1 lést og hundru.ð særðust þegartil átaka
kom á knattspyrnuleik milli stuðningsmanna enska Liver-
pool liðsins og italska Juventus í Brússel á miðvikudags-
kvöldið. íslenskir sjónvarpsáhorfendur fylgdust með þess-
um sorgaratburðum því að leikurinn, sem var úrslitaleikur
í keppni meistaraliða, var sendur út beint.
Rakari
sem
ræktar
hár
u
I ingað til hefur það talist
sjálfsagt og eðlilegt í hugum
manna, að rakarar fengjust við
það eitt að skera og snyrta hár og
skegg. En nú eru a.m.k. sumir í
þeirri starfsgrein farnir að víkka
starfssvið sitt og eru teknir til við
að rækta hár þar sem áður var
ekkert. Erlendis breiðist nú mjög
ört út notkun sérstakra laser-
geislatækja sem sögð eru örva
hárvöxt. I Bandaríkjunum hafa
svona lasertæki verið í notkun í
fjögur eða fimm ár, en skemur
annars staðar. I Noregi hafa þau
verið í notkun á rakara- og snyrti-
stofum í átta mánuði og hafa nú
borist hingað. Eiríkur Þorsteins-
son, sem rekur rakarastofuna
Greifann í Garðastræti, hefur eitt
svona geislatæki í notkun.
„Þetta er helst notað til að koma
í veg fyrir hárlos, eða stöðva hár-
los þegar það er byrjað," sagði
Eiríkur.
— En þú læknar ekki skalla með
þessu tæki, ræktar hár?
„Það er talið að það muni geta
tekið eitt til eitt og hálft ár. Ég hef
haft þetta í notkun í þrjá mánuði
og hef hugsað mér að sýna þann
árangur sem orðið hefur eftir um
þrjá mánuði."
— Engar aukaverkanir, Eiríkur?
„Nei. Það er ekki - einu auka-
verkanirnar sem vart hefur orðið
eru að húðin getur orðið þurr.“
— Flasa?
„Það er hugsanlegt, já.“
— Og hefur líkað vel erlendis?
„Þeir hafa góða reynslu af þessu
Landlæknir: Geislameðferð
,,Ef hægt er að lækna skalla með
svona tæki, þá er þessi maður sem
býður þessa þjónustu sá fyrsti í ver-
aldarsögunni allri sem það getur.
Mér er sagt að svona menn hafi ver-
ið að skjóta upp kollinum s. 1. eitt til
tvö þúsund ár,“ sagði Guðjón Magn-
ússon landlæknir, þegar HP spurði
hann um líkur á endurnýjuðum hár-
vexti fyrir tilstuðlan lasertækis.
„Áður fyrr notuðu menn alls kyns
kvoðu og mixtúru og sumir báðu
bænir eða fóru með töfraþulu. Nú
hafa menn tekið tæknina í þjónustu
sína og beita þess vegna lasergeisl-
um. Það er ekkert vafamál að þetta
gerir ekkert gagn,“ sagði landlækn-
ir. „Hár sem er dottið af, það vex
ekki aftur. Þetta er hliðstætt við það
að taka grasstrá sem hefur verið
skorið sundur og reyna að fá það til
að skjóta rótum og vaxa í moldinni
aftur. Það gengur oftast illa.“
— En nú er sagt að þetta tæki örvi
blóðstreymi — hjálpar það ekkert?
,Það má vera að blóðstreymi auk-
ist — en líffræðilega stenst þetta
ekki vegna þess að það er hárrótin
sem deyr og ekkert verður eftir sem
getur spírað. Það hefur nú verið
vandinn í sambandi við alla skalla-
meðferð. Hárrótin er einfaldlega dá-
in og horfin og ekkert eftir lengur —
það myndast ekki ný hárrót."
— En er hægt að koma í veg fyrir
eða stöðva byrjandi skalla?
„Það er hugsanlegt að örvað
blóðstreymi hafi áhrif á vöxtinn, en
jafnvel svona tilraunir, tilraunir með
smyrsl og fyrirbænir, hafa ekki held-
ur borið neinn árangur. Það var ein-
mitt í vetur að bandarísk heilbrigð-
isyfirvöld tóku af skarið í sambandi
við ýmis skallameðul. Það var aug-
lýst eftir efnum og aðferðum sem
menn héldu að hefðu áhrif — bættu
skalla- og yfirvöldin buðu upp á að
ef þannig efni kæmu fram, þá væru
Dreifing Ijóss ó
arsgrundvelli...
S
" köpunarverkið — tilveran
sjálf — er (eins og allir vita) mein-
gallað fyrirbæri. Þessa dagana
blasir einn stærsti gallinn við:
ójafnvægi í dreifingu ljóss á árs-
grundvelli. Það hefði nefnilega
verið mun hentugra að dreifa sól-
arljósinu jafnt yfir allt árið, þannig
að sólin kæmi einfaldlega upp
klukkan sjö (árdegis) og settist
klukkan sjö (síðdegis); og ekkert
rokk með það fram og aftur. En í
stað reglu og sanngjarnrar skipt-
ingar sólarljóss og birtu Heims um
ból, ríkir afleitt óréttlæti og
óregla. Nú þenur gamli gaslamp-
inn sig næstum allan sólarhring-
inn, og við sem viljum helst í hlýju
og myrku skoti kúra, störum rauð-
eyg í skæra ofbirtuna og vitum
ekki hvenær dagurinn byrjar né
heldur hvenær tekur að kvölda. í
skæru sólarljósi tínir maður af sér
spjarirnar af gömlum vana, leggst
á koddann og nær ekki að safna
saman eigin hugsunum fyrir kvaki
(nei, gargi) í spörfuglum eða söng-
fuglum eða hvað þau nú kallast
þessi ótömdu hænsn sem birtast í
bænum á vorin. Nótt eftir nótt gef-
umst við upp, andvökufólkið,
drögum aftur á okkur spjarirnar,
smeygjum okkur í gönguskó og
röltum út í sumarnóttina, birtumst
á götuhorni með taugaveiklunar-
bros í augnkrók, kinkum koili
þegar við sjáumst, þekkjum orðið
hvert annað þegar við mætumst í
annars mannauðri borg og erum
að ganga okkur þreytt, ganga okk-
ur örmagna í von um að festa
hænublund í morgunsárið svo
manni gangi skár að þreyja langan
vinnudag. En sólin er miskunnar-
laus. Hún lýsir upp hvern kima
hússins, espar fuglana upp í tryllt-
an söng þannig að manni finnst
helst að þessi söngóðu vorhænsn
hafi tyllt sér á manns eigið nef og
hafi komið þar á vaktaskiptum.
En fátt er svo með öllu illt; í fyrri-
nótt varð reykvískt síðdegisblað
fyrir hendi þegar ég þreifaði eftir
lesefni við rúmstokkinn, og gat
þar að líta myndir af nýkjörinni
fegurðardrottningu íslands meður
sjálfum Rod Stewart sem rataði út
hingað til að punta uppá fegurðar-
samkvæmi á mánudaginn var.
Nú er mér ekki Ijóst við hvað er
miðað, hvaða mælistika er brúkuð
þegar fegurðardísir eru flokkaðar.
Þegar við dæmum gæðinga elleg-
ar metum hryssur, er jafnan miðóð
við hæfileika, sköpulag og ætt.
Þannig er nauðsynlegt (eða til
muna hagstæðara fyrir hryssuna)
að geta rakið ættir, tilgreint föður-
og móðurkyn tvo, þrjá ættliði
aftur — og síðan er kannaður
huppur, lendastaða, hæð á herða-
kamb, höfuðburður, fótalyfting,
skeið- og tölthæfni og gefinn
gaumur að geðslagi, að ógleymdri
fegurð í reið. Þeir Rod Stewarl
(sem krýndi ungfrú ísland)
og Davíð Oddsson (sem krýndi
ungfrú Reykjavík) munu báðir
2 HELGARPÓSTURINN