Helgarpósturinn - 09.04.1987, Blaðsíða 32
eftir Jónínu Leósdóttur mynd Jim Smart
Hvað finnst ungu,
kaþólsku og rómant-
ísku Ijóðskáldi um hin
„áhyggjulausu'
menntaskólaár, getn-
aðarvarriir, jafnrétti
og stjórnmál?
HÉLT AÐ M.R.
V/ÆRI HIPPABÆLI
Á minn blíðlega hált
þrái ég að mega snerta þig
Finna hörund þitt við mitt
Sjá glampann t augum þínum
endurspegla ást mína
A minn karlmannlega hátt
þrái ég að mega hugga þig,
vernda þig og styrkja
En þú ert mér forboðin
Kona
Eins og ég
(ort í október 1986)
A tímum títtnefndra táninga-
vandamála er það nokkur andleg
upplyfting að frétta af ungu fólki,
sem yrkir Ijóð. Þrjú slík ungmenni
lásu verk sín fyrir sjónvarpsáhorf-
endur í„Geisla" á dögunum, þ.a.m.
feimnisleg, Ijóshœrð menntaskóla-
stúlka sem heitir því hljómfagra
nafni Melkorka Thekla. Þetta unga
Ijóðskáld hefur ákveðnar skoðanir
á nútíð og framtíð, sem hún féllst á
að opinbera fyrir lesendum Helgar-
póstsins, ásamt meðfylgjandi Ijóði.
STIMPLUÐ SEM SÓSÍALISTI
Ungfrúin bar merki þess að vera
nývöknuð, þegar hún bankaði uppá
hjá blaðamanni HP á sunnudagseft-
irmiðdegi — um kaffileytið. Sú stað-
reynd kallaði fram rósrauðar minn-
ingar um áhyggjulausa skóladaga
og morgna, sem vörðu fram eftir öll-
um degi. Ég spurði hana hvort lífið
væri jafnljúft á þessu aldursskeiði og
mig minnti. Melkorka hringaði sig
eins og kettlingur í sófanum, svaraði
spurningum mínum af augljósri ein-
lægni, en gaf sér góðan tíma tii að
hugsa.
„Veistu, það þarf ekki langan tíma
til þess að menntaskólaárin sýnist
óskaplega áhyggjulaus. Ég hef verið
að taka viðtöl fyrir skólablaðið við
krakka, sem útskrifuðust úr MR fyr-
ir 2—3 árum, og meira að segja þau
tala svona. En mér finnst við ekkert
stikkfrí frá „alvöru lífsins", eins og
það er kallað."
— Verður þú komin með kosn-
ingarétt 25. apríl?
„Nei, ég er nýorðin 17 ára, svo ég
get ekki kosið. Ég er ári á undan í
skóla, svo margir af félögum mínum
taka þátt í kosningunum og ég hefði
gjarnan viljað gera það líka. Annars
fer lítið fyrir pólitískri umræðu í
skólanum. Það er næstum eins og
pólitík sé ljótt orð. Reyndar kom
pólitíkin í MR mér mjög á óvart.
Ég var í MA í 3. bekk, en svo flutt-
um við til Reykjavíkur og þá kom ég
í MR, sem pabbi og mamma voru
búin að segja mér mikið frá. Þau
urðu stúdentar 1969 og af lýsingum
þeirra hafði ég ímyndað mér skól-
ann sem eitt allsherjar hippabæli —
eða þannig. Svo var hann allt öðru-
vísi! Það eru örugglega 3/4 eða 4/5
af nemendunum sjálfstæðismenn.
Ég er alls ekki með sterkar póli-
tískar skoðanir, en ég var strax
dæmd sem sósíalisti — bara vegna
þess sem ég geri og segi. Til dæmis
er ég mikið í listum og hef ákveðnar
meiningar um ýmislegt, t.d. hval-
friðunarmál og slíkt. Þar með er ég
stimpluð vinstrisinnuð."
ÁKVEÐIN VIRÐING BORIN
FYRIR ÞEIM SEM YRKJA
— Hefurðu lengi fengist við að
yrkja?
„Það hefur nú verið mest síðustu
2—3 árin.“
— Sýnirðu foreldrum þínum öll
Ijóðin?
„Ég hef alltaf getað komið til
þeirra með Ijóðin mín og rætt þau^
en sum eru auðvitað svolítið per-
sónuleg og núna fá þau kannski
ekki að sjá alveg allt!“
— Gerirðu þér grein fyrir hvaða
þörf þetta er, sem knýr þig til að
setja saman Ijóð?
„Ég get held ég ekki skýrt það.
Þetta er bara eitthvað sem kemur til
mín og ég verð að setja á blað.
Ég held að ég eigi örugglega alltaf
eftir að skrifa, þó ég viti ekki enn
við hvað ég muni vinna í framtíð-
inni. Kannski get ég skrifað með
einhverju öðru starfi. Alls kyns fár-
ánlegir þættir ollu því að ég fór í
stærðfræðideild, þó það sé ekki
alveg á minni línu. Og mig langar að
stunda einhverjar listir.“
— Hvernig er nú litiö á Ijóðskáld í
þessum íhaldssama skóla?
„Þarna er þó nokkur hópur, sem
yrkir. Svo eru örugglega fleiri að
dútla við þetta úti í horni heima hjá
sér, án þess að neinn viti. Mér finnst
ákveðin virðing borin fyrir þeim,
sem eru að þessu. Kannski erum við
þó talin furðufuglar!
En talandi um íhaldssemina og
allt það, þá finnst mér í raun og veru
ágætt að hafa orðið fyrir vissum
vonbrigðum með MR svona í upp-
hafi. Núna hef ég séð að þarna er
prýðisfólk, þó það hafi aðrar skoð-
anir en ég á mörgum hlutum. Þetta
er ágæt lífsreynsla."
MIKLAR PÆLINGAR í
ÁSTARMÁLUM
— Maður gat ráðið af sjónvarps-
viðtalinu um daginn að þú sœktir
mikið efniviö í ástina. Er töluvert
um að vera í þeim málum hjá
stelpu, sem nýorðin er 17 ára?
Melkorka skellihló og gott ef hún
roðnaði ekki örlítið.
„Ja, það eru a.m.k. miklar pæl-
ingar! Annars yrki ég bæði um eigin
reynslu og annarra. Reyni að setja
mig í spor hinna."
— Eru viðhorf krakka á þínum
aldri til kynlífs að breytast í Ijósi
eyðniumrœðunnar að undanförnu?
Svarið kom ákveðið og umhugs-
unarlaust:
„Nei, ég held ekki. Þessi umræða
hefur ekki haft nein áhrif á mennta-
skólakrakka, eftir því sem ég fæ séð.
Það halda allir að þetta sé eitthvað
sem kemur fyrir aðra — ekki þá
sjálfa!"
— Nú ert þú kaþólsk, Melkorka,
og páfinn hefur eins og kunnugt er
lagst gegn notkun smokksins, eins
og annarra getnaðarvarna. Veldur
boðskapur kirkjuhöfðingjans þér
erfiðleikum í nútímaþjóðlífi uppi á
íslandi?
„Okkur eru auðvitað settar ýmsar
reglur í þessu lífi, en að lokum er
það þó alltaf eigið mat sem verður
að ráða. Mér finnst það t.d. alveg
eðlilegt að fólk noti getnaðarvarnir
og sjálfa langar mig að mennta mig
og fá einhverja starfsreynslu, áður
en ég eignast börn. Og það er ekki
einungis mín vegna sem ég vil ekki
eiga börn ung, því ég vil hafa nægan
þroska til að geta alið börnin mín
vel upp og gefið þeim nóg af sjálfri
mér.“
Hún hugsaði sig um andartak og
bætti síðan við: „Annars lagar mað-
ur sig eflaust að breyttum aðstæð-
um, ef börn koma óvænt til sögunn-
ar.“
MARGIR ÆTLA í EITTHVAÐ
PRAKTÍSKT
— Tekurþú mikinn þátt ífélagslíf-
inu í MR?
„Já, já. Ég er í ritstjórn skólablaðs-
ins, lék lítið hlutverk í Herranótt og
svo er ég stundum fengin til að lesa
ljóðin mín við ýmis tækifæri. í
augnablikinu er ég líka í kosninga-
baráttu, því ég er í framboði sem
forseti Listafélagsins."
— En hvernig líður táningsstúlku,
þegar hún stendur fyrir framan
fjölda manns og les Ijóð um sínar
innstu tilfinningar?
„Mér finnst það bara mjög gam-
an. Þetta er ekkert óþægilegt — síð-
ur en svo. Frekar spennutilfinning.
Ég hlakka líka alltaf til að vita
hvernig ljóðin fara i fólk .. . hvernig
því líkar við það sem ég er að gera.“
— Ertu búin að ákveða hvað þú
leggur fyrir þig eftir stúdentspróf?
„Það togast ýmislegt á í mér eins
og stendur, en á endanum verður
það áhuginn sem ræður. Ég gæti
aldrei gert sjálfri mér það að hugsa
um afkomumöguleikana. Launin
skipta mig ekki máli, því ef ég væri
ekki ánægð í vinnunni þá væru há
laun lítil sárabót. Annars er ég
kannski ekkert dæmigerð, því ég
heyri að margir ætla í eitthvert
praktískt nám. Þegar verið er að
ræða nám og slíkt í skólanum, er
langmest spurt um „möguleikana"."
SJÁUM AFDRIF DRAUMA
FORELDRANNA
— Heldurðu að skortur á jafnrétti
eigi eftir að hrjá þig í framtíðinni,
Melkorka?
„Ég held ekki að það sé beint
ójafnrétti í þjóðfélaginu. Konur fara
bara í þessar dæmigerðu kvenna-
stéttir. Þær fá ekkert minna borgað,
ef þær eru í sömu störfum og karlar.
Stelpur fara hins vegar mikið í mála-
deildir og síðan í „húmanískar"
greinar í háskóla, en strákarnir eru
miklu hagsýnni í þessu.
Það hlýtur að verða einhver fram-
þróun, en ég hef þó grun um að
þetta eigi eftir að haldast svona. Eða
sérðu nokkuð karla fyrir þér í skúr-
ingum?"
— Þú ert ekkert sérlega uppörv-
andi. . . ertu virkilega svona lítið
bjartsýn á jafnréttisbaráttuna?
„Fólk býst oft við að ungt fólk sé
svo vongott og fullt af hugsjónum,
en sjáðu hvað við höfum fyrir aug-
unum. Við horfum upp á foreldra
okkar og þeirra hugsjónir og
drauma . .. og hvað varð úr því
öllu? Draumar þeirra kynslóðar
urðu ekki að veruleika og við hljót-
um að læra eitthvað af því. En auð-
vitað hafa allir einhverjar hugsjónir
og ég er engin undantekning."
32 HELGARPÓSTURINN