Haukur - 01.01.1910, Page 10

HAUKUR.
sjer að fara á sleðum alla leið umhverfis Grænland
norðanvert, og suður í nyrztu skrælingjabyggð á
Vesturströndinni, Cape Yorc, og er þá naumast að
vænta frjetta af honum fyr en á næsta ári. — Þetta
er í annað skifti, sem Mikkelsen hefir misst skip sitt
í ísi. Fyrra skipið var „Hertogainnan af Bedford"
lítið trjeskip, sem hann fór á í leiðangur norður í
íshaf 1906—'07. Það fórst í (si norður af Alaska,
og var Mikkelsen þá, eins og nú, í 'sleðaferð á ísn-
um, langar leiðir frá skipinu.
Norðurför Roalds Amundsen. Norðmað-
urinn Roald Amundsen er nýlega lagður af stað f
nýjan Norðurheimskautsleiðangur. Hann er áður
frægur norðurfari frá „Gjöa‘‘-leiðangrinum fyrir
nokkrum árum. Þessa för fer hann á skipinu
„Fram“, sem allir kannast við frá ferðum þeirra
Nansens og Sverdrups. Tilgangur Amundsens er
ekki sá, að ná Norðurheimskautinu, fremur en verk-
ast vill, heldur reyna að rannsaka ýms óþekkt svæði
í Norðuríshafinu. Fram hefir verið við hafrann-
sóknir í Atlantshafinu f sumar, og úr þeim fer
Amundsen af stað í norðurför sína. Fer hannvest-
ur fyrir Ameríku, kemur við í San Francisco, og Ieggur það-
an af stað norður í Norðurheimskautshöfin. Myndin sýnir
Amundsen og fjelaga hans á skipinu Fram. Það er Amund-
sen, sem hvfti krossinn er við.
Minnismerki Niels Finsens, ljóslæknisins fræga,
hefir nýskeð verið reist við framhhð Ríkisspítalans nýja í
Kaupmannahöfn. Það er listaverk mikið eftir H. Tegner
líkansmið, og nefnist: „Til Ijóssins". Margir aðrir líkansmið-
ir gerðu uppkast að minnismerkinu, en uppkast Tengners
var dæmt bezt.
Flug frá París til
Lundúna. Stór—blaðið
»Daily Mail« hafði heitið
afar-háum verðlaunum fyr-
ir flug milli þessara tveggja
höfuðborga. Latham, sem
flestir munu hafa heyrt
getið, reyndi fyrstur, en
vjel hans bilaði, svo hann
varð að hætta við förina.
Þá fór Spánverji einn,
Moisant, að nafni, afstað.
Hann var með öllu óþekkt-
ur fiugmaður áður, hafði
að eins örsjaldan lagt í
loft upp, áður en hann fór
í þessa för. Hann lagði
af stað frá flugvellinum
Islele-Moieaux í París 17.
Moisant flugmaður.
ág. síðastl., kom við í Amiens og
Calais, flaug síðan yfir Ermarsund í töluverðum stormi, og
hjelt beina leið til Lundúna. Nálægt bænum Tilmanstone
bilaði vjel hans eitthvað, svo að hann varð að lenda; en
honum tókst eftir nokkra daga að gera við hana, og komst
hann alla leið til Lundúna 6. þ. m. Hann hafði farþega.
vjelmeistara sinn, með sjer alla leið.
Banatilræð:. Fyrir skömmu var Gaynor majór, borg-
arstjóri í New-York, staddur úti á þýzka fólksflutningaskipinu
»Kaiser Wilhelm der Grosse*, er hann ætlaði á snögga ferð
til Norðurálfunnar, og vissu menn þá ekki fyrri til, en skotið
var á hann úr skammbyssu. Kúlan kom i kjálkann á borg-
arstjóranum, og hrökk þar f tvennt, og blæddi svo mikið úr
sárinu, að í fulla viku var tvísýnt um líf borgarstjórans. 111-
virkinn var gamall hafnargæzlumaður, sem Gallagher hjet, og
Minnismerki N. Finsens.
Gaynor borgarstjóri eftir tilræðið.
lá við sjálft, að mannfjöldinn dræpi hann í gremju sinni —
án dóms og laga. Hann þykist hafa framið banatilræðið í
því skyni, að hefna sín á Gaynor, með því sjer hefði verið
sagt upp gæzlumannsstarfinu af hans völdum. En í raun og
veru lítur helzt út fyrir, að óvinir Gaynors hafi keypt hann
úl þess. Gaynor var valinn borgarstjóri í New-York í júlí
1909, en tók ekki við embættinu fyr en í janúar 1910, og á
nokkrum mánuðum hefir hann komið á ýmsum stórfelldum
endurbótum, sem miða að þvf, að koma í veg fyrir ýmiskon-
ar valdamisbeiting. Einkum hefir hann haft vakandi auga á
lögreglunni, sem hefir beitt borgarana alls konar harðstjórn
og hótunum, og lagt á þá nauðungarfjegjöld, í stað þess að
vernda þá og verja. Ein setning Gaynors um lögregluna er
orðfleyg orðin: »Bezta ráðið til þess, að fá Iögreglumennina
til að haga sjer eins og heiðarlegir menn, er það, að fara
með þá eins og þeir hefðu sómatilfinningu«. Endurbætur
Gaynors hafa þegar sparað New-York 1,718,000 dollara, sem
áður runnu í vasa valdhafanna. Það er því eðlilegt, að Gaynor
hafi eignazt óvini meðal þeirra, sem orðið hafa fyrir tekju-
missi af endurbótum hans, en jafnframt því hefir hann áunnið
sjer dæmafáa lýðhylli, og er talið, að hann gangi næst
Roosevelt, að því er vinsældir alþýðu snertir. Banatilræðið
hefir og orðið til þess, að styrkja álit hans, og ef hann —
eins og margir halda — ætlar að bjóða sig fram við næstu
forsetakosningar, þá eru mikil líkindi til þess, að hann verði
kosinn. — Myndin sýnir borgarstjórann í sömu svipan, sem
skotið hitti hann. Tveir menn hlaupa þegar að, til að styðja
hann, en blóðið streymir úr sárinu á andlitinu.
(
— 19 —
— 20 —