Morgunblaðið - 15.04.1981, Blaðsíða 31

MORGDNBLAÐIÐ, MIÐVIKUDAGUR 15. APRÍL 1981
31
Sigur gegn Alsír og enn er möguleiki
„ÞAÐ VAR hreint geðveikisleg
spenna í leiknum hann «at
vissulesa farið á hvorn veginn
sem var.“ sagði Einar Bollason,
þjálfari íslenska landsliðsins í
korfuknattleik i samtali við
Morgunblaðið í Kærkvöldi. eftir
að íslenska landsliðið hafði siur-
að Alsírbúa 72—70 í C-riðli Evr-
ópukeppninnar í körfuknattleik í
Sviss. í hálfleik var staðan 42—
37 fyrir ísland.
„Alsírmenn háfa komið gífur-
lega á óvart í keppninni, þeir eru
geysilega fljótir og ákveðnir og
sýndu sannarlega hvað í þeim býr
í gærkvöldi, er þeir sigruðu Skota
með eins stigs mun,“ sagði Einar
enn fremur og hélt áfram: „Næsti
leikurinn á undan leik okkar var
viðureign Portúgala og Svisslend-
inga og burstuðu Portúgalarnir
heimaliðið. Það var slæmt að
horfa upp á það, því við það
minnkuðu möguleikar okkar á því
að vinna riðilinn verulega. Okkur
gekk því erfiðlega að rífa okkur
upp í rétt hugarfar í leiknum.
Undir venjulegum kringumstæð-
um tel ég að við ættum að vinna
landslið Alsír með 10—15 stiga
Pétur Guðmundsson hefur fengið
sérstaka meðferð hjá mótherjum
í Sviss.
mun, en svona var þetta nú að
þessu sinni samt sem áður. Það er
margra mál, að úrslitaleikurinn
hafi í raun verið viðureign okkar
gegn Portúgölum. Þar gerði fyrst
og fremst gæfumuninn, að þeir
voru búnir að sjá okkur leika, en
við ekki þá. En við mætum Sviss á
morgun (í dag) og það er mikill
hugur í strákunum að gera vel. Ef
við sigrum þá, sem á að vera hægt,
getum við borið höfuðið hátt.“
Sem fyrr segir, var staðan í
hálfleik 42—37 fyrir ísland. Pétur
Guðmundsson lenti snemma leiks
í villuvandræðum, var kominn
með þrjár eftir nokkrar mínútur,
og var hann því lítið með fyrr en í
síðari hálfleik. Alsírbúarnir komu
Staðan
STAÐAN í Sion-riðlinum i körfu-
knattleik er nú þannig, að tsland
hefur forystu, 5 stig, Portúgal
hefur 4 stig, Sviss og Alsír 3 stig
hvor þjóð og Skotland 2 stig. Vert
er að taka fram, að þjóðirnar fá
eitt stig fyrir tap, tvö fyrir sigur.
ákveðnir til leiks í síðari hálfleik
og jöfnuðu fljótlega. Var staðan
þá 50—50. Eftir það og allt til
leiksloka var gífurleg spenna í
leiknum, Islendingar ávallt fyrri
til að skora, en Alsírbúar jafnan
fljótir að jafna. Þegar fjórar
sekúndur lifðu leiksins reyndu
Alsírbúar að jafna, skot þeirra
geigaði og Torfi Magnússon þurfti
ekki annað en að hanga á knettin-
um í fjórar sekúndur. Sigurinn
var í höfn.
„Það hefur háð okkur gífurlega í
tveimur síðustu leikjum okkar, að
mótherjarnir gera í því að fá
villur dæmdar á Pétur. Þeir kasta
Jónas stóð sig frábærlega vel.
sér undir hann og sýnast illa
leiknir og dómararnir virðast
hreinlega ekki sjá í gegnum þetta.
Þannig hefur Pétur lítið getað
leikið síðustu leikina vegna villu-
vandræða. En gegn Alsír kom
Jónas í hans stað, átti þó við
meiðsl að stríða, og hann stóð sig
geysilega vel, skoraði sex stig og
hirti fjölda frákasta bæði í sókn
og vörn. Jónas, ásamt Torfa og
Jóni Sigurðssyni, komst best frá
leiknum,“ bætti Einar við að
lokum.
Stig íslands: Torfi 16, Pétur 15,
Jón Sig. 11, Símon 10, Jónas og
Kristján 6 hvor, Ríkharður og
Kristinn 4 hvor og Gunnar 2 stig.
— KK-
Landsmótið á Siglufirði
Hjónakornin sigruðu örugglega
SKÍÐALANDSMÓTIÐ 1981 hófst
á Siglufirði i gærdag með setn-
ingu og síðan keppni i skíða-
göngu. Það vakti athygli, að
sigurvegararnir i elstu göngu-
flokkum karla og kvenna. Magn-
ús Eiríksson og Guðrún Ólöf
Pálsdóttir, eru hjón og Siglfirð-
ingar í þokkabót. Ekki á hverjum
degi sem slíkt á sér stað.
Magnús sigraði sem sé í göngu
20 ára og eldri, en sá aldursflokk-
ur gekk 15 kílómetra. Tími Magn-
úsar var 50,07 mínútur, sem var
næstum heilli mínútu betri tími
en hjá næsta manni sem var
Reykvíkingurinn Ingólfur Jóns-
son, sem fékk tímann 50,58. Þriðji
var Örn Jónsson Reykjavik á
52,10, þá Haukur Sigurðsson
Ólafsfirði á 52,33, síðan Þröstur
Jóhannesson ísafirði á 53,38 og
sjötti var síðan Kristján R. Guð-
mundsson ísafirði á 56,48.
Sem fyrr segir sigraði eiginkona
Magnúsar, Guðrún Pálsdóttir, í
flokki 19 ára kvenna og eldri. Tími
Guðrúnar var 22,21, en kvenfólkið
gekk 5 kílómetra. Önnur varð
Guðbjörg Haraldsdóttir Reykja-
vík 4)23,01, Anna Gunnlaugsdóttir
ísafirði varð þriðja á 24,38. Fjórða
var síðan María Jóhannsdóttir
Siglufirði á 24,51. Keppendur í
flokki þessum voru aðeins fjórir.
Einar Ólafsson frá ísafirði varð
hlutskarpastur í flokki 19 ára
karlmanna og yngri. Sá flokkur
gekk 10 kílómetra og var heildar-
tími Einars 35,10 mínútur. Annar,
og skammt á eftir Einari, var
Finnur Gunnarsson Ólafsvík á
35,31 og Gottlieb Konráðsson
Ólafsfirði varð þriðji á 35,34.
Börðust þeir Gottlieb og Finnur
hatrammlega um annað sæti.
Þorvaldur Jónsson Ólafsfirði varð
fjórði á 36,37 og sveitungi hans
Axel P. Ásgeirsson varð fimmti á
37,00. Sjötti varð Siglfirðingurinn
Egill Rögnvaldsson, en tími hans
var 37,18.
Loks var keppt í flokki 16—18
ára kvenna og voru keppendur
aðeins fjórir. Sigurvegari varð
Brynja Ólafsdóttir frá Siglufirði,
tími hennar var 15,42, en fiokkur
þessi gekk aðeins 3,5 kílómetra.
Mundína Bjarnadóttir, einnig frá
Siglufirði, varð önnur, tími henn-
ar var 16,30 og þriðja sætið
hreppti Sigurlaug Guðjónsdóttir
Ólafsfirði á 17,01. Fjórði keppand-
inn var Rannveig Helgadóttir
Reykjavík, tími hennar var 18,25.
Besta veður var á Siglufirði er
mótið hófst, logn, 10 stiga hiti, en
þó sólarlaust. Enda gekk mótið
snurðulaust fyrir sig þennan
fyrsta dag. í dag verður keppt í
stökki og fleiru, en ekki er víst að
úrslit liggi fyrir áður en Morgun-
blaðið fer í prentun. Við verðum
að sjá til. — gg.
íslandsmót öldunga
ÁRLEGT íslandsmót öldunga i blaki fer fram dgana 1. og 2. mai i
iþróttahúsi Kennaraháskólans. Nú þegar hafa 8 karlalið og 4
kvennalið. víða að af landinu. tilkynnt þátttöku i mótinu sem hefst kl.
10 föstudaginn 1. maí.
Að mótslokum laugardaginn 2. mai verður sameiginlegur fagnaður
þátttakenda og gesta þeirra í Félagsheimili Seltjarnarness.
Nánari upplýsingar um mátið veitir Gunnar Árnason á skrifstofu
Blaksambands tslands i síma 86895 kl. 16—18 og Skjöldur Vatnar i
sima 15234.
MARTR00
í Alþýðuleikhúsinu,
Hafnarbíó
Nemendasýning Jazzballett-
skóla Báru veröur í Alþýöuleik-
húsinu, Hafnarbíói í kvöld, miö-
vikudaginn 15. apríl, kl. 20.30.
Miðasala í leikhúsinu frá kl. 2
sími 16444.
Miöasala í leikhúsinu sími 16444.