Morgunblaðið - 21.08.1982, Blaðsíða 20

20
MORGUNBLAÐIÐ, LAUGARDAGUR 21. ÁGÚST 1982
Frelsinu fegnir
ísraclsku fangarnir tveir, sem voru i haldi hjá PLO, frelsinu fegnir. Á
myndinni má sjá þá báða. Á milli þeirra er öryggisfulltrúi PLO. Annar
fsraelanna er flugmaður, sem náðist eftir að vél hans var skotin niður, en
hinn var tekinn höndum í vesturhluta Beirút á miðvikudag i síðustu viku.
Yfirvöld í Ziirich vilja
losna viö flóttamennina
/iirkh, 20. ágÚHt. AP.
BORGARYFIRVÖLD í Ziirich, hundóánægð með aðgerðir ríkisvaldsins til að
stemma stigu við auknum flóttamannastraumi, hafa nú ákveðið að grípa til
eigin ráða.
Hafa þau tekið fyrir komu
ferðamanna frá löndum, þar sem
styrjaldir eða pólitisk ólga ríkir,
til þorgarinnar nema þeir skrifi
undir skjal þar sem þeir staðfesta
að þeir sæki ekki um hæli sem
pólitískir flóttamenn.
Talsmaður útlendingaeftirlits
kantónunnar, en Zurich er sérstök
kantóna (kantóna = hérað), hefur
sagt, að ráðstafanir þessar geti að
sjálfsögðu ekki komið í veg fyrir
að fólk geti sótt um hæli, sem póli-
tískir flóttamenn, þegar það á
annað borð er komið inn í landið.
Hins vegar séu þessar aðgerðir
hugsaðar til þess að stemma stigu
við sívaxandi fjölda flóttamanna,
sem eru ekki ofsóttir í heimalandi
sínu en eru að sækjast eftir ver-
aldlegum gæðum.
Ibúar flestra austantjaldsland-
anna þurfa sérstaka vegabréfs-
áritun til þess að komast inn í
landið. Slikar áritanir eru ekki
ERLENT
veittar nema með samþykki þeirra
kantóna, sem ferðamennirnir hafa
• hyggju að heimsækja.
Eftir að hafa veitt erlendum
borgurum pólitískt hæli, án nokk-
urra takmarkana undanfarin 28
ár, hafa svissnesk yfirvöld frá og
með 15. júlí t.d. krafist vegabréfs-
áritana ferðalanga frá Tyrklandi.
Er það gert vegna þess að 400
þeirra 580, sem sótt hafa um póli-
tískt hæli á þessu ári, eru Tyrkir.
Afstaða yfirmanna Zurich-
kantónu hefur komið af stað mik-
illi umræðu í svissneskum fjöl-
miðlum um flóttamenn. Yfirvöld
landsins reyna engu að síður þessa
dagana að semja við borgaryfir-
völd í Zúrich um málamiðlunar-
lausn.
I»eir voru glaðhlakkalegir félagarnir Brezhnev og Jaruzelski er þeir
hittust að máli nú í síðustu viku í Sovétríkjunum. Það var fyrsti
fundur þeirra frá setningu herlaga.
Noregur:
Dómsmálaráðherra í
klípu vegna hunds
Frá frétUriUra Mbl. í Osló.
DÓMSMÁI.ARÁÐHERRANN, Mona Rökke, er kominn í hálfneyðarlega
aðstöðu vegna hunds sem hún á. Svo óheppilega vildi nefnilega til að
hundurinn beit lítinn dreng í heimabæ Monu, Drammen, og þess er nú
krafist að hann verði aflífaður. Einnig reyndist dómsmálaráðherrann
hafa gleymt að fá leyfi fyrir honum, eins og hún hefur þó gert skylt með
norskum landslögum.
Málavextir voru þeir, að hund-
urinn var einn á gangi dag einn er
hann tók skyndilega á rás og beit
dreng, tíu ára að aldri, svo
hressilega í handlegginn að
flytja þurfti hann á sjúkrahús og
saumuð voru mörg spor.
Faðir drengsins hélt þá þegar
á fund lðgreglunnar og krafðist
þess að hundurinn yrði aflífaður þar
sem hann v’æri hættulegur um-
hverfi sínu. I Ijós kom við eftir-
grennslan að eigandi hans var
enginn annar en dómsmálaráð-
herrann, sem hafði ekki séð um
að hundurinn framfylgdi norsk-
um landslögum, þar sem hann
gekk laus á götum úti og á háls-
bandi hans var ekki að finna
upplýsingar um eiganda eða
símanúmer, heldur einungis
nafn hundsins, „King“.
Dómsmálaráðherrann hefur
lofað bót og betrun ef hún fái að
halda hundinum, en enn liggur
ekki ljóst fyrir hverjar lyktir
málsins verða. Verður hann
aflífaður eins og aðrir hundar er
hafa komið sér í slikt klandur,
eða verður hann settur laus á
sérskilmálum vegna náinna
tengsla sinna við ríkisstjórnina?
Millisvæðamótið í Toluca:
Seirawan og Ivanov
eru nú í efsta sæti
Toluca, Mexíkó, 20. á|pÍ8t. AP.
EFTIR jafntefli gegn Spassky í 40
leikjum i 7. umferð millisvæðamóts-
ins i Toluca i Mexíkó hefur Banda-
rikjamaðurinn Yasser Seirawan for-
ystuna ásamt Ivanov frá Kanada
með 4,5 vinninga.
Sjöunda umferðin var tefld í
gær og lauk öllum skákunum
nema einni þar sem skák Nunn og
Portisch fór í bið eftir 42 leiki.
Hafði Portisch betri stöðu er
skákin fór í bið.
Úrslit annarra skáka urðu þau
að Líbaninn Kouatly bar sigurorð
af Argentínumanninum Rubinetti,
Torre frá Filippseyjum vann
Rodriguez frá Kúbu, Ivanov og
Ungverjinn Adorjan gerðu jafn-
tefli í aðeins 14 leikjum, Hulak frá
Júgóslavíu og Sovétmaðurinn Yus-
upov skildu jafnir og landarnir
Balashov og Polugajevski frá Sov-
étríkjunum skildu einnig jafnir.
Bretinn John Nunn er í 3. sæt-
inu með 4 vinninga og biðskák og
þeir Spassky, Balashov, Adorjan
og Torre eru allir með 4 vinninga.
Portisch er með 3,5 vinninga og
betri stöðu í biðskákinni gegn
Nunn. Yusupov er einnig með
sama vinningafjölda.
Flugræningi yfirbugað-
ur og drepinn á Indlandi
Nýju Delhí, 20. ágúst. AP.
FLUGRÆNINGI, sem í morgun
rændi Boeing 737-flugvél i innan
landsflugi á Indlandi, var skotinn til
bana í AmriLsar þar sem flugvélin
lenti eftir að henni hafði verið neitað
um lendingarleyfi i Lahore i Pakist-
an. Allir farþegarnir, 63 að tölu auk
6 manna áhafnar, sluppu ómeiddir.
Vélin var á leið frá Bombay til
Nýju Delhí. Ræninginn vildi fá að
lenda í Lahore í Pakistan, en vélin
fékk ekki leyfi yfirvalda, sem
framfylgja mjög strangri stefnu
gagnvart flugræningjum. Eftir að
hafa hringsólað yfir flugvellinum
þar í meira en 90 mínútur var
henni snúið til Amritsar.
Veikri konu og barni hennar var
hleypt út úr vélinni þremur
klukkustundum eftir að hún lenti,
en það var ekki fyrr en ræninginn
leyfi öðrum farþegum að fara, að
hægt var að ráðast til uppgöngu í
vélina. Réðust þá sérþjálfaðir her-
menn inn og skutu ræningjann.
Þetta er í annað skipti á einum
mánuði, að flugvél er rænt í inn-
anlandsflugi i Indlandi. Þann 4.
ágúst var vél með 133 farþegum
innanborðs rænt og stefnt til Lah-
ore. Þá varð ræninginn að gefast
upp.
Líkamshlutar í krukkum
komu upp um morðingjana
llon|> Kong, 20. ágúst. AP.
TVEIR BRÆÐUR voru í dag ásak-
aðir um hrottalegt morð á 17 ára
skólastúlku, sem saknað hefur verið
af foreldrum hennar frá því í síðasta
mánuði, eftir að lögreglan fann lík-
amshluta í krukkum í ibúð hinna
grunuðu.
Þá skýrði lögreglan frá því að
frekari ákæra væri að vænta á
hendur bræðrunum. Annar þeirra
er 27 ára gamall leigubílstjóri og á
langa sögu að baki sem geðsjúkl-
ingur. Hinn er 23 ára.
Upp komst um morðið þegar
starfsmaður ljósmyndavöruversl-
unar upplýsti lögregluna um að
myndir af sundurlimuðum manns-
líkama hefðu komið í ljós er filma
eins viðskiptavinarins var fram-
kölluð. Eldri bróðirinn, Lam Kowk
Wan, var þegar í stað handtekinn.
Lögreglan hefur sagt að sex líf-
færi úr a.m.k. þremur konum hafi
fundist í formalín-upplausn í
krukkum í íbúð þeirra. Við frekari
leit fann lögreglan fullkominn
ljósmyndunarútbúnað, auk þús-
unda ljósmynda af líkum, mis-
jafnlega sundurskornum.
Nýjar upplýsingar gætu
komið Connolly í koll
Dyflinni, 20. ágúst. AP.
VIÐ FREKARI rannsókn hefur
komið í Ijós, að Malcolm McArthur,
maðurinn sem grunaður er um tvö
morð og fannst i íbúð írska ríkis-
saksóknarans, Patrick Connolly, bjó
fyrr á árinu í annarri íbúð sem Conn-
olly leigði þar til í júní. Naksóknar-
inn sá ekki ástæðu til að geta þessa
í fyrri yfirheyrslum. Það var eigandi
byggingarinnar, sem íbúðin er í, sem
gaf lögreglunni þessar upplýsingar.
Er talið víst, að við þessi tíðindi
muni stjórnarandstaðan á írlandi
krefjast nýrrar yfirlýsingar frá
Charles Haughey, forsætisráð-
herra, vegna þessa hneykslismáls.
Að sögn ónafngreindra ná-
granna bjó Connolly í 7 ár í kjall-
araíbúð í húsi í úthverfi Dyflinni,
um 8 km frá heimili hans. Sam-
kvæmt upplýsingum nágrannanna
flutti Connolly út í desember á
síðasta ári en mánuði síðar flutti
maður, sem að sögn líktist mjög
McArthur, inn ásamt á að giska 7
ára dreng. McArthur og kona hans
eiga son á þessum aldri. Þá var frá
því skýrt í breska blaðinu Guardi-
an, að enn væru að berast bréf í
þessa íbúð stíluð á Connolly og
reyndar eitt á McArthur.