Morgunblaðið - 21.08.1982, Blaðsíða 42
42 MORGUNBLAÐIÐ, LAUGARDAGUR 21. ÁGÚST 1982
Breytingar hjá
Getraununum
LAIJ(;ARDAGINN 28. ápíst hefst
enska deildakeppnin að nýju eftir
sumarhlé og er það viku síðar en
venja hefur verið. Stafar það af þvi,
að leikmönnum í landsliðunum, sem
tóku þátt í heimsmeistarakeppninni
á Spáni, hefur verið gefið lengra
sumarleyfi frá knattspyrnu.
Samtímis hefja Getraunir starf
að nýju og nú verður getraunaseð-
illinn með breyttu formi og hefur
verið færður í sama snið og gerist
á hinum Norðurlöndunum. Ein-
faldi raðaseðilinn, sem var með 8
röðum, hefur verið stækkaður í 10
raðir og stafar breytingin af því,
að Getraunirnar hafa fengið frá ,
norsku getraununum nýjar
myndavélar, sem taka mynd af
stærra formati en eldri vélarnar
gerðu. Þessar nýju vélar eru mun
hraðgengari og taka myndir af 12
seðlum á sekúndu, en hinar fyrri
mynduðu þegar bezt gekk 6 seðla á
sekúndu.
Seðlagerðir verða þrjár sem
fyrr: 10 raða seðili með einföldum
röðum, 16 og 36 raða kerfisseðlar,
og verðið hefur verið fært til sam-
ræmis við verðlagsþróunina eða
hækkað um 50% úr kr. 1,00 í kr.
1,50 pr. röð.
Getraunaseðill nr. 1 hefur verið
sendur til allra söluaðila utan höf-
uðborgarsvæðisins, en aðilar inn-
an þess verða að vitja fyrsta seð-
ilsins á skrifstofu Getrauna í
Iþróttamiðstöðinni.
Petrovic til Arsenal
þrátt fyrir allt?
I'eir hjá Arsenal hafa ekki gefið upp
alla von um að fá Júgóslavann Vladi-
mir l’etrovic til liðs við sig, en eins
og skýrt var frá í fregnum afturkall-
aði júgóslavneska knattspyrnusam-
bandið leyfi landsliðsmannsins
kunna til þess að semja við Arsenal.
IVtrovic var þegar kominn til Lund-
úna og var byrjaður að a-fa með sín-
um nýju félögum þegar kallið kom
að austan og varð hann þá að hverfa
sneyptur heim. Var hann afar reiður
í garð knattspyrnuyfirvalda í heima-
landi sínu og gagnrýndi þau ótæpi-
lega í blöðum er heim kom.
En Terry Neil, stjóri Arsenal,
hefur ekki gefið upp alla von.
Hann segir: „Nú ríður á að flana
ekki að neinu, vera rólegur og laus
við alla ýtni. Það er leiðinlegt að
svona skyldi fara, því Petrovic
kom sér vel við hina leikmennina,
var vinsæll. Júgóslavneska sam-
bandið kemur saman til fundar 15.
september og þá vona ég að þeir
endurskoði ákvörðun sína. Ef þeir
gera það verðum við hæst ánægðir
þó svo að betra hefði verið að hafa
Petrovic í okkar röðum í fyrstu
umferðunum. Ef þeir neita að
sleppa honum fyrr en 1. janúar
eins og þeir hóta, þurfum við hjá
Arsenal að ákveða þá hvort við
höfum not fyrir hann eða ekki,
meta stöðuna þá.“
Víðir efstur áður
en keppnin hefst
ÍIRSLITAKEPPNI 3. deildar í
knattspyrnu hefst í dag og eru tveir
leikir á dagskrá. KS og Selfoss mæt-
ast á Siglufirði og Víðir og Tindastóll
leika í Garðinum. Þessi fjögur lið
eru í úrslitum og er leikið heima og
hciman. Næstu leikir eru 28. ágúst,
síðan 4. sept., og síðasta umferðin
verður 11. sept.
KS og Tindastóll koma úr
B-riðli, og sigraði fyrrnefnda í
riðlinum, en hin tvö eru úr A-riðli.
Svo undarlega sem það kann að
hlióma stendur Tindastóll mun
betur að vígi en KS er út í úrslita-
keppnina kemur, þar sem liðið
náði þremur stigum af þeim í
riðlakeppninni, en innbyrðis leikir
félaganna þar látnir gilda.
Aður en knetti hefur verið
spyrnt í úrslitakeppninni er því
staðan þannig:
Víðir
Tindastóll
KS
Selfoss
2 2 0 0 6—0 4
2 110 2-1 3
2 0 11 1-2 1
2 0 0 2 0-6 0
- SH.
Fram og Valur verða í eldlínunni í 1. deildar keppninni um helgina. Hér
kljást Hafþor Sveinjónsson og Þorsteinn Sigurðsson um knöttinn.
Úr bikarúrslitaleik Tottenham og QPR á síðasta keppnistímabili. Tottenham sigraði 1-0 í aukaleik og það var Glenn
Hoddle sem hér leikur fram með knöttinn sem skoraði sigurmarkið.
Liverpool og Tottenham glíma
um góðgerðarskjöldinn í dag
— og enska deildarkeppnin fer síöan á fulla ferð
ENSKA knattspyrnan hefst form-
lega i dag með hinum árlega leik um
góðgerðarskjöldinn, „Charity
Shield", en það eru meistarar og
bikarmeistarar síðasta keppnistíma-
bils sem jafnan bítast um skjöld
þennan og þykir hann eftirsóttur
verðlaunagripur. Leikið er jafnan á
Wembley-leikvanginum og er venj-
an að miðar seljist upp, enda Engil-
saxar knattspyrnusjúk þjóð. Að
þessu sinni eigast við Liverpool, sem
vann meistaratitilinn og Tottenham.
sem varð bikarmeistari.
Hætt er við að Keith Burkin-
shaw, framkvæmdastjóri Totten-
ham, verði að tefla fram hálfgerðu
skrapliði gegn Liverpool, þrír af
fastamönnum liðsins verða örugg-
lega ekki með og aðrir tveir eiga
við meiðsli að stríða og óljóst
hvort þeir verða orðnir góðir tím-
anlega. Þeir sem verða örugglega
ekki með eru Graham Roberts og
Steve Perryman, sem eru að ná sér
eftir uppskurði, og Argentínumað-
urinn Ricardo Villa, sem kom
seint heim úr sumarleyfi sínu og
er ekki í nægilega góðri æfingu.
Þá eru þeir Paul Miller og Tony
Galvin vafasamir vegna meifcsla.
Liverpool teflir að öllum líkind-
Ian Rush, hinn mikii markaskorari
Liverpool.
um fram sínu sterkasta liði. Þó er
ekki endanlega útséð hvort þeir
Ken Dalglish og Alan Hansen geti
leikið með, en þó er frekar búist
við því. Þeir eiga við minni háttar
meiðsli að stríða.
Næsta laugardag hefst síðan 1.
deildar keppnin með tilheyrandi
tilþrifum og óvæntum úrslitum.
Eru margir athyglisverðir leikir á
dagskrá þegar í fyrstu umferðinni,
en leikir dagsins eru eftirtaldir:
Aston Villa — Sunderland
Brighton — Ipswich
Coventry — Southampton
Liverpool — WBA
Man. Utd. — Birmingham
Norwich — Man. City
N. County — Swansea
Stoke — Arsenal
Tottenham — Luton
Watford — Everton
West Ham — N. Forest
Og í kjölfarið rekur hver um-
ferðin aðra, en þær eru 42 talsins.
Ógerningur er að spá hvaða lið
hreppir meistaratitilinn að þessu
sinni, en mjög margir „sérfræð-
ingar" eru þó á því að meistarar
Liverpool og Manchester Utd.
muni berjast um bitann. Ipswich,
Arsenal, Tottenham, Southamp-
ton og fleiri eru kölluð, en sem
vitað er, er aðeins eitt lið útvalið.
Mikilvægir leikir í
1. og 2. deild um helgina
FJORIR leikir fara fram í 1. deild
íslandsmótsins i knattspyrnu áður
en næstu íþróttasiður Mbl. líta dags-
ins Ijós á þriðjudaginn. í dag eru
tveir leikir, en aðrir tveir á
mánudagskvöldið. í dag verður leik-
ið á ísafirði og í Vestmannaeyjum. Á
ísafirði eigast við ÍBÍ og ÍA, en í
Eyjum mætast lið ÍBV og KA, báðir
leikirnir hefjast klukkan 14.00. Á
mánudagskvöldið eru svo tveir mik-
ilvægir leikir enn, ÍBK og Fram eig-
ast við í Keflavík, en Víkingur og
Valur mætast á Laugardalsvellinum.
Leikirnir hefjast klukkan 19.00.
Leikur Víkings og Vals er stórleikur
umferðarinnar, en sigur þar þýðir að
Hæðargarðsliðið verður komið með
aðra höndina á bikarinn. Valsmenn
hafa þó verið í mikilli sókn og væru
efstir ef þeir hefðu ekki tapaö tveim-
ur kærumálum í sumar, en þar hurfu
fjögur stig. Þeir eiga enn möguleika
á IJEFA-sæti þrátt fyrir það og berj-
ast því til sigurs. Samsvarandi leik í
fyrra lauk með 4—2-sigri Vals, en
Víkingur varð meistari engu að sið-
ur.
Þá eru fjórir leikir á dagskrá í 2.
deild, allir í dag og víðs vegar um
land., Þór og Einherji mætast á
Akureyri, Skallagrímur og FH
leika í Borgarnesi, Þróttur N og
Fylkir eigast við á Neskaupstað og
í Njarðvík leiða saman hesta sína
Njarðvík og Völsungur. Allir leik-
irnir hefjast klukkan 14.00.
Bikarkeppni FRI:
Vinnur IR sinn
11. sigur í röð?
BIKARKEPPNI Frjálsiþróttasam-
bands íslands fer fram um helgina
og hefst í dag klukkan 14.00. Keppt
verður í 1. deild á Fögruvöllum í
Laugardalnum, i 2. deild norður á
Akureyri, en í 3. deild á Víkurvelli.
Augu manna munu að sjálf-
sögðu beinast mest að 1. deildinni,
en þar keppa ÍR, Ármann, UMSB,
Skarphéðinn, KR og FH. IR-ingar
hafa einokað keppni þessa síðasta
áratuginn. hugsanlegt er að lið fé-
lagsins vinni nú sinn ellefta sigur
á jafn mörgum árum. Hefur félag-
ið fengið liðsauka sem er Lilja
Guðmundsdóttir, sem að öllu
jöfnu æfir, keppir og býr erlendis,
en er félagsbundin í ÍR. Fleiri
íþrótáamenn sem keppa erlendis
mæta til mótsins.
Sem fyrr segir hefst keppnin í
dag klukkan 14.00 og á morgun
hefst hún á sama tíma. Tvö neðstu
liðin í 1. og 2. deild falla niður, en
tvö efstu úr 2. og 3. deild flytjast
hins vegar upp í sætin sem losna.