Morgunblaðið - 11.05.1983, Síða 22
22
MORGUNBLAÐIÐ, MIÐVIKUDAGUR 11. MAÍ 1983
VíghóJaskóIi, sem lagöur verður undir Menntaskóla Kópavogs, samkvæmt samningi bæjarráðs Kópavogs og menntamálaráðuneytisins.
Samningur um breytta tilhögun
skólamála í Kópavogi umdeildur
SAMNINGUR Kópavogskaupstað-
ar og ríkisins um breytta skipan
skólamála í Kópavogi hefur verið
umdeildur í Kópavogi, en samning-
urinn, sem bæjarráð Kópavogs og
menntamálaráðuneytið gerðu, var
undirritaður af menntamálaráð-
herra og fjármálaráðherra í síðustu
viku. Samningurinn felur í sér
rajög breytt fyrirkomulag skóla-
mála í Kópavogi og var hann til
umfjöllunar á fundi bæjarráðs í
gær, þriðjudag, en gert er ráð fyrir
að bæjarstjórn Kópavogs taki af-
stöðu til hans á fundi sínum á
fostudag. Vegna þessara samninga
þarf ríkissjóður að leggja I 11—12
milljón króna kostnað, eða talsvert
umfram fjárlög 1983, en á þeim
eru tæpar 3,5 milljónir króna til
grunnskóla í Kópavogi.
Samningurinn felur í sér að
Víghólaskóli verði lagður niður
frá lokum yfirstandandi skóla-
árs og húsnæði hans tekið undir
Menntaskóla Kópavogs. Er mið-
að við að Víghólaskóli verði af-
hentur menntaskólanum 15. júní
nk. í staðinn verði húsnæði
menntaskólans afhent Kópa-
vogsskóla frá sama tíma. Bæj-
arsjóður Kópavogs og ríkissjóð-
ur munu hafa makaskipti á eign-
arhlutum í Víghólaskóla og
Kópavogsskóla.
Gert er ráð fyrir að nemendur
7. og 8. bekkjar Víghólaskóla
færist í aðra grunnskóla, sam-
kvæmt ákvörðun bæjarstjórnar,
en við því er búist að þeir flytjist
í Kópavogsskóla og Digranes-
skóla.
Þá er í samningnum ákvæði
um að nýr grunnskóli, Hjalla-
skóli, taki til starfa í Hjalla-
hverfi, skammt austan við
Digranesskóla, frá og með næsta
hausti. Framkvæmdir við skól-
ann eru ekki hafnar, skólinn hef-
ur ekki verið hannaður, lóð ekki
ákveðin og undirbúningsfram-
kvæmdir ekki hafnar. Hins veg-
ar á Hjailaskóli að fá til afnota
sjö lausar kennslustofur, sem
menntaskólinn hefur haft til af-
nota. Framkvæmdir við skóla-
hús eiga að hefjast á árinu og
verður fyrsti áfangi um 500 fer-
metrar, og er ráð fyrir því gert
að fjármögnun fyrstu fram-
kvæmda hvíli á ríkissjóði.
Auk Hjallaskóla er í samning-
unum gert ráð fyrir að áhersla
verði lögð á að ljúka uppbygg-
ingu Snælandsskóla og Digra-
nesskóla, en það verður undir
fjármálavaldinu á hverjum tíma
komið hvernig þau áform ná
fram að ganga.
Loks er í samningi bæjarráðs
Kópavogs og menntamálaráðu-
neytisins gert ráð fyrir því að
komið verði upp húsnæði fyrir
hótelgreinar og verknámsskóla í
matvælagreinum í Kópavogi, og
að kennsla í þessum greinum
geti hafist innan þriggja ára.
Áform þessi hafa í þessari
viku verið kynnt starfsfólki skól-
anna, þar sem skoðanir um
breytingarnar eru skiptar. Og í
kvöld mæta fulltrúar bæjarráðs
og skólanefndar, fræðslustjóri
og skólafulltrúi á fundi með for-
eldrum nemenda í Víghólaskóla,
sem mótmælt hafa þessum
áformum og krafist þess að
byggt verði í staðinn yfir
menntaskólann.
„Þetta er engin lausn“
segja nemendur Víghólaskóla
þessum fyrirætlunum, og fannst
upplagt að kanna afstöðu íbúa á
skólasvæðinu. Við höfum fengið
góðar undirtektir, annars erum
við bara nýbyrjaðar," sögðu stöll-
urnar Ingibjörg Steingrímsdóttir
og ólöf Gunnarsdóttir.
„Við getum ekki séð hvernig
húsnæði Víghólaskóla á að duga
menntaskólanum. Húsið er í það
þrengsta fyrir 350 nemendur, svo
það verður ennþá þrengra um
menntaskólann, sem telur 500
nemendur. Og það er ljóst að við
missum félagsaðstöðu ef þetta
fyrirkomulag verður tekið upp.“
í Grænutungu hittum við pilt,
Markús Guðmundsson, með und-
irskriftaskjal. Hann kvaðst vera
að byrja á sínu svæði, og var á
leið til félaga sinna, sem ætluðu
saman í leiðangurinn og klára
svæðið um kvöldið.
„Það er mikil samstaða um
þetta í skólanum. Það eru nem-
endur áttunda bekkjar sem fyrir
þessu standa og taka þátt í undir-
skriftasöfnuninni um eitt hundr-
að manns. Við höfum skipt aust-
urbænum upp á milli okkar, þar
sem hver hópur hefur sitt svæði,"
sagði Markús.
Ingibjörg Steingrímsdóttir (t.v.) og Ólöf Gunnarsdóttir með undirskrifta-
skjal. MorpinblaAM/ Kristján.
„Þetta er engin lausn, það væri
miklu nær að byggja hreinlega yfir
menntaskólann," sögðu tvær ungar
dömur úr áttunda bekk Víghóla-
skóla, en Morgunblaðsmenn hittu
þær á Hlíðarvegi í Kópavogi i gær.
„Við ákváðum að mótmæla
Markús Guðmundsson
„Hér á að
gera stóra
hluti alltof
snögglega“
— segir Sveinn Jóhannsson
skólastjóri Víghólaskóla
„Þetta iítur illa út fyrir minn
skóla, hann hverfur. Ég get eng-
an veginn tekið þessum fregnum
fagnandi, enda mikið í húfi, og í
mínum skóla er engin hrifning
með þessi áform,“ sagði Sveinn
Jóhannsson skólastjóri Víghóla-
skóla í samtali við Mbl., er hann
var spurður um hans afstöðu til
fyrirhugaðra breytinga á fyrir-
komulagi skólamála í Kópavogi,
sem m.a. fela í sér að Víghóla-
skóli verði lagður niður og hús-
næðið tekið undir menntaskóla.
„Hér er verið að leysa vanda
framhaldsskólans, en mér sýn-
ist að eigi að gera þetta alltof
snögglega. Og ekkert samráð
hefur verið haft við okkur um
þetta, þótt það sé orðin viðtek-
in hefð í pólitíkinni að hafa
samráð um flesta hluti. Að
mínu mati erum við ekki til-
búnir í grunnskólanum til að
gera þessa hluti svo snögg-
lega,“ sagði Sveinn
Sveinn sagði að hið breytta
fyrirkomulag gerði ráð fyrir að
nemendur úr Víghólaskóla
færu í Digranesskóla og
Kópavogsskóla. „Þessar breyt-
ingar hafa í för með sér gífur-
lega félagslega röskun, og það
er meðal annars af þessum
sökum sem ég er á öndverðum
meiði við þessar fyrirætlanir,"
sagði hann.
Sveinn sagði að fullyrt væri
af hálfu yfirvalda að kennara-
stöðum fækkaði ekki við breyt-
inguna, þar sem nemenda-
fjöldinn breyttist ekki. Hann
kvaðst búast við að ýmsir
kennarar myndu þó eiga erfitt
með að rífa sig upp og aðlaga
sig nýju fyrirkomulagi.
„Ég hef ekki hugmynd um
hvað við tekur hjá mér, né
heldur hinum kennurunum.
óvissan er mikil hjá okkur öll-
um. En meðan við enn erum
starfsmenn við þessa stofnun
og þar til annað hefur ekki ver-
ið ákveðið munum við mæla
gegn þessum fyrirhuguðu
breytingum."
Samkvæmt heimildum
Morgunblaðsins munu skoðan-
ir skólamanna í Kópavogi um
hið breytta fyrirkomulag mjög
skiptar. Ýmsir eru þeirrar
skoðunar að mjög nauðsynlegt
sé að skólinn sé heilstæður.
Grunnskólakennarar ályktuðu
þó í vetur gegn þessum áform-
um. Bæjarráð tekur afstöðu til
samningsins í dag, þriðjudag,
og bæjarstjórn á föstudag.
[ Opið í krold tfl kl. 20]
HAGKAUP
Skeifunni15