Morgunblaðið - 27.01.1985, Blaðsíða 4

4
MORGUNBLAÐIÐ, SUNNUDAGUR 27. JANtJAR 1985
„Heimili fyrir þá sem
hvergi eiga höfði að hallau
— segir Ásgeir Egg-
ertsson sem hefur
stofnað athvarf fyrir
allslausa á
Barónsstíg 13
ATHVARF fyrir all.slausa hefur nú
verið opnað að Barónsstíg 13 í
Reykjavík. Að athvarfi þessu stendur
einn maður, Ásgeir Eggertsson, og
hefur hann fest kaup á húsinu.
Ásgeir sagði, aö hann hefði lengi
hugsað sér að reyna að hjálpa þeim
sem minna mega sín í hjóðfélaginu.
„Þetta heimili á að vera fyrir þá
sem hvergi eiga höfði sínu að
halia,“ sagði hann. „Það eru marg-
ir, sem lenda í óreglu og eiga erfitt
með að rífa sig upp úr henni aftur
vegna þess að allir snúa við þeim
baki. Menn, sem leiðast út í afbrot
eru oft meðhöndlaðir sem holds-
veikir og þeir fá hvergi inni.
Hingað getur þetta fólk komið og
fengið matarbita og húsaskjól."
Húsnæði það, er Ásgeir hefur
þegar tekið í notkun er stór hæð og
kjallari, en tvær hæðir til viðbótar
bætast við í mars. Þá hefur hann
um 400 mz til umráða. „Það var
vissulega ekki auðvelt að láta þenn-
an draum minn rætast, en með
hjálp góðra manna tókst þetta. Þá
má ekki heldur gleyma að minnast
á konu mína, sem hefur stutt mig
mikið," sagði hann. „Það vantar þó
enn margt, t.d. þarf ég nauðsynlega
að fá sturtuklefa hér á neðri hæð-
ina, en allar lagnir eru tilbúnar.
Svo vantar einnig rúm og sængur-
föt. Starfsfólki get ég ekki greitt
Morgun blaöiö/Bj arni.
Ásgeir Eggertsson, sem stofnað hef-
ur athvarf i Barónsstíg.
laun, enda greiðir fólkið, sem hér
dvelst, ekkert fyrir matarbita og
náttsvefn. Það er auðvitað útilokað
að reka húsiö án þess að fjármagn
komi einhvers staðar að, en ég er
bjartsýnn á að þau mál leysist.
Sjálfur er ég orðinn einn af þeim
allslausu við þessar framkvæmd-
ir,“ sagði Ásgeir og brosti við.
Þegar Ásgeir hefur tekið allt
húsið í notkun segist hann ætla að
hafa 12—14 einstaklingsherbergi á
efri hæðunum, borðstofu og setu-
stofu á neðstu hæöinni og eldunar-
aðstöðu í kjallara. „Þetta hús er
ætlað fyrir erfiðustu tilfellin, fólk-
ið sem vísað er á milli stofnana án
þess að fá lausn sinna mála. Ég
vona að ég geti átt góða samvinnu
við alla þá sem að svipuðum málum
starfa. Ef það tekst er ég ekki í
vafa um að þetta gengur upp,“
sagði Ásgeir að lokum.
Húsnæði athvarfsins er þriggja hæða hús og gerir Ásgeir m.a. ráð fyrir að í
þvf verði 12—14 einstaklingsherbergi.
Nýr doktor í stærðfræði
HINN 20. október síðastliðinn varði
Kagnar Sigurðsson doktorsritgerð i
stærðfræði við Lundarháskóla í Sví-
þjóð. Ritgerðin ber heitið „Growth
properties of analytic and pluris-
ubharmonic functions of finite
order“. Leiðbeinandi Ragnars við
gerð ritgerðarinnar var prófessor
Lars Hörmander í Lundi og and-
mælandi við vörn hennar var pró-
fessor ('hrister Kiselman í Uppsöl-
um.
Ragnar er fæddur 4. október
1954 og er sonur hjónanna Sigurð-
ar Sigurjónssonar rafvirkjameist-
ara og Guðbjargar Hjálmsdóttur.
Hann lauk stúdentsprófi frá
Menntaskólanum við Tjörnina
1974 og síðan B.Sc.-prófi í stærð-
fræði frá Háskóla íslands 1977.
Hann hóf framhaldsnám við
Lundarháskólá haustiö 1978 og
kenndi þar einnig við stærðfræði-
deildina. Hann er nú sérfræðingur
í stærðfræði á jarðhitadeild
Orkustofnunar.
Ragnar er kvæntur Sigríði J.
Guðmundsdóttur og eiga þau eitt
barn.
Morgunblaiið/tllfar.
Oskar Friðbjarnarson í Hnífsdal er fæddur í Sútarbúðum í Grunnuvík.
Hann var óvanur hákarlsverkun allt þar til fyrir 6—7 árum að hann
sneri sér að þeirri grein og hefur náð ótrúlegum árangri.
Verkar hákarl allt árið
ínfirAi, 24. janúar.
f ÞORRABYRJUN leggja margir
leið sína til Óskars Friðbjarnar-
sonar og kaupa sér úrvalshákarl og
lúðurikling. Oskar hefur á orði að
sanngjarnt væri að hann sem einn
stærsti framleiðandi kæsts hákarls
í landinu ætti í raun að fá prósent-
ur af öllum þeim ókjörum af
brennivíni sem Albert og hans
menn selja til að renna þessum
ágæta mat niður.
óskar hefur verkað harðfisk
um 20 ára skeið, en fyrir 6—7
árum ofbauð honum að allur sá
hákarl sem skuttogararnir við
Djúp fengju væri kastað í sjóinn.
Fór hann að leita sér upplýsinga
hjá reyndum hákarlaverkendum
um hvernig ætti að verka skepn-
una, en komst að þeirri merki-
legu niðurstöðu, að enginn vann
hákarlinn á sama hátt. Óskar
þreifaði sig áfram og hefur hon-
um nú tekist að bæta framleiðsl-
una, svo að hann getur nú unnið
við hana að mestu allt árið, en
sumarhiti og fluga vildu höggva
stór skörð í afurðirnar áður.
Vöruvöndun er hans vöru-
merki, enda er það svo að sumir
þeirra sem byrjuðu að skipta við
hann fyrir tuttugu árum eru enn
í viðskiptum og þótt hann augl-
ýsi aldrei, þá hefur hann alltaf
nóga kaupendur og sendir afurð-
ir sínar um allt land. úif»r.
NÝTT-NÝTT
HEIMILIS- 0G RAFTÆKJADEILD
hagstÆD
GÓÐIR GREIÐSL USKILMÁLAR
Afmælismót
Skáksambandsins:
Nunn
kemur
ekki
ENSKI stórmeistarinn John Nunn
hefur afþakkað boð Skáksambands
íslands um að tefla á afmælismóti
Skáksambands íslands í febrúar.
Stjórn Skáksambandsins hyggst
bjóða hollenska stórmeistaranum
Van der Wiel til mótsins. Fimm er-
lendir skákmenn hafa boðað komu
sína á mótið — þar af fimm stór-
meistarar, Yusupov frá Sovétríkjun-
um, Boris Spassky frá Frakklandi,
Vlastimil Hort frá Tékkóslóvakíu,
Bent Larsen frá Danmörku. Þá teflir
heimsmeistari unglinga, Curt Han-
sen á mótinu.
Norðmenn hafa tilkynnt að al-
þjóðlegi meistarinn Knut Helmers
muni verða aðstoðarmaður Simen
Agdestein í einvíginu við Margeir
Pétursson. Nokkurrar óánægju
hefur gætt í Noregi með þá
ákvörðun norska skáksambands-
ins og Agdestein að samþykkja að
einvígið við Margeir skuli háð í
Reykjavík.