Morgunblaðið - 20.08.1986, Blaðsíða 28
MORGUNBLAÐIÐ, MIÐVIKUDAGUR 20. ÁGÚST 1986
28
AKUREYRI
Starf smannafélagið Mótherji:
Grillveisla í
Kjamaskógí
SKIPVERJAR á frystitogaranum
Akureyrinni g-erðu sér giaðan dag
sl. mánudag ásamt fjölskyldum
sinum og efndu til mikillar grill-
veislu í Kjamaskógi rétt við
Akureyri.
^ Það var starfsmannafélagið Mót-
heiji, sem formlega stóð fyrir veislu-
höldum, en eins ogkunnugt er heitir
útgerðafélag Akureyrinnar Samheiji.
Grillveisla er raunar orðinn árlegur
viðburður hjá þeim Mótheijum, en að
þessu sinni þótti ástæða til veglegra
veisluhalda þar sem togarinn kom úr
einum af sínum alkunnu mettúrum
aðfaranótt sunnudagsins. I starfs-
mannafélaginu eru 36 manns, en á
sjó í einu eru 25—26 manns. Grillveisl-
an fór vel fram enda spilti veður síður
en svo fyrir hátíðarhöldum.
Akureyrin færði að landi 267 tonn
af unnum fiski nú um síðustu helgi
og svarar það til um 30 milljóna króna
aflaverðmætis. í veislunni hafa verið
milli 70 og 80 manns og óhætt er að
'segja að nóg hafi verið á borðum
bæði í mat og drykk.
Jón ívar Haildórsson, sem var skip-
stjóri í mettúmum nú síðast, var
mættur með eiginkonu og tvö böm.
Hann sagðist í samtali við blaða-
mann, að vonum vera hæstánægður
með túrinn, sérstaklega vegna þess
að túrinn hafi verið hans síðasti á
Akureyrinni. „Ég er að taka við 300
tonna rækjubát, sem er í smíðum í
Slippstöðinni, og er reiknað með að
hann fari á veiðar í nóvember nk.“
Tveir kokkar voru um borð í túm-
13m, báðir kvenkyns, þær Hulda
Ámadóttir og tengdadóttir hennar
Sigríður Stefánsdóttir. Hulda sagði
þetta ijórða túrinn sinn á árinu og
annar mettúrinn sem hún lenti í. Hinn
var farinn í júní í fyrra og þá var Jón
Ivar einnig skipstjóri. Síðan sló Þor-
steinn Vilhelmsson skipstjóri á
togaranum það met síðla sumars og
Jón síðan aftur nú. Hulda sagðist
hafa unnið í skíðahótelinu í Hlíðar-
fjalli sem matráðskona 9 undanfarin
ár, en hún sagðist hafa nefnt það við
framkvæmdastjóra útgerðarinnar á
einni árshátíðinni hvort hún mætti
ekki prófa að fara einn túr sem kokk-
ur. „Hann tók mig á orðinu og það
kom að því að hann hringdi og ég
byrjaði í maí í fyrra.“
■ Hulda sagðist vera þriggja bama
móðir, en það yngsta væri nú orðið
16 ára. „Öll fjölskyldan er úti á sjó
nema sá yngsti, við hjónin á Akur-
eyrinni og tveir eldri synimir á
Ákureyrartogaranum Hrímbaki.
Fyrstu vikuna mína á sjó var ég mik-
ið sjóveik, en finn ekkert fyrir sjóveiki
núna.“
Hulda sagðist vera fyrst að fá
skatta núna svo um munaði frá því
hún var matráðskona í skíðahótelinu,
en þar vann hún aðeins Qóra mánuði
á ári. „Ég er þó ekkert í vandræðum
með að eyða tekjunum — við hjónin
emm nýkomin frá Spáni og emm að
fara með starfsmannafélaginu Mót-
heija í vikuferð til London í lok
september. Maður á a.m.k. fyrir gjald-
eyrinum," sagði Hulda.
„Ætlarðu að gleyma að segja
blaðamanninum frá því hvemig þú
plataðir niður í okkur mjólkinni,”
sagði Einar Einarsson háseti, í þann
mund er blaðamaður bjóst til brott-
farar. „Já, það má ekki gleyma því,
sagði Hulda og hló. „Þannig var að
ég átti 40 lítra af mjólk sem skip-
veijum fannst eitthvert óbragð af.
Ég keypti hinsvegar 20 lítra af glæ-
nýrri mjólk í Flatey og þegar nýja
mjólkin var búin, hellti ég eldri mjólk-
inni í nýju femumar og það heyrðist
ekki hljóð úr homi og mjólkin rann
út eins og heitar lummur. Strákunum
hefur a.m.k. ekki enn orðið meint
af,“ sagi Hulda kokkur á Akureyrinni.
Hulda Ámadóttir var kokkur á
Akureyrinni í mettúrnum.
Fjallalömbin runnu glatt út í grillveislunni.
Morgunblaðið/Johanna Ingvarsdóttir
Jón ívar Halldórsson, skipstjóri, ásamt konu sinni Sólveigu Hjaltadóttur og sonunum Guðmundi 12 ára
og Hjalta 6 ára.
Ungu sjómannssynimir nutu veðurblíðunnar og grillveislunnar út i ystu æsar.
Það var glatt á hjalla hjá áhöfn Akureyrinnar og fjölskyldum þeirra í Kjarnaskógi sl. mánudag.