Morgunblaðið - 06.09.1986, Blaðsíða 22

22
MORGUNBLAÐIÐ, LAUGARDAGUR 6. SEPTEMBER 1986
Bandaríkin:
Fjárlagahallinn vanmetinn
Washington, AP.
HALLI á fjárlögum Bandaríkja-
stjómar á árinu 1987 verður a.m.k.
fjórum milljörðum dollara meiri
en stjórnin hafði gert ráð fyrir,
167,3 milljarðar í stað 163,4. Er
það álit bandarísku ríkisendur-
skoðunarinnar.
í skýrslu, sem endurskoðunarskrif-
stofa ríkisins sendi f fyrradag einni
nefnd fulltrúadeildarinnar, segir, að
ríkisstjómin hafi vanmetið útgjöldin.
í Gramm-Rudman-lögunum segir, að
hallinn megi ekki vera meiri en 144
milljarðar dollara og því verði „líklega
krafist meiri niðurskurðar eða tekju-
aukningar". í fyrmefndum lögum er
fjárlagahallanum settar skorður með
það fyrir augum að jafnvægi náist á
árinu 1991. Ef hallinn er meiri en
10 milljarðar umfram hámarkið kem-
ur til lögbundins niðurskuiðar.
■ VERKSMHMII
■OlSAlA
að norðan
ODYR FATNA-ÐUR
Á ALGJORU LÁGMARKSVERÐI
H - húsið
AUÐBREKKU - KOPAVOGI
Opið: 10-19 virka daga/10-17á laugardögum
'd
ai
Heimsmet í stökki á mótorhjólum
Heimsmeistarinn í stökki á mótorhjóli, Englendingurinn Chris
Bromham, sést á myndinni setja nýtt heimsmet í greininni.
Hann stökk yfir 20 stórar vörubifreiðir, rúmlega 80 metra, sem
er 11 metrum lengra en fyrra heimsmetið sem hann átti sjálfur.

AP/Simamynd.
Ella Fitzgerald
á batavegi
Los Angeles, AP.
ELLA Fitzgerald, jazzsöngkonan
fræga, sem nýlega gekkst undir
hjartaaðgerð í sjúkrahúsi í Los
Angeles, er á góðum batavegi.
Talsmaður sjúkrahússins sagði
að aðgerðin hefði gengið vel og
söngkonan yrði flutt af gjörgæslu-
deild um helgina. Ella Fitzgerald
veiktist í júlímánuði sl. er hún var
á söngferðalagi og í ljós kom að
hún var hjartveik. Hún var þá send
heim af sjúkrahúsi eftir þijá daga
og sagt að hvfla sig. Ollum tónleik-
um er hún hafði ætlað að halda á
þessu ári var aflýst. Síðar kom á
daginn að hún þyrfti að gangast
undir hjartaaðgerð.
15 ára gamalt hneykslismál í Noregi:
Per Borten fær
uppreisn æru
Frá Jan Erik Laure, fréttaritara Morgunblaðsins í Osló.
PER Borten, fyrrum forsætis-
ráðherra Noregs, hefur fengið
uppreisn æru. Arið 1971 neyddist
hann til að segja af sér í kjölfar
ásakana um að hann hefði komið
efni leynilegrar skýrslu varðandi
hugsanlega inngöngu Noregs í
Evrópubandalagið á framfæri
við fjölmiðla. Nú þykir sannað
að hann var saklaus af þeirri
ákæru.
Það var grein í dagblaði sem
orsakaði fall samsteypustjómar
Bortens árið 1971. Greinin birtist
skömmu áður en Norðmenn gengu
til þjóðaratkvæðagreiðslu um inn-
göngu í Evrópubandalagið. í
greininni sagði að Borten hefði
kynnt andstæðingum aðildarinnar
innihald leynilegrar skýrslu, sem
unnin hafði verið á vegum ríkis-
stjómarinnar. Einn helsti leiðtogi
þeirra sem andvígir voru aðild að
EB var Ame Haugestad, verjandi
njósnarans Ames Treholt.
Greinin vakti geysilega athygli.
Nokkmm dögum síðar sprakk sam-
stejrpustjóm Kristilega þjóðar-
flokksins, Miðflokksins og Hægri
flokksins.
Ame Haugestad tilkynnti opin-
berlega að hann hefði ekki komið
þessum upplýsingum til fjölmiðla.
Hið sama gerði Per Borten en hon-
um var einfaldlega ekki trúað. Það
var alkunna að stjómarsamstarfið
var stirt og sagt var að Borten
hefði nýtt sér tækifærið til að binda
enda á það í stað þess að neyðast
til að standa í samningaviðræðum
við EB-ríkin. Flokkur Bortens, Mið-
flokkurinn, var fremur andvígur
aðild að bandalaginu.
Per Borten neyddist til að segja
af sér árið 1971 eftir að hafa
gegnt stöðu forsætisráðherra í
rúm fimm ár.
Nú hefur Ole Hoemsnes, sem var
blaðafulltrúi Bortens árið 1971,
gjört opinbert í bók sem hann hefur
skrifað að hann hafi sagt fjölmiðlum
frá EB-skýrslunni og valdið þar
með falli ríkisstjómarinnar. Hoems-
nes er nú dálkahöfundur hjá norska
dagblaðinu Aftenposten og skrifar
um atvinnumál.
„Þetta er mikill léttir," sagði Per
Borten. „Það hefur verið heldur
óskemmtileg lífsreynsla að vera
sakaður um trúnaðarbrot í öll þessi
ár.“