Morgunblaðið - 06.09.1986, Blaðsíða 39

MORGUNBLAÐIÐ, LAUGARDAGUR 6. SEPTEMBER 1986
39
fClK í
fréttum
Félagarnir Daniel og Miyagi horfa hugsandi á haf út í einu hugljúfu atriði úr Karate Kid II.
ina um þá félaga, mun ég vissulega
líta á handritið, en mig langar til
að reyna annars konar hlutverk.
Ég vil ekki verða Sylvester Stallone
KarateKid myndanna," sagði hann.
Macehio býr enn í foreldrahúsum
í Huntington, Long Island, í New
York-ríki og segist hann aldrei hafa
verið hrifinn af því að setjast að í
Hollywood, höfuðborg bandaríska
kvikmyndaheimsins. Hann varð þvi
feginn að fá að spreyta sig á svið-
inu á Broadway.
„Lifsmátinn í Hollywood getur
gert mann bijálaðan," segir Macc-
hio. „Auglýsingaflóðið sem fylgir
því að leika í kvikmynd er ótrúlegt
- dúkkur, stuttermabolir, plaggöt
og þess háttar. Svo verður mynd-
band með lögum úr kvikmjmdinni
að vera klárt mánuði áður en frum-
sýningin fer fram. Kvikmyndimar
sjálfar falla í skuggann af öllu þessu
auglýsingabralli. Eg vildi komast í
burtu frá öllu þessu og reyna al-
vöruleiklist."
Macchio segist ekki hafa í hyggju
að flytja frá foreldrum sínum. „Til
hvers ætti ég að flytja?" spyr hann.
„Fjölskylda mín er mjög samrýnd
og ég hugsa að ég búi hér þar til
ég gifti mig. Það er alveg nógur
tími til að fjárfesta í eigin húsnæði
- mér finnst líka gott að vera heima;
þá virðist allt svo eðlilegt."
Macchio hefúr alla tíð verið mjög
hrifinn af dansi og byijaði að læra
stepp þegar hann var þriggja ára.
Hann horfði á gamlar Gene Kelly-
kvikmyndir og dáðist mikið að hon-
um og Fred Astaire.
„Ég var eini strákurinn í bekkn-
um og þegar krakkamir vom orðnir
nógu gamlir til að hafa vit á að
stríða mér, var ég orðinn svo góður
að þau höfðu ekkert út á mig að
setja,“ segir hann.
Macchio er ennþá mjög stráks-
legur í eðli sínu og er ekki hrifinn
af öllu glæsilífinu sem fylgir því
að vera þekktur kvikmyndaleikari.
„Ég er ennþá ekki vanur því að
vera eltur á röndum af krökkum
hvert sem ég fer. En þetta er vist
það sem kvikmyndaheimurinn
gengur út á og ef þetta selur að-
göngumiða, þá verð ég að sætta
mig við það.“
Hann segist aldrei hafa ætlað sér
að verða leikari og það þurfti að
tala hann mikið til áður en hann
fékkst til að taka að sér hlutverk
í sjónvarpsþáttunum Eight is a
crowd. Auglýst var eftir hæfileika-
ríkum unglingi í þættina og var
umboðsmanni þáttanna sagt frá
hinum 16 ára gamla Macchio, sem
þá leit út eins og 13 ára. Hann
fékkst til að koma í viðtal ásamt
móður sinni, en þau virtust bæði
mjög tortryggin. Þau höfðu heyrt
margar ófagrar sögur um böm sem
vom misnotuð í heimi kvikmynd-
anna. A endanum tókst að fá
Macchio í þáttinn og voru sumar
senumar endurskrifaðar til að þær
hentuðu honum betur.
„Þrátt fyrir að hann liti út fyrir
að vera bam, hugsaði hann eins og
fertugur maður," segir fyrmm
umboðsmaður þáttanna.
Þegar Macchio fékk hlutverkið í
The Outsiders varð hann yfir sig
glaður, þar sem hann dýrkaði
Francis Ford Coppola og hlutverkið
passaði einnig vel við ítalskt útlit
hans. Fleiri unglingar fóm með
hlutverk í þessari mynd og hafa
margir þeirra hlotið frægð og frama
síðan, s.s. Tom Cruise, Rob Lowe,
C. Thomas Howell, Matt Dillon,
Emilio Estevez og Diane Lane.
Hópurinn fékk viðumefnið „Eftir-
lætisbömin", en Macchio virðist
alveg ósnortinn af tilstandinu í
kringum hann. Hann hélt sig yfir-
leitt utan við hópinn og eyddi
flestum frístundum í búningsher-
berginu, lesandi handritið spjald-
anna á milli. Meðleikarar hans
hótuðu því einu sinni í gríni að
kaupa handa honum stuttermabol
með árituninni: Truflið ekki!
Leikstjóri Karate Kid-myndanna,
John D. Avildsen, er mjög hrifinn
af vinnubrögðum Macchios og segir
hann atvinnumann af bestu gerð.
„Hann kann alltaf hlutverk sitt
upp á tíu og er mjög stoltur af vinnu
sinni,“ segir Avildsen.
Það leikur enginn vafi á því að
verði gerð þriðja myndin um kar-
ate-drenginn, verður Macchio boðið
hlutverk Davids á ný. Ekki er eins
víst að hann taki boðinu, en hann
er ömgglega númer eitt á lista
framleiðandans og leikstjórans.
Einbeitnin skin
úr andliti karate-
drengsins, er hann
reynir að vinna
veðmál með
karate-bragði.
Spekingurinn
Miyagi er lengst
tilhægriá
myndinni, en til
vinstri sést í
ástina hans Daniels,
Kumiko, sem
leikin er af Tamlyn Tomita og
Yukia, gamla kærastu Miyagis,
sem leikin er af Nobu McCarthy.
GARRY SHANDLING
Skemmtikraftur
á hraðri uppleið
Einn góðan veðurdag í maí fékk
Garry Shandling undarlega
upphringingu frá skemmtikraftin-
um Joan Rivers. „Garry,“ sagði
Joan dularfullri röddu, „þú skilur
væntanlega ekkert hvað ég er að
fara, en þú skuldar mér stóran
greiða." Joan hafði rétt fyrir sér,
Shandling skildi ekki upp né niður
í þessu flasi skemmtikraftsins, en
fékk skýringu áður en dagurinn var
á enda. Joan Rivers hafði nefnilega
sagt upp störfum sem aðstoðarmað-
ur Johnnys Carson, eins vinsælasta
skemmtikrafts Bandaríkjamanna, í
þættinum „The Tonight Show,“
sem sýndur er á hveiju kvöldi í sjón-
varpinu þar vestra. Og það sem
meira var; Johnny Carson hafði
ráðið Garry Shandling til að taka
við starfi Joan Rivers.
Joan og Johnny höfðu verið vinir
í mörg ár og kom það mjög flatt
upp á Johnny þegar Joan tilkynnti
honum símleiðis að hún hefði tekið
boði um að heQa sinn eigin þátt
fyrir aðra sjónvarpsstöð. Vinaslit
sigldu í kjölfar og hefur Johnny
neitað að tala við Joan síðan þetta
gerðist.
Shandling hafði alltaf öðru hvoru
verið boðið að koma fram í þætti
Johnnys og kunnu áhorfendur vel
að meta kímnigáfu hans. Hann er
þó í erfíðri aðstöðu þar sem hann
er mikill vinur bæði Joan og Johnn-
Brandarabækistöðvar
Shandlings eru upp á lofti í
einbýlishúsi hans í Hollywood
Hills. Varla sést i skrifborðið
fyrir pappírsflóði, en Shandling
segist leggja mjög hart að sér
við að semja brandara.
ys og hann forðast að ræða um
ósamkomulag þeirra tveggja. Ber
hann sífellt fyrir sig að hann þekki
ekki nógu vel atvik þau er leiddu
til vinslitanna.
Shandling vinnur nú myrkranna
á milli við að finna sniðuga brand-
ara til að segja bæði í þættinum
sem hann stjómar fyrir kapalsjón-
varpsstöðina Showtime og fyrir
„The Tonight Show“. Jafnvel þegar
hann fer út að borða æfir hann sig
í framsögn og reitir af sér brandara
við matarborðið til að sjá hver við-
brögð borðfélaganna eru.
Shandling er þekktur fyrir enda-
lausa brandara um ástarsambönd
sín, sem ávallt virðast enda illa.
Hann er mjög óöruggur með sig,
að sögn þeirra sem hann þekkja og
em fæstar sögumar um misheppn-
uð ástarævinrýri lognar.
„Ég á nokkur mjög vel heppnuð
sambönd að baki,“ segir Shandling,
„en ég geri bara grín að þeim sem
fóm illa, því það em fyndnustu
sögumar. Bestu brandaramir em
yfirleitt um sársaukafyllstu augna-
blikin," segir hann.