Morgunblaðið - 25.02.1987, Blaðsíða 34

34
MORGUNBLAÐB), MIÐVTKUDAGUR 25. FEBRÚAR 1987
Morgunblaðið/Bára
Matreiðslumenmrnir Hrafn Guðbergsson, Tyrfingur Tyrfíngsson og
Elias B. Gíslason með grœnmetisréttina sem Potturinn og pannan býður
upp á f hádeginu.
Potturinn og pannan:
Réttir frá framandi löndum
Veitingahúsið Potturinn og
pannan býður nú upp á sérstaka
rétti f hádeginu. Réttirnir eru ætt-
aðir frá Mexíkó og Vfetnam og
fleiri framandi stöðum.
Blaðamönnum var kynnt þessi nýj-
ung fyrir skömmu og fengu þeir að
reyna nokkra rétti. Ber þá fyrst að
nefna mexíkanskar pönnukökur
(enchiladas) með kryddaðri fyllingu.
I fyllingunni var meðal annars kúm-
en, coriander, chili, paprika og baunir.
Bragðsterkur og óvenjulegur réttur.
Með þessu var borið fram bökuð kart-
afla með sýrðum ijóma og kanel-
kryddað eplamauk. Næsti réttur var
hunangsgljáður smokkfiskur á vfet-
namska vísu, borinn fram með
hrísgijónum. Þetta var einfaldur létt-
ur réttur, með skemmtilegu sætu
ívafí. Þriðji rétturinn var laukbaka,
fyllt með miklum söxuðum lauk og
borin fram með bakaðri kartöflu.
Fjórði rétturinn var grænt pasta með
kryddjurtasósu blandaðri gráðosti,
sem gaf sérstakt bragð.
Flotbryggja
Akraborgar
komin á land
Enn er óvist hvenær
ferðir Akraborgar
geta hafist að nýju
FLOTBRYGGJA Akraborgar
var hífð upp á land i gærmorg-
un og kom í (jós að hún var
lítíð skemmd, aðeins festingar
höfðu skemmst. Akraborgin
sigldi sem kunnugt er á bryggj-
una á sunnudaginn.
Þar sem áður hafði verið ákveð-
ið að taka skipið upp f slipp nýttu
forráðamenn skipsins sér þetta
sjálfgefna tækifæri til þess. Þar
fer það f almennt viðhald eins og
málun, yfírferð á vél og annað.
Vegna þessa er óvíst hvenær ferð-
ir Akraborgar geta hafíst að nýju.
Morgunblaðið/Olafur K. Magnússon
Flotbryggja Akraborgar komin á land á Grófarbryggju. Við bryggjuna standa þrir piltar úr starfs-
fræðslu, sem unnu að þessari frétt. Þeir eru talið frá vinstri: Þorsteinn Guðmundsson, Þorsteinn
Daviðsson og Sverrir Elefsen.
Þekktur trúarpredikari
talar á samkomum
Trúarpredikarinn og bókahöf-
undurinn Chris Panos er væntan-
legur til fandsins i dag frá
Bandaríkjunum i boði Vegarins —
kristins samfélags.
Nýlega var gefin út hér á landi
bók hans Njósnarinn (Gods spy).
„Sem forstöðumaður starfsins sem
hann stofnaði til, „Release the World
for Christ, Inc.“, hefur Panos ferðast
um allan heim, einkum þó til þeirra
landa sem lokuðust eru fyrir boðskap
fagnaðarerindisins. Á predikunar-
Sala Borgarspítalans:
Starfsmenn vilja svæfa
málið fram yfir kosningar
„VH> vonumst tíl að Borgarspít-
alamálið verði svæft að minnsta
kosti fram yfír kosningar enda
þykir okkur harla ólíklegt að það
náist inn á þing fyrir þingslit,**
sagði Sigrún Knútsdóttir, formað-
ur starfsmannanefndar Borg-
arspftalans, f samtali við
Morgunblaðið f gær.
„Starfsmannanefridin átti vinsam-
legar viðræður við forsætisráðherra
fyrir nokkru um málið og eigum við
von á fundi með fjármálaráðherra
von bráðar. Borgarstjóri hefur hins-
vegar ekkert viljað við okkur tala,“
sagði Sigrún. Hún sagði að borgar-
stjóri væri búinn að lýsa því yfír að
spítalinn yrði ekki gerður að sjálfs-
eignarstofnun eins og reyndar starfs-
menn hafa vonast til að yrði
niðurstaðan, en borgarstjóm ætti
eftir að flalla um málið þótt Davíð
hefði á sinn hátt fjallað einn og sér
um það.
„Við erum ennþá að reyna að
halda í sjálfstæði spítalans og viljum
vera sveitarfélagsspítali þó við séum
á föstum fjárlögum. Borgarstjóri
hefur hinsvegar verið hræddur um
að sitja uppi með halla af rekstrin-
um, en okkur fínnst að reyna megi
á það hvort borgin geti áfram rekið
spítalann þó hann sé á föstum fjár-
lögum án þess að til komi halli. Eftir
ár eða svo yrði hægt að meta það
hvort þetta fyrirkomulag gæfíst vel.
Við vonumst til að ekki verði gert
neitt í bráðræði. Ef þetta fyrirkomu-
lag gengur ekki, vonumst við til að
farið verði að líta á heilbrigðiskerfíð
í stærra samhengi og þá með tilliti
til þess að öll sjúkrahús færu undir
stjóm ríkisspítalanna og allar heilsu-
gæslur undir sljómir sveitarfélag-
anna, eins og reyndar forsætisráð-
herra tók undir í viðræðum okkar,"
sagði Sigrún.
Chris Panos
ferðum sínum hefur hann leitt fjölda
fólks til Jesú Krists og fyöldi fólks
hefur læknast. Milljónir í Banda-
ríkjunum sækja samkomur hans og
fylgjast með vikulegum sjónvarps-
þáttum hans og hlusta reglulega á
útvarpsþætti hans. Panos gefur út
blaðið „Far East Reporter" og stjóm-
ar útgáfufyrirtækinu Auxousia
Books,“ segir í frétt frá Veginum.
Vegurinn — kristið samfélag
stendur að heimsókn Chris Panos og
verða samkomur með honum í
Reykjavík, Keflavík og á Akureyri.
Fyrstu samkomumar verða í húsnæði
Vegarins í Þarabakka 3 í Reykjavík
í kvöld kl. 20.30 og fímmtudagskvöld
í Fríkirkjunni kl. 20.30.
Athugasemd frá
Ama Gunnarssyni
Til ritstjóra Morgunblaðsins.
í Morgunblaðinu í dag, 24.2. ’87,
er frásögn af fundi, sem sjálfstæðis-
menn héldu á Akureyri sl. laugardag.
Þar er greint frá því í rammaklausu,
að Halldór Blöndal, alþingismaður,
hafí sagt á fundinum, „að Ámi Gunn-
arsson, efsti maður á lista Alþýðu-
flokksins í Norðurlandskjördæmi
eystra, hafi þrívegis ymprað á því
við sig að þeir gæfu út sameiginlega
yfirlýsingu þess efnis að þeir vildu
starfa saman eftir kosningar". Þessi
frá8ögn var einnig í hádegisfréttum
Rfkisútvarpsins á sunnudag.
Um þessi ummæli Halldórs Blöndal
\dl ég taka fram eftirfarandi: Halldór
Blöndal hefur hér farið heldur geyst
í frásagnargleði sinni um nokkurra
mínútna einkasamtöl á Akureyrar-
flugvelli og stuttaraleg orðaskipti við
önnur tækifæri, þar sem pólitísk
staða stjómmálaflokkanna í Norður-
landslgördæmi eystra hefur verið til
umræðu. Mér væri í lófa lagið að
lýsa því yfir eftir þessi orðaskipti, að
Halldór Blöndal væri andsnúinn
skógrækt í Hrisey, myndi standa
gegn jarðgöngum um Ólafsflarðar-
múla eða vildi afnám byggðar austan
Húsavíkur. Með svipuðum rétti og
Halldór gæti ég lýst yfir því á flokks-
stjómarfundi Álþýðuflokksins á
Akureyri um næstu helgi, að Halldór
Blöndal hefði í þrígang tjáð mér, að
ekki kæmi til greina að Sjálfstæðis-
flokkurinn færi í stjóm með öðrum
fíokki en framsókn eftir næstu kosn-
ingar.
Rétt er og satt, að ég hef lýst yfír
því við Halldór Blöndal, að talsverður
áhugi, jafnvel mikill áhugi, væri á
því í flokkum okkar beggja, að stefnt
yrði að samstarfi þeirra eftir kosning-
ar. Þetta þarf varla að koma á óvart
og var m.a. helsta niðurstaða í frétta-
skýringu Morgunblaðsins fyrir
nokkru um Alþýðuflokkinn, þar sem
rætt var við nokkra tugi manna úr
bláðum flokkum.
Ég hef jafnframt orðað þá skoðun
mfna við Halldór, að það væri mun
ærlegra gagnvart kjósendum, ef
stjómmálaflokkar greindu frá því
fyrir kosningar með hveijum þeir
vildu starfa að kosningum ioknum.
Ég fer heldur ekkert dult með þá
skoðun mína, að miðað við núverandi
aðstæður í íslenskum stjómmálum
er ekki um að ræða marga kosti í
stjomarmyndun eftir næstu kosning-
ar. Tæknilegir möguleikar eru á
samstjóm Alþýðuflokk, Alþýðu-
bandalags og Sjálfstæðisflokks.
Sjálfstæðisflokkurinn hefur hafnað
þessum kosti. Þá kemur gamla við-
reisnarmunstrið til greina, en formað-
ur Sjálfstæðisflokksins og aðrir
fory8tumenn hans, þar á meðal Hall-
dór Blöndal, hafa lýst yfir því, að
Alþýðufiokkurinn sé höfuðandstæð-
ingur Sjálfstæðisflokksins í þeirri
kosningabaráttu, sem nú er hafín.
Forysta Sjálfstæðisflokksins hefur
hins vegar verið í látlausri vöm fyrir
núverandi ríkisstjóm, og beint og
óbeint boðað áframhaldandi stjómar-
samstarf þessara tveggja flokka.
Sjálfstæðismenn hafa purkunar-
laust leitað færis á að koma höggi á
Alþýðuflokkinn og forystumenn hans,
og má benda á árásir þeirra á for-
mann flokksins og Jón Sigurðsson.
Ef Halldór Blöndal telur.að hann
geti með tilvitnunum í einkasamtöl
og útúrsnúningi, skaðað kosninga-
baráttu Alþýðuflokksmanna í Norð-
urlandslgördæmi eystra, þá slær
hann vindhögg. Hann getur haldið
sig við hugsjónina um stjómarsam-
starf við Framsókn og látið eiga sig
að gera gælur við Alþýðuflokkinn á
þann hátt.sem hann gerði á fundinum
á Akureyri á laugardag. — Fram-
vegis mun ég gæta þess að tala
aðeins um veðrið við Halldór Blön-
dal, nema þar sem við tökumst á um
stjómmálin og fleiri heyra til en við
tveir.
Arni Gunnarsson