Morgunblaðið - 04.06.1987, Blaðsíða 42
Frá afmælissýningu Minjasafnsins.
Götuleikhús á Akureyri
Þýsk-íslensk samvinna
BANDALAG íslenskra leikfé-
laga í samvinnu við leikhópinn
Sögu á Akureyri og Theaterpá-
dagogisches Zentrum i Lingen
í Vestur-Þýskalandi gangast
fyrir viku námskeiði í götuleik-
húsi á Akureyri 6.-13. júní.
Námskeiðið hefur yfírskriftina
„Þjóðsagan á götunni“. Verður
unnið út frá þjóðsögu sem þekkt
er bæði í Þýskalandi og á ís-
landi, hún leikgerð og færð í
þannig búning að úr verði sýning
sem einungis getur farið fram
utandyra. Grímur, stórir búningar
og tónlist skipa veigamikinn þátt
í vinnunni.
Frá Þýskalandi koma 4 kennar-
ar auk 13 nemenda á aldrinum
16-20 ára, en íslenskir kennarar
verða Valgeir Skagfjörð og Sigrún
Valbergsdóttir. 15 íslenskir þátt-
takendur verða á námskeiðinu,
flestir frá leikklúbbnum Sögu.
Föstudagskvöldið 12. júní stendur
til að sýna afrakstur námskeiðsins
í miðbæ Akureyrar.
Leiklistarmiðstöðin í Lingen
hefur hug á að skipuleggja nám-
skeið í Þýskalandi næsta sumar
og bjóða þangað íslenskum þátt-
takendum sem verða á þessu
námskeiði og öðrum sem tekið
hafa þátt í sambærilegu leikstarfi.
Minjasafn Akureyrar:
Opnar afmælissýningu
á 25 ára afmæli sínu
AFMÆLISSÝNING verður
opnuð í Minjasafni Akureyrar
nk. laugardag. Safnið á 25
ára afmæli á þessu ári, en það
var stofnað árið 1962 á aldar-
afmæli Akureyrarbæjar.
Sýningin er í þremur hlutum. Í
fyrsta lagi er ljósmyndasýning þar
sem sýndar eru ljósmyndir eftir
Hallgrím Einarsson ljósmypdara
og Önnu Cathrine Schiöth. í öðru
lagi eru sýnd ljósmyndatæki
Hallgríms sem hann hafði á ljós-
myndastofu sipni, tjald, stóll og
ljósmyndavél. í þriðja lagi er sýn-
ing á kirkjumunum, sem eru í
varðveislu safnsins.
Hallgrímur Einarsson fæddist
árið 1878. Hann lærði ljósmyndun
í Kaupmannahöfn á árunum 1894
til 1895 og kom þá fullnuma heim
og fluttist til Akureyrar og starf-
aði þar til dauðadags, árið 1948.
Hann hafði ljósmyndastofu í hús-
inu númer 41 við Hafnarstræti.
Akureyrarbær eignaðist síðan
ljósmyndasafn hans. Þar er að
fínna fágætar og ómetanlegar
heimildir um Akureyri á liðnum
tímum, segir í frétt frá safninu.
Anna Cathrine Schiöth er betur
þekkt sem einn af frumkvöðlum
Lystigarðsins á Akureyri og sem
leikkona. Fáir vita að hún rak
lengi vel ljósmyndastofu hér í
bænum og tók margar myndir
sem lýsa Akureyri vel um síðustu
aldamót. Anna Cathrine var dönsk
að uppruna. Hún fæddist árið
1846 í Kaupmannahöfn en kom
til Akureyrar ásamt manni sínum,
Hendrik Schiöth brauðgerðar-
manni, árið 1868. Anna lærði
ljósmyndun í Kaupmannahöfn á
árunum 1877 til 1878. Hún rak
ljósmyndastofu í Hafnarstræti 23
á árunum 1878 til 1899. Hún lést
árið 1921.
Stofnendur og eigendur safns-
ins frá upphafí eru Akureyrarbær,
Kaupfélag Eyfírðinga og Eyja-
fjarðarsýsla. En frumkvöðullinn
að því að koma safninu á fót var
Jónas Kristjánsson fyrrverandi
mjólkursamlagsstjóri Kaupfélags
Eyfírðinga. Sveinbjöm Jónsson
frá Ólafsfírði átti líka mikinn þátt
í stofnun safnsins. Fleiri merkis-
menn komu líka þar við sögu. Frá
upphafi hefur safnið verið til húsa
í húsinu númer 58 við Aðalstræti.
Eigendur safnsins keyptu húsið
árið 1962 af Baldvini Ryel kaup-
manni og konu hans, Gunnhildi.
Þau hjónin reistu það kringum
1930. Fyrir um tíu árum var opn-
uð ný viðbygging við gamla húsið.
í garðinum við Minjasafnið var
fyrsta gróðrarstöð Akureyringa.
Frumkvæðið að stofnun hans átti
Páll Briem amtmaður árið 1899.
Þama standa ein hávöxnustu tré
Akureyrarbæjar og eitt hæsta
birki á íslandi.
Þórður Friðbjamarson var
safnvörður frá stofnun safnsins
fram til ársins 1984, er hann and-
aðist. Síðastliðin tvö ár hefur
Bjami Einarsson verið safnvörður.
Hann hefur nú nýlega fengið
námsleyfí og mun Aðalheiður
Steingrímsdóttir gegna störfum
hans á meðan hann er í burtu.
A þessu ári kemur líka út rit
um sögu Minjasafnsins á Akur-
eyri. Sverrir Pálsson skólastjóri,
sem sat lengi í stjóm þess, ritar
söguna. Stefnt er að því að ritið
komi út síðla sumars. Afmælis-
sýningin opnar kl. 15.00 á
laugardaginn og stendur til 15.
september. Hún er opin á dagleg-
um opnunartíma safnsins, frá kl.
13.30 til kl. 17.00.
Stakfell í sinn fyrsta
róður sem frystiskip
Dalvík:
Hjálparsveit skáta bygg-
ir yfir starfsemi sína
Dalvík.
STAKFELL ÞH 360 frá Þórs-
höfn fer að öllum líkindum í sína
fyrstu veiðiferð nú fyrir helgina
eftir að skipinu hefur verið
breytt í frystiskip. Kostnaður við
breytingamar mun vera um tíu
milljónir króna.
Breytingarnar hafa tekið fímm
vikur. Vélsmiðjan Atli hefur unnið
að breytingunum ásamt mönnum
frá Jámtækni og Kæliverki. Settar
voru í skipið fískvinnsluvélar frá
Bader. Skipið, sem er 470 lestir að
stærð, getur nú fullunnið afla sinn
um borð og verður honum skipað í
frystigáma á Þórshöfn sem flytur
fiskinn beint á markað erlendis.
Stakfellið er í 52% eigu Kaup-
félags Langnesinga. Hraðfrystistöð
Þórshafnar á 23% í skipinu og Þórs-
hafnarhreppur sama eignarhlut og
Svalbarðs- og Sauðaneshreppur á
2% í skipinu. Skuldir skipsins nema
nú 230 milljónum króna til Ríkis-
ábyrgðarsjóðs og Byggðasjóðs.
Grétar Friðriksson, framkvæmda-
stjóri Útgerðarfélags Norður-Þing-
eyinga, sagði í samtali við
Morgunblaðið að nú væri hægt að
sjá fram á að hægt yrði að standa
í skilum. „Þetta var erfið ákvörðun
og ekki allir á einu máli um nauð-
syn breytinganna. Við töldum
hinsvegar nauðsynlegt að breyta
skipinu í frystiskip til að tryggja
áframhaldandi rekstur skipsins og
veru þess í byggðarlaginu. Ljóst er
að þetta mun koma niður á atvinnu-
lífínu á Þórshöfn að einhveiju leyti,
en næsta skref útgerðarfélagsins
og heimaaðila hlýtur að vera það
að leita eftir öðru skipi til að tryggja
atvinnu fiskverkafólks í landi."
FYRSTA skóflustunga var tekin
í dag að nýju húsi sem Hjálpar-
sveit skáta á Dalvík ætlar að
byggja undir starfsemi sína.
Húsið verður 300 fm og byggt á
Gunnarsbraut 8 á Dalvík. Fyrir-
hugað er að gera húsið fokhelt
í haust og verður það að veru-
legu leyti byggt í sjálfboðavinnu
skáta.
Það var forseti bæjarstjómar á
Forseti bæjarstjórnar á Dalvík,
Trausti Þorsteinsson, tók fyrstu
skóflustunguna að nýju húsi sem
Hjálparsveit skáta á Dalvík ætlar
að byggja undir starfsemi sína.
Dalvík, Trausti Þorsteinsson, sem
tók fyrstu skóflustunguna. Margt
manna var samankomið á lóð fé-
lagsins til að fagna þessum áfanga
Hjálparsveitarinnar á Dalvík en nú
þing Landssambands Hjálparsveita
skáta stóð þá yfír á Akureyri.
í tilefni dagsins buðu skátamir
viðstöddum til veglegs kaffísam-
sætis í Víkurröst en sveitin á um
þessar mundir 5 ára afmæli. Við
það tækifæri kvaddi formaður
Landssambands Hjálparsveita
skáta, Tryggvi Aðalsteinsson, sér
hljóðs og óskaði afmælisbaminu til
hamingju með þennan áfanga í fé-
iagsstarfínu og færði því að gjöf
fullkomnar sjúkrabörur. Aðalsteinn
Hauksson framkvæmdastjóri Hjálp-
arsveitarinnar á Dalvík afhenti
öllum formönnum hjálparsveita sem
viðstaddir voru afmælisfána félags-
ins. Fréttaritari
Gunnar Ragn-
ars endurlqör-
innforseti
bæjarstjórnar
GUNNAR Ragnars, fulltrúi Sjálf-
stæðisflokks í bæjarstjóm
Akureyrar, hefur verið endur-
kjörinn forseti bæjarstjórnar til
eins árs.
Freyr Ófeigsson, Alþýðu-
flokki, var kosinn fyrsti varafor-
seti bæjarstjórnar í stað
Áslaugar Einarsdóttur, Alþýðu-
flokki, og Sigurður Jóhannesson,
Framsóknarflokki, var kosinn
annar varaforseti.