Morgunblaðið - 08.03.1988, Blaðsíða 28
28
MORGUNBLAÐIÐ, ÞRIÐJUDAGUR 8. MARZ 1988
Opið hús í Háskóla íslands:
Áríðandí fyrir stúd-
enta að vanda valið
- segir Sigmundur Guðbjarnason háskólarektor
Sigmundur Guðbjarnason rektor Háskóla íslands. Morgunbiaðið/Svemr
TILGANGURINN með opnu húsi
í Háskólanum er fyrst og fremst
sá að kynna fyrir framhalds-
skólanemendum og aðstandend-
um þeirra upp á hvað skólinn
býður - hvaða deildir og náms-
brautir - og hvemig þær starfa.
Með þessu og fleiri aðgerðum á
næstunni viljum við auka kynn-
ingu og gera hana markvissari,
segir Sigmundur Guðbjarnason
háskólarektor f samtali við blaða-
mann Morgunblaðsins en sunnu-
daginn 13. mars næstkomandi
verður opið hús f Háskólanum.
Ætlun okkar er sú að kynna all-
ar deildir Háskólans á þennan hátt,
segir háskólarektor einnig.
Að þessu sinni verða fímm deild-
ir kynntar, guðfræðideild, við-
skiptadeild, félagsvísindadeild,
heimspekideild og lagadeild en þær
eru allar staðsettar í aðalbygging-
unni eða næsta nágrenni hennar. Á
næsta ári hyggjumst við kynna
læknadeild, tannlæknadeild, lyfja-
ftæði lyfsala, hjúkrunarfræði og
sjúkraþjálfun en þriðja árið verða
verkfræði- og raunvísindadeildir
kynntar.
Pulltrúar allra deilda
Þá segir Sigmundur að þótt að-
eins séu kjmntar fímm deildir sér-
staklega í ár þá muni fulitrúar ann-
arra deilda og námsbrauta vera
með upplýsingaborð í aðalbygging-
unni og kynnt verður einnig ýmis
önnur starfsemi Háskólans og
tengd honum svo sem bókasafnið,
félagsstofnun og námsráðgjafar
verða til viðtals.
„Eg vona vissulega að fram-
haldsskólanemendur geri sér það
ómak að koma hingað til að kynna
sér það nám sem stendur þeim til
boða í Háskólanum. Það er áríðandi
að undirbúa námið vel og vanda
valið. Við viljum með þessu veita
nemendum þá hjálp og þjónustu
sem við vitum að kemur þeim vel
og ég legg áherslu á að nemendur
he§i þennan undirbúning nógu
snemma. Þetta er ekki aðeins ætlað
þeim sem eru að ljúka stúdents-
prófi í vor því þeir sem eru styttra
komnir geta einnig haft gagn af
kynningu sem þessari.
Það hefur einkennt innritun ný-
nema að þeir koma hingað á sfðustu
vikum innritunar og skrá sig í ein-
hverja deild sem virðist oft valin
af hálfgerðu handahófí. Þegar þeir
he§a svo námið kemur kannski í
ljós að þeim fínnst það alls ekki
henta og þeir finna að nám í ann-
arri deild myndi hæfa þeim betur.
Við viljum því hjálpa stúdentum til
að gera val sitt markvisst og með-
vitað. Vissulega verður alltaf mögu-
iegt að skipta um deild en ef mönn-
um er leiðbeint við valið er ef til
vill hægt að draga úr því og þeim
óþægindum sem það hefur alltaf í
för með sér.“
Myndbönd
Háskólarektor drepur líka á ann-
að sem í undirbúningi er til að
kynna almenningi Háskólann:
„Um þessar mundir er verið að
setja saman kynningu á lagadeild
á myndbandi sem væntanlega verð-
ur hægt að sýna í sjónvarpi og síðan
lána skólum. Kynningamefnd Há-
skólans, sem er ein af fastanefnd-
unum, hefur annast þetta verkefni
eins og skipulagningu opna húss-
ins, og við ráðgerum að framleiða
kynningarmyndbönd fyrir aðrar
deildir á næstu árum. Með þessu
gefst aukið tækifæri til að kynna
almenningi starfsemi Háskólans
sem kemur nemendum vonandi að
gagni líka og með því að sýna þess-
ar myndir í sjónvarpi getur líka
skapast umræða á heimilunum sem
kann að auðvelda nemendum að
gera sér grein fyrir hvað þeim
hæfír.
Hins vegar vil ég benda á að
þótt við leggjum þessa miklu
áherslu á almenna kynningu er
markmiðið ekki að laða sem flesta
nemendur að skólanum. Það er vit-
að mái að það bjóðast fleiri kostir
fyrir framhaldsskólanema, Háskól-
inn er einn þeirra. Ég vona svo að
þetta starf verði nemendum til
hjálpar og vil að lokum fá að þakka
starfsmönnum Háskólans sem hafa
lagt á sig mikla vinnu til að gera
þetta mögulegt og ekki síður stúd -
entum sem taka virkan þátt í kynn-
ingunni."
Auknir námsmöguleikar
krefjast meiri undirbúnings
segja námsráðgjafarnir
Kynningamefnd Háskóla ís-
lands hefur haft veg og vanda af
undirbúningi opna hússins en í
henni eiga sæti fulltrúar allra
deilda. Formaður nefndarinnar
sem komið var á fót fyrir rúmlega
tveimur árum er Páll Sigurðsson
prófessor og eru helstu verkefni
almenn kynning á starfi Háskól-
ans sem gert er með útgáfu á les-
efni, myndböndum og nú er fram-
undan þetta átak, opið hús, þar
sem allar deildir verða kynntar á
þremur árum. Þá hafa námsráð-
gjafar Háskólans komið mikið við
sögu við undirfoúning að „opnu
húsi“. Ásta Ragnarsdóttir, Ragna
Ólafsdóttir og Guðriður Sigurðar-
dóttir gegna starfí námsráðgjafa
en þær starfa með kynningar-
nefndinni.
Hlutverk okkar er meðal annars
að kynna námsleiðir innan Háskólans
fyrir nemendum framhaldsskóla,
segja þær Ásta og Ragna. Við gerum
það með heimsóknum í framhalds-
skóla þar sem við ræðum við nemend-
ur og kennara og síðan koma nem-
endur einnig til okkar í viðtöl. Síðustu
árin hafa verið um þúsund viðtöl á
ári, um það bil sjö til átta hundruð
manns f allt því sumir koma oftar
en einu sinni.
Þá tökum við einnig á móti hópum
framhaldsskólanema. Margir skól-
anna úti á landi skipuleggja eins
konar kynningar- eða vettvangs-
fræðsluferðir til Reykjavíkur meðal
annars til að kynna sér nám í Há-
skólanum og sérskólum á höfuð-
borgarsvæðinu. í slíkum heimsókn-
um gefst ágætt tækifæri til að kynna
Háskólann og stofanir hans en hins
vegar hafa ekki allir skólar getað
gert þetta vegna kostnaðar. -
Kynningarátak
Á hvaða atriði leggið þið einkum
áherslu í ráðgjöf ykkar?
Við þurfum í fyrsta lagi að fá
nemendur til að gera sér grein fyrir
því hvar áhugi þeirra og hæfíleikar
iiggja og meta út frá því hvaða nám
gæti hentað þeim best. Við þurfum
með öðrum orðum að safna eins
miklu af upplýsingum og mögulegt
er með nemendum, baeði utanaðkom-
andi og frá þeim sjálfum. Segja má
að það fylgi því alltaf nokkur óvissa
og áhætta að velja námsgrein og
hefja háskólanám og við viljum reyna
að draga úr þessari óvissu nemenda.
Páll Sigurðsson er sem fyrr
segir formaður kynningarnefndar
sem annast hefur undirbúning
opna hússins og hann er spurður
nánar um starf nefndarinnar:
Rektor fól okkur að hrinda þessu
kynningarátaki af stað, að kynna
Háskólann og það sem hann hefur
að bjóða á þremur árum. Að þessu
sinni einbeitum við okkur að nokkr-
um deildum en aðrar deildir verða
með upplýsingaborð og sýnd verða
myndbönd um sögu Háskólans og
núverandi starfsemi hans. Kennarar
og stúdentar hafa sameinast um
þetta verkefni sem hefur útheimt
mikla vinnu og talsverður kostnaður
er við gerð veggspjalda og annars
kynningarefnis en við vonumst til
að þetta auðveldi framhaldsskóla-
nemendum að gera upp hug sinn óg
velja hið rétta nám.
Almennt hlutverk nefndarinnar er
að kynna Háskólann, annars vegar
fyrir almenningi og hins vegar sér-
stökum markhópum, einkum vænt-
anlegum nemendum. Þetta gerum
við með ýmis konar útgáfustarfsemi
Friðrik Jónsson Morgunblaðið/Sverrir
og nú er nýlega hafín framleiðsla á
myndböndum þar sem hver deild
verður tekin fyrir. Þessi myndbönd
eru framleidd með það markmið í
huga að þau komi skólum og almenn-
ingi að gagni.
Enn eitt atriði i kynningarstarfi
Háskólans má nefna en það er frá
Kennslumálanefnd Háskóla ís-
lands. Friðrik Jónsson greinir
nánar frá þvi:
Kennslumálanefnd og mennta-
málaráðuneytið gáfu í sameiningu
út bækling um undirbúning náms við
Háskóla Islands sem í eru leiðbein-
ingar til framhaldsskóla og kennara.
Þar eru kynnt ýmis almenn atriði
varðandi undirbúning náms og síðan
er hver deild kynnt sérstaklega.
Morgunblaðið/Sverrir
Námsráðgjafarnir Ásta Ragnarsdóttir, t.v. og Ragna Ólafsdóttir.
Þetta er mjög ítarlegur bæklingur
og veitir góða innsýn í nám í hverri
deild.
Þessi útgáfa er liður í þeirri við-
leitni Háskólans að leiðbeina nem-
endum í vali. Á hveiju ári er tals-
vert mikið um brottfail nemenda og
flutning milli deilda. Við vitum ,í
rauninni ekki nákvæmlega af hvaða
ástæðum menn hverfa frá námi eða
skipta um deild. Sumir hætta af fjár-
hagsástæðum, aðrir fara í nám er-
lendis eða í aðra skóla hér á landi
og enn aðrir skipta um deild í Háskó-
lanum. Við ætlum að kanna þetta
sérstaklega til að bæta úr þessum
upplýsingaskorti.
Við teljum hugsanlegt að margir
skipti um deild vegna þess að þeir
hafa ekki ígrundað val sitt nógu vel.
Mjög margir innrita sig á síðasta
mánuði skráningarfrestsins og sumir
velja jafnvel deild af handahófi. Við
teljum að allt að 20 til 30% nemenda
hafí mikið gagn af bæklingi sem
þessum og ef þeir geta strax valið
réttabraut þá er mikið erfiði sparað.
Þúsund viðtöl á ári
Til skamms tíma annaðist Stúd-
entaráð kynningar á námi i Há-
skóla íslands en fyrir sjö árum tók
Háskólinn að sér þennan þátt með
tilkomu námasráðgjafa og stend-
ur straum af kostnaði við hann.
Starfsemi námsráðgjafa hefur
farið sívaxandi:
Aukinn fjöldi stúdenta og stórauk-
ið framboð á möguleikum í háskóla-
námi hefur að vissu leyti gert nem-
endum valið erfíðara, segja þær Ásta
og Ragna. Það eru ékki mjög mörg
ár síðan nemendur gátu valið úr
aðeins fáum deildum og menn urðu
læknar, prestar eða sýslumenn.
Þessi breyting krefst þess að strax
í framhaldsskólum fari nemendur að
huga að frekara námi sínu og undir-
búi sig í raun þar fyrir nám í Há-
skóla. Það gera nemendur að vissu
leyti með vali sínu á deild eða náms-
braut í fjölbrautarskóla og það er
mikilvægt að gera sér líka grein fyr-
ir þessu samhengi milli náms síns í
framhaldsskóla og háskóla.