Morgunblaðið - 08.03.1988, Blaðsíða 71
MORGUNBLAÐIÐ, ÞRIÐJUDAGUR 8. MARZ 1988
Attum von á að fyrr kæmi til
samstarfs við önnur félög
— segir Vilborg- Þorsteinsdóttir formaður Snótar
Samninganefnd Snótar var á
fundi um stöðuna þegar Morgun-
blaðið bar að garði i gær og biðu
nokkrar konur i kaffistofu eftir
fréttum. Þegar fundi lauk náðum
við tali af Vilborgu Þorsteins-
dóttur, formanni félagsins, og
spurðum hana hver staðan væri
núna. Hún sagði engin tilboð
hafa borist og enga fundi hafa
verið haldna síðan þær höfniiðu
Vestfjarðasamningum og Verka-
mannasambandssamningum.
„Við tókum ekki þátt í þeim
samningum. Við erum að reyna að
ná samningum einar sér fyrir okkar
félag, en þiggjum að sjálfsögðu
stuðning og samflot. Þeir sem koma
til samstarfs við okkur eru hjartan-
lega velkomnir. Við áttum satt að
segja von á að til samstarfs við
önnur félög kæmi svolítið fyrr,“
sagði Vilborg. „Menn eru enn að
meta stöðuna hjá sér. Þessi félög
sem eru að fella samningana verða
fyrst að vinna heima í héraði. Ef
ekkert kemur út úr því þá er um
að ræða samstarfsgrundvöll," sagði
Vilborg.
Hún sagði kröfugerð Snótar hafa
verið ákveðna á félagsfundi 13. fe-
brúar sl. jafnframt því að leitað .var
eftir samningum við atvinnurekend-
ur í Eyjum, en í raun eigi það sér
lengri sögu að Snót er eitt fé)aga
í verkfalli. Fulltrúi Snótar gekk út
af kjaramálaráðstefnu VMSI síðast-
liðið haust ásamt 10 öðrum fulltrú-
um. „Við höfum ekki verið í neinu
sambandi við VMSÍ síðan og ekki
tekið þátt í sameiginlegum viðræð-
um. Það er langt síðan verkfall
hefur verið hjá almennu verkafólki
og mjög langt síðan þessi staða
hefur komið upp, að eitt félag hafn-
ar samfloti og fer í verkfall.
Við gerðum kröfur um 10.000
króna launahækkun á mánuði úr
29.975 krónum í 39.975 krónur og
að starfsaldurshækkanir komi þar
ofaná. Að öðru leyti eru kröfur
okkar svipaðar VMSÍ, aðeins að
allar okkar tölur og prósentur eru
hærri," sagði Vilborg. Snót barðist
fyrir því á síðasta ári að sérstök
samtök fiskvinnslufólks yrðu stofn-
uð.
Aðspurð um hvort hún teldi líkur
á því aukast nú þegar svo mörg
félög fella samningana sagði Vil-
borg. „Já mér finnst líklegt að sam-
tök fískvinnslufólks verði stofnuð
upp úr þessu,“ sagði hún. „Spurn-
ingin er fremur um með hvaða
hætti þau tengjast VMSÍ.“
Eitt fyrirtæki, Tinna sf., hefur
gert tilboð til Snótarkvenna um
hærri laun. Við spurðum Vilborgu
hvort fleirirhefðu fylgt á eftir. „Nei,
stóru húsin eru í atvinnuveitendafé-
lagi Vestmannaeyja og semja sam-
an. Litlu húsin eru sér og geta því
samið sér. Arthur Bogason er sá
eini sem hefur gert tilboð ennþá.
Við gerum honum nú gagntilboð
og ræðum við hann. Okkar gagntil-
boð miðast við kröfugerð okkar og
fer eftir henni hvað yið getum sa-
mið um við hann. í hans tilboði
voru ákveðin atriði sem við getum
ekki sætt okkur við.“
Vilborg var að lokum hvernig
Vilborg Þorsteinsdóttir formað-
ur Snótar.
henni litist á framhaldið. „Við vitum
að sjálfsögðu ekki hve lengi við
verðum í verkfalli, við eigum nokk-
um sjóð sem við hófum að styrkja
á síðasta sumri, síðan hafa okkur
borist styrkir, 5.000 krónur frá
bónda í Mývatnssveit, Þorgrími
Starra, og 50.000 krónur frá
Verkalýðsfélaginu á Stokkseyri.
Önnur félög gera upp við sig stöðu
sína á næstu dögum. Ef ekki verð-
ur af samfloti við þau vonumst við
eftir að þau geti stutt okkur í okk-
ar baráttu hér,“ sagði Vilborg Þor-
steinsdóttir að lokum.
Reyni að flýta vænt-
anlegii launahækkun
— segir Arthur Bogason einn eig-
enda f iskvinnslunnar Tinnu sf.
„ÉG ER í raun og veru að reyna
að ganga frá hlut sem verður
gengið frá eftir verkfall. Það er
alveg ljóst að launahækkanir
verða. Eg er að reyna að flýta
því,“ sagði Arthur Bogason,
stjórnandi og einn eigandi fisk-
vinnslunnar Tinnu sf. í samtali
við Morgunblaðið.
Hjá Tinnu sf. er allt fullt af fiski.
Þar var tekið á móti 80 tonnum á
sunnudag og miklu af hrognum.
Hjá þeim leggur Bylgja VE 75 upp,
en hún er aflahæst yfir landið það
sem af er vertíðar. Arthur gerði
Snót tilboð um launahækkun og er
nú verið að ijalla um það hjá félag-
inu.
„Ég ætla að reyna að ná samn-
ingum um þetta, tilboðið er um
17.000 króna hækkun á mánuði
fyrir 65 tíma vinnuviku og fleiri
breytingar. Ég hef fram að þessu
borgað jafnaðarkaup, en býð nú að
greiða yfirtíð sérstaklega. Ég hef
alltaf borgað yfir töxtum. Ég borg-
aði upp í 300 krónur á tímann í
kaup, býð nú hækkun upp í 330
krónur og 400 krónur fyrir yfirtíð.
Svo býð ég sérstakt kaup í pökkun,
350 krónur á tímann og 420 fyrir
yfirtíð. Það er hvað algengast að
vinna 65 tíma á viku hérna. Þetta
þýðir hækkun úr 82.500 krónum í
um 100.000 krónur á mánuði. Inn
í þetta er tekið, að unglingar undir
14 og 16 ára aldri eru ekki á sama
kaupi og aðrir. Mér finnst það
ósanngjarnt að þeir séu á sama
kaupi og þrælvant fólk,“ sagði Art-
hur Bogason.
Við spyijum hann hvort hann
hafi fengið einhver viðbrögð frá
öðrum atvinnurekendum í Vest-
mannaeyjum vegna þessa tilboðs.
Hann kvað svo ekki vera. „Ég er
með gjörólíkt launakerfi. Ég ætla
ekki að koma á bónuskerfi, tel al-
veg jafnhvetjandi að borga hátt
tímakaup. Það liggur á borðinu að
í svona litlum fyrirtækjum eins og
hjá okkur, þar sem allir eigendur
Arthur Bogason, eiginkona hans,
Björnsson og Hrafn Oddsson.
eru í rauninni sjálfir í slorinu, hljót-
um við að geta borgað góð laun
þar sem við erum ekki með dýra
yfirbyggingu. Þegar fyrirtæki
stækka í þá stærð sem sum fyrir-
tæki eru í hér þá verður þessi yfir-
bygging og það er ekkert óeðlilegt.
Það er kominn tími til fyrir verka-
og meðeigendurnir Ingi Steinn
lýðshreyfinguna að átta sig á því
að þessir taxtar sem þeir eru að
semja um eru bara taxtar sem borg-
að er eftir á örfáum stöðum. Þeir
segja ekkert til um hver raunveru-
leg laun eru,“ sagði Arthur Bogason
að lokum.
Hraðfrystistöð Vestmannaeyja:
• •
Oll hefðbundin vínnsla lömuð
VERKFALL Snótar hefur stöðv-
að frystingu hjá Hraðfrystistöð
Vestmannaeyja hf. en þar vinna
að jafnaði um 50 verkakonur.
Loðnufrysting var ekki hafin og
óvíst hvort hrognavinnsla hefði
hafist fyrr en eftir næstu helgi
að sögn Jóns Svanssonar yfir-
verkstjóra. Hann sagði verkfall
kvennanna lama alla hefðbundna
vinnslu við frystingu og draga
verulega úr saltfiskverkun.
INNLENT
Þegar blaðamaður kom á staðinn
voru þar nokkrir karlmenn að vinna
við smálagfæringar á húsnæði
frystihússins en vinnslusalurinn
stóð auður þrátt fyrir mokafla bát-
anna. Jón var fyrst spurður hvaða
áhrif verkfall Snjótarkvenna hefði
á starfsemi fyrirtækisins. Hann
sagði að það hefði ekki mikil áhrif
á loðnufrystingu enn, hún hefði
ekki verið komin í gang þar sem
loðnan væri óvenju seint á ferð nú
í ár. Það væri fyrst núna sem hægt
væri að fara að frysta hana. Aftur
á móti væri hún smá og hefðu
samningar við Japani ekki verið
spennandi. „Við höfum ekki viljað
fara af stað með loðnufrystingu og
verkfallið afskrifar hana endan-
lega,“ sagði hann. „Segja má að
þetta verkfall breyti ekki miklu
hvað loðnufrystingu varðar en það
lamar alla hefðbundna vinnslu. Það
er spuming hvort við komumst í
loðnuhrognin ef verkfallið dregst á
Jón Svansson, aðalverkstjóri í
Hraðfrystistöð Vestmannaeyja.
langinn. Það yrði þá væntanlega
upp úr næstu helgi. Verkfallið
0
stöðvar fyrst og fremst frystinguna
og dregur einnig úr saltfiskverkun.
Við höfum fimm báta, einn á netum
og fjóra á trolli. Við munum vænt-
anlega salta upp úr netabátum og
senda afla trollbátanna í gámum á
markað, sagði Jón Svansson. Hann
kvaðst bjartsýnn á að fá gott verð
fyrir gámafiskinn, sagði þann fisk
vænan, bæði stóran þorsk og ýsu.
Hann var spurður um hvemig
honum litist á samkomulagsmögu-
leika. Sagði hann Snót hafa hafnað
beiðni um frestun verkfallsins á
sunnudag, ,',Mér sýnist á öllu að það
gæti staðið í tvær til þrjár vikur,
og það er auðvitað slæmt fyrir okk-
ur, þetta er verulegur tekjumissir,
bæði fyrir okkur og bæjarfélagið í
heild,“ sagði Jón Svansson að lok-
um.
Viðtöl: Þórhallur Jósepsson.
Myndir: Sigurgeir Jónasson
BREEZ4
loftræsti
viftur
FÁLKINN
SUÐURLANDSBRAUT 8
^^SÍMI 84670^^