Morgunblaðið - 29.05.1990, Blaðsíða 30

30
MORGUNBLAÐIÐ ÞRIÐJUDAGUR 29. MAI 1990
MORGUNBLAÐIÐ ÞRIÐJUDAGUR 29. MAÍ 1990
31

Útgefandi
Framkvæmdastjóri
Ritstjórar
Aðstoðarritstjóri
Fulltrúar ritstjóra
Fréttastjórar
Auglýsingastjóri
Árvakur, Reykjavík
Haraldur Sveinsson.
Matthías Johannessen,
Styrmir Gunnarsson.
Björn Bjarnason.
Þorbjörn Guðmundsson,
Björn Jóhannsson,
Árni Jörgensen.
Freysteinn Jóhannsson,
Magnús Finnsson,
Sigtryggur Sigtryggsson,
Ágúst Ingi Jónsson.
Baldvin Jónsson.
Ritstjórn og skrifstofur: Aðalstræti 6, sími 691100. Auglýsingar:
Aðalstræti 6, sími 22480. Afgreiðsla: Kringlan 1, sími 83033. Áskrift-
argjald 1000 kr. á mánuði innanlands. í lausasölu 90 kr. eintakið.
Stórsigur
Sjálfstæðisflokksins
Sjálfstæðisflokkurinn vann
stórsigur í Reykjavík
síðastliðinn laugardag, undir
forystu Davíðs Oddssonar,
borgarstjóra. Þar unnu sjálf-
stæðismenn sinn stærsta sigur
í borgarstjórnárkosningum frá
upphafi. Raunar er sá sigur
einsdæmi_ í íslenzkum stjóm-
málum. Úrslit sveitarstjóma-
kosninganna í heild voru sigur
fyrir Sjálfstæðisflokkinn, en
áfall fyrir ríkisstjómina,
vinstri flokkana og sameining-
aráform þeirra.
Sjálfstæðismenn fagna stór-
sigri víðar en í Reykjavík. Á
Seltjarnarnesi sameinuðust
andstæðingar flokksins líkt og
reynt var í Reykjavík. Þar
höfðu þeir ekki erindi sem erf-
iði og Sjálfstæðismenn styrktu
stöðu sína. Sömu sögu er að
segja um Mosfellsbæ,
Garðabæ Stykkishólm og
Ólafsfjörð. í Vestmannaeyjum
var sigur Sjálfstæðisflokksins
ótvíræður, en þar fékk flokk-
urinn tæplega 54% atkvæða
og hreinan meirihluta. Og í
Keflavík vann Sjálfstæðis-
flokkurinn sigur og á Selfossi,
svo nokkur dæmi séu nefnd.
Þessi kosningaúrslit eru fyrir
Sjálfstæðisflokkinn á margan
hátt áþekk úrslitum kosning-
anna 1958 og 1974. Úrslitin
nú veita Sjálfstæðisflokknum
sterka viðspyrnu til þess að
hefja sókn gegn vinstri stjórn
Steingríms Hermannssonar og
raunar óvíst, hvort henni tekst
að sitja út kjörtímabilið, m.a.
vegna átaka og uppgjörs innan
sumra stjórnarflokkanna.
Úrslitin á laugardag eru á
margan hátt forvitnileg. Fram-
sóknarflokkurinn getur unað
sæmilega við sitt á Norður-
og Austurlandi, en þar var
frammistaða sjálfstæðis-
manna einna slökust. Hins
vegar er staða Framsóknar-
flokksins veik í þéttbýlinu á
suðvesturhorni landsins, sér-
staklega þó í Reykjaneskjör-
dæmi. í þessu sambandi vakn-
ar sú spurning, hvort opinber
aðstoð og fyrirgreiðsla til fyrir-
tækja og þá einkum sjávarút-
vegs í dreifbýli ráði mjög um
styrka stöðu Framsóknar-
flokksins, en veiki um leið
Sjálfstæðisflokkinn, sem hefur
gagnrýnt mjög hið opinbera
sjóðakerfi, sem byggt hefur
verið upp í kringum sjávarút-
veginn.
Alþýðuflokkurinn bauð ekki
fram í Reykjavík, og taldi fylg-
ishrun blasa við. Nýr vettvang-
ur sem ætlaði sér stóran hlut,
með alþýðuflokksmenn,
flokksbrot alþýðubandalags-
manna og aðra vinstrimenn í
broddi fylkingar, náði litlum
árangri miðað við væntingar.
Svavar Gestsson, mennta-
málaráðherra og fyrrverandi
formaður Alþýðubandalagsins,
sendi eftirmanni sínum, Ólafi
Ragnari Grímssyni, kaldar
kveðjur, þegar fyrstu tölur úr
Reykjavík voru birtar á laugar-
dagskvöld. Af þeim orðum er
augljóst, að staða Ólafs Ragn-
ars innan flokksins er mjög
veik og líklegt, að þar komi
til uppgjörs á næstu vikum og
mánuðum. Það uppgjör getur
haft afdrifaríkar afleiðingar
fyrir núverandi ríkisstjóm.
Kosningaúrslitin í Reykja-
vík eru áfall fyrir þá Jón Bald-
vin Hannibalsson og Ólaf
Ragnar Grímsson. Nýr vett-
vangur átti að vísa veginn til
frekara samstarfs á vinstra
væng stjórnmálanna í næstu
þingkosningum. Sú samfylk-
ingartilraun mistókst, þótt
hins vegar hafi tekizt að fela
fylgishrun Alþýðuflokksins i
Reykjavík. Árangur Alþýðu-
flokksins í nokkrum kaupstöð-
um, þar sem ekki var um sam-
starf við aðra að ræða, veldur
því, að innan flokksins hljóta
að hefjast umræður um gildi
þeirra samfylkingarhug-
mynda, sem formaður flokks-
ins hefur barizt fyrir. Einn
helzti sigurvegari Alþýðu-
flokksins í þessum kosningum,
Guðmundur Árni Stefánsson,
hefur lýst því yfir, að sam-
bræðingur eins og Nýr vett-
vangur gangi ekki.
Slakur árangur Kvennalist-
ans vekur athygli og gæti ver-
ið vísbending um, að þau fram-
boð séu að renna sitt skeið á
enda. Ferskleikinn virðist
a.m.k. ekki sá sami og áður.
Eosningarnar á laugardag
sýna, að ný framboð njóta tak-
markaðs trausts. Þá er einnig
ljóst, að kjósendur virðast hafa
tilhneigingu til að kalla einn
flokk til ábyrgðar og ber að
fagna því. Hrossakaupum
fylgir spilling og ábyrgðarleysi
eins og þjóðin hefur mátt horfa
upp á í landsstjórninni, þar
sem Borgaraflokkurinn er
lífakkeri en færa má að því
rök, að ráðherrar hans séu
flokkslausir menn.
Lilja Gissurardóttir gróðursetur og hlúir að einni birkiplöntunni með
dætrum sínum tveimur, Völu 2ja ára og Áróru, eins árs.
Kópavogsbúar önnum kafnir við gróðursetningu.
Morgunblaðið/Einar Falur
UNGIR SEM ALDNIR
VINNA VIÐ
L ANDGRÆÐSLU SKÓGA
VINNA við gróðursetningu og landbætur á vegum „Átaks um Land-
græðsluskóga“ er nú óðum að hefjast. Sunnanlands er starfíð víða haf-
ið en beðið eftir hlýnandi veðri fyrir norðan. Þátttaka hefur hvarvetna
Iverið mjög góð og láta ungir jafnt sem aldnir til sín taka, eins og sést
á þessum myndum, sem voru teknar fyrsta gróðursetningardagurinn í
Mosfellsbæ, Kópavogi og Hafnarfirði var 19. maí síðastliðinn.
Þórdís Geirsdóttir mokar hrossataði í fijtur.
Hafhfirðingar stinga niður rofabarð.
85% vilja kirkju á
gamla staðnum
SÓKNARNEFND ísaflarðar-
prestakalls stóð fyrir atkvæða-
greiðslu samhliða bæjarstjórn-
arkosningunum um það hvar
reisa eigi nýja kirkju á Isafirði.
85% þeirra sem atkvæði greiddu
vildu að ný kirkja yrði reist á
gamla kirkjustaðnum, en 13%
vildu að hún yrði reist við
Tunguárós í botni Skutulsfjarð-
ar.
Að sögn Björns Teitssonar, for-
manns sóknarnefndar, kusu 1.215
að kirkjan yrði reist á gömlu
kirkjulóðinni á horni Sólgötu og
Hafnarstrætis, en 185 vildu að
kirkjan yrði reist við Tunguárós.
Auðir og ógildir seðlar voru 26
talsins, en alls kusu 1.426 af 2.111
sem voru á kjörskrá, eða 67,6%.
Kirkjan á Isafirði eyðilagðist í
eldsvoða fyrir tæpum þremur
árum, og sagði Björn að hugsan-
legt væri að hún yrði tekin niður
og endurreist á öðrum stað ef
húsafriðunarnefnd - ríkisins vildi
gera það.
Fyrir einu ári síðan var at-
kvæðagreiðsla í söfnuðinum um
kirkju, sem hafði verið hönnuð og
til stóð að reisa á uppfyllingu
framan við nýja sjúkrahúsið á
ísafirði. Mikil mótmæli voru gegn
því að kirkja yrði reist á þeim stað,
og í atkvæðagreiðslunni greiddu
75% atkvæði á móti því.
Ibúar Kefla-
víkur vilja sam-
einast öðrum
sveitarfélögum
MIKILL meirihluti íbúa Keflavík-
ur vill sameinast öðrum sveitar-
félögum á Suðurnesjum, en
naumur meirihluti íbúa
Njarðvíkur er andvígur samein-
ingu. Kom þetta fram í skoðana-
könnun, sem gerð var á þessum
stöðum samhliða bæjar- og sveit-
arstjórnakosningunum.
í Keflavík tóku 4.097 þátt í könn-
uninni, og reyndust 3.310 vera
fylgjandi sameiningu við önnur r
sveitarfélög. Á móti voru 476, en
auðir og ógildir seðlar voru 311
talsins. I Njarðvík voru 583 fylgj-
andi sameiningu, en 591 var á
móti. Auðir og ógildir seðlar voru
124 talsins.
Hreppar sunnan Skarðsheiðar:
Leirár- og Melahreppur
vill sameiningu en hinir ekki *
EFNT var til skoðanakönnunar í hreppunum sunnan Skarðsheiðar
samhliða sveitastjórnarkosningunum um það hvort íbúar þeirra
vildu sameiningu hreppanna i eitt sveitarfélag. Ibúar Leirár- og
Melahrepps voru fylgjandi sameiningu, en íbúar Saurbæjar-
hrepps, Skilmannahrepps og Innri-Akraneshrepps voru því andvíg-
ir.
í Leirár- og Melahrepp voru 52
fylgjandi sameiningunni, en 12
voru á móti. í Saurbæjarhreppi
voru 53 andvígir sameiningu, en
34 voru henni fylgjandi. I Skil-
mannahreppi voru 40 andvígir og
25 fylgjandi, og í Innri-Akranes-
hreppi voru 40 andvígir samein-
ingu hreppanna, en 27 voru henni
fylgjandi.
Miðstjórn og þingflokkur Sjálfstæðisflokksins:
Frjálslynd umbótasleíha
Sjálfstæðisflokksins fái
notið sín í landssljórninni
MIÐSTJÓRN og þingflokkur Sjálfstæðisflokksins héldu annan af
tveimur sumarfundum sínum á Flughótelinu í Keflavík í gær. Þar
var rætt um stjórnmálaviðhorfin að loknum sveitarstjórnarkosning-
um og eftirfarandi ályktun var samþykkt:
Úrslit sveitarstjórnarkosning-
anna 26. maí eru rriikill sigur fyrir
Sjálfstæðisflokkinn. Víðast hvar á
landinu hefur fylgi flokksins aukist
verulega miðað við síðustu sveitar-
stjórnarkosningar og á fjölmörgum
stöðum náði flokkurinn betri ár-
angri en nokkru fyrr í 60 ára sögu
sinni.
Árangur Sjálfstæðisflokksins í
Reykjavík, þar sem hann fékk rúm-
lega 60% atkvæða og 10 borgarfull-
trúa kjörna, er einstakur. Þessi sig-
ur er ótvíræð viðurkenning á rétt-
mæti þeirrar stefnu sem fylgt hefur
verið í höfuðborginni undanfarin ár.
Sjálfstæðisflokkurinn bætti einn-
ig víðast hvar stöðu sína og hefur
nú hreinan meirihluta í bæjarstjórn-
un í 7 af þeim 10 kaupstöðum þar
sem einn flokkur eða listi er í meiri-
hluta.
Fylgi Sjálfstæðisflokksins á
landsvísu er rúmlega 48% að lokn-
um þessurn kosningum. Það sýnir
að flokkurinn hefur ekki aðeins
endurheimt styrk sinn frá þingkosn-
ingunum 1987 heldur styrkst veru-
lega.
Afhroð Nýs vettvangs í
Reykjavík og sambærilegra fram-
boða annars staðar sýnir að tilraun-
in til að sameina vinstri- og félags-
hyggjuflokka hefur mistekist. Al-
þýðubandalagið virðist vera að fá
svipuð örlög og sambærilegir flokk-
ar erlendis. Viðleitni Alþýðuflokks-
ins til að ganga á móti straumnum
og í fang Alþýðubandalagsins hefur
ekki gengið upp. í fyrsta sinn í
marga áratugi á flokkurinn ekki
fulltrúa í stjórn sjálfrar höfuðborg-
arinnar. Einn ríkisstjórnarflokk-
anna, Borgaraflokkurinn, hverfur í
þessum kosningum. Allt þetta er
skýr vísbending um að undirstöður
ríkisstjórnarsamstarfsins hafa
veikst verulega. Krafa kjósenda er
augljóslega sú að fallið verði frá
núverandi stjórnarstefnu þannig að
frjálslynd umbótastefna Sjálfstæð-
isflokksins fái notið sín í lands-
stjórninrii.