Morgunblaðið - 02.12.1990, Blaðsíða 24
24
MORGUNBLAÐIÐ SUNNUDAGUR 2. DESEMBER 1990
FÉLAG ÍSUNZKRA
NUÓMLISTARMANNA
Fundur um málefni dans-,
popp- og kráarspilara.
Fundur um málefni dans- og dægurlagaspilara á veitinga-
húsum og krám verður haldinn í húsakynnum FIH,
Rauðagerði 27, mánudaginn 3. desember kl. 20.30.
Fundurinn er opinn öllum (aeim sem hafa hagsmuna að
gæta. Opnum málefnalega umræóu um starf okkar og félag.
Vinnum sameinuð að því að bæta kjör hljómlistarmanna.
Lifandi tónlist - lifandi fólk.
PAGVI8T BARIVA
Stuðningsstarf Fálkaborg
Fóstra, þroskaþjálfi eða starfsmaður með
aðra uppeldismenntun óskast í 50% stuðn-
ingsstarf á Fálkaborg.
Upplýsingar gefa Þórkatla Aðalsteinsdóttir,
sálfræðingur, í síma 27277 og íris Arnardótt-
ir, forstöðumaður, í síma 78230.
Laugavegi 41, sími 13570
Skóverslun Þórðar
Kirkjustræti 8,
sími 14181
Teg. 8303
Vatnsvarið leður
m/innleggi.
Stærðir 37-47
Verð kr. 6.420,-
Gæði
ofar
öllu
TORRENT
RENNIBEKKIR
Danir birta ekki útreikn-
inga byggða á spánni
Jafn sannfærður og áður um notagildi kerfisins, segir búnaðarmálastjóri
Blup-kynbótagildisspá í hrossarækt:
Á AÐALFUNDI ræktunardeildar Danska íslandshestafélagsins, DIH,
siðastliðinn laugardag var ákveðið að birta ekki útreikninga byggða
á svokallaðri Blup- kynbótagildisspá vegna þess hve mikið reyndist
vera um villur í þeim. Um er að ræða tölvuforrit, sem Þorvaldur
Árnason kynbótafræðingur í Svíþjóð hannaði á sínum tíma fyrir
Búnaðarfélag ísiands. Það hefur verið notað hér á landi frá 1986
við gerð kynbótagildisspár, og segir Jónas Jónsson búnaðarmála-
sljóri að hann sé jafn sannfærður og áður um notagildi þess.
Birna Baldursdóttir, sem er fé-
lagi í Danska íslandshestafé
laginu, sagði í samtali við Morgun-
blaðið að Blup-spáin hefði verið
tekin í notkun í Danmörku á síðasta
ári, og nú væri verið að endurskoða
hvort áframhald verði á þeirri notk-
un, en fyrir hana hefur félagið
greitt Þorvaldi Árnasyni um 240
þúsund krónur á ári.
„I dönsku ættbókina fóru 37
hross nú í ár, og af þeim voru að-
eins 15-20 sem voru sýnd hérna í
Danmörku, en þetta voru hross sem
komu með dóma frá íslandi eða
Þýskalandi þaðan sem þau voru
keypt. Menn ráku strax augun í að
þama voru afbrigðilega háar tölur,
sem þeim þótti lítið marktækar, og
við endurútreikninga fengust síðan
allt aðrar niðurstöður. Það eru því
mjög skiptar skoðanir um þessar
kynbótagildisspár hér í Danmörku,"
sagði Birna.
Að sögn Einars Jóhannessonar
læknis, sem búsettur er í Svíþjóð
og sá um árabil um ættbókarfærsl-
ur íslenskra hrossa þar, er nú verið
að endurskoða hvort Blup-kerfið
verður notað áfram í Svíþjóð. „Þetta
hefur þótt of dýrt, auk þess sem
ekki hefur komið mikið út úr því.
Þá hefur það verið umdeilt hér frá
upphafi hvort hægt sé að leggja
tölulegt mat á huglæga hluti sem
þessa,“ sagði hann.
Jónas Jónsson, búnaðarmála-
stjóri, sagði að ástæðumar fyrir því
að ekki hefði gengið nægilega vel
með Blup-spárnar í Danmörku vera
að skráning hrossanna hefði reynst
með þeim annmörkum að ýmsar
villur hefðu komið í ljós. „Við erum
jafn sannfærðir og áður um nota-
gildi þessa kerfis, og þetta kemur
ekki neitt við áliti okkar á því að
þessi aðferð er ákaflega mikils virði.
Eftir því sem gagnabankinn sem
þetta byggir á verður fullkomnari,
þá verður spáin þeim mun ömgg-
ari, og eftir því sem afkvæmum
fjölgar þá verður þetta ábyggilegra
sem kynbótamat á einstökum hest-
um. Við höfum ekki átt við þessi
vandamál að stríða sem Þorvaldur
er að glíma við hjá Dönum vegna
þess að okkar gagnagrunnur er
meiri og sífellt hefur dregið úr
sveiflum á milli mismunandi út-
skrifta."
Jónas sagði að Þorvaldur hefði
fengið greiddar 200 þúsund krónur
á ári fyrstu þrjú árin sem BI not-
aði Blup-kerfið, en frá haustinu
1989 hefði Búnaðarfélagið sjálft
séð um tölvuvinnsluna. „Þetta er
ekki dýrt, og sérstaklega er það
ódýrt núna þegar við getum gert
þetta sjálfir á okkar tölvum."
Neskaupstaður:
Flestar verslanir á sama svæðinu
Neskaupstað.
NÚ ERU risin tvö hús á lóð-
inni þar sem Hafnarkjör og
veitingahúsið Við Höfnina
stóðu áður en eins og kunngt
er eyðilagðist það hús í eldi í
mars síðastliðnum.
*
Iöðm húsinu sem að nýlega var
tekið í notkun er blóma- og
gjafavöruverslunin Laufskálinn
sem að Kamma Andrésdóttir og
Lindberg Þorsteinsson reka en í
hinu húsinu verður varahlutaversl-
unin Vík í eigu Ólafar Zoega og
Þórarins Oddssonar. Þessi nýju hús
setja talsverðan svip á miðbæinn
og nú má segja að flestar verslanir
bæjarins séu komnar á sama svæð-
ið í bænum. _ Ágúst.
f # # Morgunblaðið/Ágúst Blöndal
Húsin tvö sem nýrisin eru á Neskaupstað.
101 réttur á
jólahlað-
borði Sögu
Hótel Saga verður með jóla-
hlaðborð í Skrúðnum í ár sem
undanfarin ár.
Boðið er upp á 101 rétt á hlað-
borðinu og jólalegt andrúms
loft skapað með arineldi, skreyting-
um og píanóleik Jónasar Þórs á
kvöldin. Jólahlaðborðið er á boðstól-
um í hádeginu frá kl. 12-14 og á
kvöldin frá kl. 18-22. Við hlaðborð-
ið á myndinni má sjá þá Sigmar
B. Hauksson, Jónas Hvannberg og
Sveinbjörn Friðjónssdh.
Morgunblaðið/Árni Sæbcrg.