Morgunblaðið - 02.12.1990, Blaðsíða 38
KARLAR
Hetjur
Þá rlðu hetjur um héruð, ortu
menn hér fyrr á árum, þegar
ljóst fór að verða að eitthvað var
karlmennskan að verða elliær í
mannskapnum. Það er að segja,
ef maður miðar
við söguöld. Og
það er svosem
ekki við neitt
annað að miða.
Og þar sem ég
er alltaf með nefið
oní bókum afþví
það er svo fátt
annað áhugavert
í heiminum, er ég
smátt og smátt farin að gera mér
grein fyrir því að karlrithöfundar
síðastliðna öld eru búnir að ganga
af karlmennskunni dauðri. Það
er að segja fyrir karlmenn. Byrjaði
líklega með Dostojevski, þegar
hann skrifaði um Raskolnikov í
Glæpur og refsing - þann arma
þijót sem er rignegldur inn i eina
af bestu sögum aldanna.
Það tók mig dálítinn tíma að
meðtaka þennan Raskolnikov,
eftir áralanga veru í íslendinga-
sögunum. Hann er svona and-
hetja og það var eins og karlkynið
hefði andað léttar, kastað af sér
okinu og ákveðið að verða að
kveifum. Allavega eru þeir vand-
fundnir karlmennirnir sem geta
státað af þvi að vera hugaðir,
ábyrgir, ærukærir og orðvarir -
heldur er þetta síjapplandi innan-
tómar tuggur, ábúðarfullt á svip.
Sérstaklega stjórnmálamenn. Það
held ég hann Njáll hefði ælt i fjórt-
án metra boga, hefði hann þurft
að hlusta á þetta nútimastjórn-
málaþvaður. Svo hefði hann
stungið úr sér hljóðhimnurnar -
sá mikli stjórnspekingur og látið
sér í léttu rúmi liggja hvort hann
dó úr elli eða sárum.
Hetjurnar voru útdauðar um
það bil sem kvikmyndaiðnaður-
inn fór að ryðja sér til rúms og
nú vantaði karlímynd til að
blekkja kvenfólkið. Upphófst hin
rómantiska karlímynd, sem
líklega á sér upphaf í Werther
Göthes; fagri illi auðnuleysingi,
með röku augun varð „hetjan"
sem búin er að halda kvikmynda-
listinni gangandi, jafnvel þegar
hart er i ári. Þessar bijóstum-
kennanlegu týpur.
En afhveiju gekk þetta?
Það er vegna þess að heimur-
inn getur ekki verið án sannrar
hetju. Þegar karlmennirnir afsö-
luðu sér forréttindunum, hirtu
konurnar karlmennskuna upp.
Kvennabaráttan varð til vegna
skorts á hetjum. Og svo sannar-
lega hefur konum tekist vel til.
Ég heyrði eitt kvöldið í fréttunum
að i skólum í Danmörku væri
áberandi hvað stúlkur væru
miklu athafnasamari innan og
utan skóla og að einnig væri áber-
andi að þær stefndu að einhverri
vissri menntun og atvinnu í
lífinu. Drengirnir væru meira
reikandi.
Þetta er auðvitað einn árangur
kvennabaráttunnar. Stúlkur
taka mæður sínar til fyrirmyndar.
Þær alast upp hjá mæðrum sem
hafa aflað sér menntunar, og
finnst það sjálfsögð mannréttindi
að vinna utan heimilis. Svona
hræðilegum „sterkum" konum.
Þessar stúlkur gera sér grein fyrir
þvi að eina öryggið í lífinu felst i
menntun og starfsþjálfun þeirra
sjálfra . . .
Nei, kannski er það tóm vit-
leysa. Kannski giftast þær bara
einhverjum af þessum óákveðnu,
sorgfullu drengjum, pumpa þá
áfram í námi og starfi - verða
konurnar á bak við manninn. Svo
dást allir að þeim fyrir að hafa
stutt svona vel við bakið á elsku-
legum eiginmönnunum, sem
hefðu aldrei orðið þetta eða hitt,
án stuðnings HENNAR. Og eng-
inn spyr hvað hún hefði getað
orðið, ef hún hefði eytt öllum þess-
um tima og kröftum í að koma
sjálfri sér áfram. Hún verður bara
hetjan hans mannsins síns. Og í
minningargreininni hennar
verða afrek hans í þjóðfélaginu
tíunduð og eitthvað minnst á
saumaskapinn hennar og ein-
hverjar tertur sem hún á að hafa
bakað.
eftir Súsönnu
Svavarsdóttur
1 i iria
íNIfUD'AGtrR 2.
íð!)0
MORGt.'NBIADID FOLK I
TIMAMOT
Gestir héldu á
brott með allt að
20 metra af teppi!
Skemmtistaðurinn Hollywood,
sem skipar sinn sess í hug-
um fjöl margra landsmanna,
rann skeið sitt á enda um síðustu
helgi er nýir eigendur kvöddu
nafnið og gömlu innréttingarnar
„almennilega“ með dúndurballi.
1.200 manns voru á svæðinu er
mest var og í lok ballsins skapað-
ist sérstæð stemmning er ijöl-
margir höfðu á brott með sér
minjagripi úr húsinu í fullri þökk
nýrra eigenda. Voru brögð að
því að einstakir menn héldu á
brott með allt að 20 metra af
gólfteppi staðarins. „Það gengu
margir berserksgang og satt
best að segja sparaði þetta okkur
stórfé og tíma. Við vorum búnir
að skera niður fullt af teppa-
bútum í minjagripi, en það dugði
ekki til,“ sagði Ingvar Þórðarson
rekstrarstjóri staðarins í samtali
við Morgunblaðið, en þessa dag-
ana er unnið að því að smíða
nýjar innréttingar og gera um-
talsverðar breytingar aðrar, en
staðurinn opnar að nýju með
nýtt nafn laugardaginn 8. des-
ember næstkomandi. Daglega
eru 30 til 50 iðnaðarmenn og
hjálparkokkar að störfum,
myrkranna á milli, en Ingvar
segir að það muni enginn kann-
ast við sig sem áður þekkti Holly-
wood.
Nýju eigendurnir eru Sturla
Birgisson, sem er aðaleigandi,
og Axel Ólafsson. Ingvar sagði
að þeir félagar hefðu í hyggju
að skapa tvenns konar stemmn-
ingu á hinum nýja skemmtistað
sem enn hefur ekki hlotið opin-
bert nafn. Niðri verður ríkjandi
tónlist rokk, popp og þetta ósköp
Nokkrir gesta á kveðjuballi Hollywood.
venjulega. Keypt hefur verið
8.000 watta kerfi sem þar verður
sett upp og býður auk þess upp
á tónleikahald. Uppi verður
ríkjandi tónlist, nýjustu straumar
og bylgjur, „þar verður hrárri
stemmning“, segir Ingvar. Og
hann bætir við að lokum: „Nýi
staðurinn verður engum líkur.
Með Hollywood lauk ákveðnu
skeiði. Þetta verður ekkert líkt
því og var. Þegar Hollywood var
upp á sitt besta voru engir pöb-
bar, engin Sky Channel-sjón-
varpsrás eða neitt þvíumlíkt. Nýi
staðurinn verður í anda nýrra
tíma í skemmtanalífi.“
Morgunblaðið/Árni Sæberg
Anddyrið. Þetta mikla skilti sem svo lengi hefur verið snar þáttur
í næturlífi Reykjavíkur, hefur nú verið tekið niður.
Amsterdam erengri lík. Þarfinnurðu örugglega eitthvað, sem
lífgar upp á tilveruna. Þú átt það inni hjá sjálfum þér. Verslun hefur
blómstrað í Amsterdam í mörg hundruð ár. Kaupmenn þarvita hvað kemurfólki vel þegar
það ætlar að versla og veita því að sjálfsögðu góða þjónustu og mjög hagstætt verð. í
Amsterdam erauðvelt að komast leiðarsinnar. Þarereinnig gott að skemmta sér; u.þ.b.
30 leikhús, 10 tónleikasalir, 50 bíó, fjöldinn allur af diskótekum, dansstöðum, djass-
og næturklúbbum, 40 söfn og 60 sýningarsalir.
KRASNAPOLSKY
FRÁKR. 37.840,-
PULITZER
FRÁ KR. 37.180,-
ASCOT
FRÁ KR. 35.700,-
Þegar ferðalögin liggja í loftinu *Miðað vís gistingu ítvibýii í4 nætur.
Söluskrifstofur Flugleiða: Lækjargötu 2, Hótel Esju og Kringlunni. Upplýsingar og farpantanir í síma 690 300.
Allarnánari upplýsingar færðu á söluskrifstofum Flugleiða, hjá umboðsmönnum og ferðaskrifstofum.
FLUGLEIÐIR
DE ROODE LEEUW
FRÁ KR. 32.550,-
SAS ROYAL
FRÁ KR. 37.180,-
OWL (UGLAN)
FRÁ KR. 32.050,-