Morgunblaðið - 03.04.1993, Blaðsíða 21
21
MORGUNBLAÐIÐ LAUGARDAGUR 3. APRÍL 1993
Reuter.
Clinton og Sokki
I GREVIN-vaxmyndasafninu í París er nú búið að koma fyrir vax-
styttum af Bill Clinton Bandaríkjaforseta og fjölskyldukettinum
Sokka.
Fundur Jeltsíns og Clintons í Vancouver
Efnahags-og
viðskiptainál
í brennidepli
Washington, Moskvu. Reuter.
BILL Clinton Bandaríkjaforseti og Borís Jeltsín, forseti
Rússlands, hittast á fundi í borginni Vancouver í Kanada
í dag og á morgun. Leiðtogarnir ræddust í gær við gegnum
síma og sagði rússneska fréttastofan Interfax að þeir hefðu
ákveðið að meginviðfangsefni fundarinnar yrði samvinna
á sviði efnahags- og viðskiptamála. Þá yrðu „aðkallandi
vandamál á alþjóðavettvangi“ einnig til umræðu.
Búist er við að Clinton muni á
sunnudag, að loknum fundinum,
kynna viðamikla áætlun um aðstoð
við Rússland sem hefði það ekki síst
að markmiði að reyna að treysta
Jeltsín í sessi. Hann á í harðri valda-
baráttu við harðlínumenn á rúss-
neska fulltrúaþinginu og hefur boðað
til þjóðaratkvæðagreiðslu um valda-
skiptinguna í landinu síðar í þessum
mánuði. Bandarískur embættismað-
ur sagði í gær fjárhagsaðstoð á yfir-
standandi ijárlaga ári, sem lýkur
þann 30 september, muni nema um
500 milljónum dollara. Sagði annar
embættismaður að sú upphæð væri
til viðbótar þeim 700 milljónum, sem
Clinton hefur beðið Bandaríkjaþing
að samþykkja í aðstoð á næsta fjár-
lagaári.
í ræðu sem hann hélt á fimmtudag
hjá samtökum bandarískra ritstjóra
sagði Clinton að Bandaríkjamenn
gætu ekki tryggt framgang umbóta
í Rússlandi og öðrum lýðveldum sam-
veldis sjálfstæðra ríkja. „Ég veit og
þið vitið það líka að þegar upp er
staðið mun framtíð Rússlands verða
ákveðin af Rússum," sagði forsetinn.
Hann lofaði Rússlandsforseta mjög
í ræðunni og sagði að leggja yrði
áherslu á að hinn aimenni Rússi teldi
sig njóta góðs af umbótunum en
ekki vera fórnarlömb þeirra.
Balladur
sker nið-
ur risnu
EDOUARD Balladur, forsætisráð-
herra Frakklands, ætlar sér að
ná fram sparnaði í rekstri franska
ríkisins sem nemur „að minnsta
kosti“ 20 milljörðum franskra
franka, eða um 200 milljörðum
íslenskra króna. Ætlar hann að
byrja á því að skera niður kostnað
við rekstur ráðuneyta og risnu
stjórnmálamanna.
Eins og skýrt hefur verið frá hef-
ur Balladur ákveðið að ráðherrar
skuli framvegi fljúga í venjulegu
áætlunarflugi þegar hægt er í stað
þess að nýta þjónustu sérstakra flug-
véla á vegum hersins.
Þá hefur risna forsætisráðuneyt-
isins verið lækkuð um 20% og ann-
arra ráðuneyta um 10%. Loks hefur
ráðherrum verið skipað að nota
áfram þá ráðherrabíla sem notaðir
voru af ráðherrum í ríkisstjórn sósíal-
ista í stað þess að kaupa nýja bíla.
Apríl-
gabb?
Moskvu, London. The Daily Te-
legraph, Reuter.
RÚSSNESKA stjórnin vill
ræða samvinnu við Banda-
ríkjamenn um að koma upp
vörnum gegn eldflaugum og
verði beitt sérstakri gasteg-
und, „plasmóíd", til að granda
flaugunum, að sögn blaðsins
Ízvestíu á fimmtudag. Banda-
rískir embættismenn vísuðu
þessu á bug sem aprílgabbi en
TASS-fréttastofan staðhæfði
að fréttin byggðist á traustum
heimildum.
I Izvestíu sagði að rússneskir
vísindamenn í borginni Arzamas-
16, einni af svonefndum huldu-
borgum sem byggðar voru á sov-
étskeiðinu og aðeins útvaldir
fengu að heimsækja, hefðu upp-
götvað aðferðina. „Orkunni er
ekki beint að flauginni sjálfri
heldur er braut hennar jónuð.
Lögun flaugarinnar eða flugvél-
arinnar breytist við þetta og hún
springur í tætlur þegar flug-
hæfnin glatast".
Byssukúla
banaði Lee
Wiimington. Reuter.
ÞAÐ var byssukúla, sem batt enda
á líf leikarans Brandons Lees, sonar
Kung Fu-hetjunnar Bruce Lees.
Fundu læknar kúluna við krufningu
á fimmtudag en í fyrstu var talið,
að byssan, sem hleypt var af, hefði
aðeins verið hlaðin púðurskoti. At-
burðurinn átti sér stað við myndatök-
ur á miðvikudag en ekki er talið, að
leikarinn, sem skaut, hafi átt neitt
sökótt við Brandon.
Tyson nemur Kóraninn
og fræðist um dúfnarækt
Indianapolis. Reuter.
MIKE Tyson, fyrrverandi heimsmeistari í hnefaleikum,
hefur nú verið í fangelsi í eitt ár og haft nægan tíma til
að sinna andlegum hugðarefnum sínum. Að sögn fanga-
varða unir hnefaleikakappinn sér aðallega við lestur á
Kóraninum og fræðiritum um íslam og dúfnarækt.
„Hann umgengst ekkert hina
fangana," sagði taismaður fang-
elsisins, sem er í Indianapolis.
„Eitt af vandamálunum er að lífs-
mátinn sem hann á að venjast er
talsvert öðruvísi en hinna fang-
anna, sem eru aðallega hvítir
sveitamenn," sagði vinur Tysons,
William Crawford, þingmaður í
Indiana.
Tyson var dæmdur í sex ára
fangelsi árið 1991 fyrir að nauðga
19 ára stúlku og sér nú um að
afhenda föngum körfubolta og
ýmsan búnað í íþróttahúsi fang-
elsins. Fyrir það fær hann 65 cent
á dag, sem er allmikil kauplækkun
því hann fékk áður margar millj-
ónir dala fyrir að berja á andstæð-
ingum sínum í eina kvöldstund.
Hnefaleikakappanum ætti þó
ekki að leiðast því auk þess sem
hann ræktar hugann með lestri
bóka þá fær hann oft heimsóknir
þekktra blökkumanna.
Tyson er lítt hrifinn af fituríku
fangafæðinu og borðar ekkert
annað en niðursoðinn túnfisk úr
dósum, ávexti og kartöfluflögur.
Hjartanlega þakka ég öllum þeim, sem glöddu
mig á áttrœöis afmœli mínu.
Guð blessi ykkur,
Lára Sigurbjörnsdóttir.
Hjartans þakkir til barna og tengdabarna,
vandamanna og vina, sem glöddu mig á 80 ára
afmceli mínu og veittu mér ógleymanlegar
stundir.
Sérstakar þakkir til Bjarna Eiríks Sigurðssonar
og hljómsveitar.
Lifið heill
Valgerður Sóley Ólafsdóttir.
QirrifiAo <ZLué\na o
„ Við bökum ilmandi nýtt, grójt, hollt oggottl“
YDDA F57.5/SÍA