Morgunblaðið - 03.04.1993, Blaðsíða 22
22
MORGUNBLAÐIÐ LAUGARDAGUR 3. APRÍL 1993
*
Handhafar viðurkenninga FIP
Morgunblaðið/Sverrir
FRÁ afhendingu viðurkenninganna: Jón Sigurðsson iðnaðarráðherra, Þröstur Magnússon, Brynja Baldursdóttir; Jón Karlsson, Örn
Jóhannsson formaður FÍP, Brian Pilkington, Jóhann Páll Valdimarsson, Guðmundur Ásmundsson, Jón Ólafur Ísberg, Ásgeir Guð-
mundsson, Jón Orri Guðmundsson, Arni M. Bjömsson, Sigurgeir Sigurjónsson, Indriði G. Þorsteinsson, Reynir Jóhannson, Einar
Pétursson, Þorgeir Baldursson og Steindór Hálfdánarson formaður dómnefndar.
Veittar viðurkenningar fyrir
faglega þætti íslenskra bóka
FÉLAG íslenska prentiðnaðarins
veitti í fyrsta skipti viðurkenningar
fyrir faglega vinnu við bækur unnar
og prentaðar á íslandi í gær. Veittar
voru viðurkenningar fyrir faglega
vinnu, s.s. hönnun, prentun, bókband
og frágang, á Landi og sonum Indr-
iða G. Þorsteinssonar, Sigurðar sögu
þógla, íslandslagi Sigurgeirs Sigur-
jónssonar, Dýraríki íslands eftir
Brian Pilkington og íslenskum sögu-
atlas 2. Að auki var bók með mynd-
skreyttri túlkun Brynju Baldursdótt-
ur á Rúnaljóðum hrósað sérstakleg
fyrir frumlega útfærslu.
Öm Jóhannsson, formaður Félags íslenska
prentiðnaðarins, flutti stutt ávarp þegar viður-
kenningarnar voru afhentar í húsakynnum FÍP.
Hann sagði m.a. að FÍP vildi hvetja bókagerðar-
menn til að flytja yfir í nýjan tíma meistara-
verk og þróun bókiðnaðar í aldaraðir og benti
á að ekkert lát virtist vera á samdrætti í bók-
sölu. „Upptaka 14% virðisaukaskatts á bækur,
blöð og tímarit þann 1. júlí nk. og sú verðhækk-
un sem því fylgir, eykur ekki bjartsýni á að
bóksala aukist. Félagið vill því með þessum
viðurkenningum leggja sitt lóð á vogarskálarn-
ar til að stuðla að auknum bókakaupum," sagði
Öm.
Menntun og þekking
Hann sagði að það væri íslenskum prentiðn-
aði áhyggjuefni að nokkuð prentverk hefði
flutst úr landi á síðastliðnum árum. Eina vonin
væri að atvinnurekendur og launþegar í prent-
iðnaði sameinuðust um bætta menntun og þekk-
ingu beggja og lofaði aðsókn að Prenttækni-
stofnun þar góðu. „Einnig eru bundnar miklar
vonir við framkomið fmmvarp á Alþingi, sem,
ef samþykkt verður, gefur prentiðnaðinum
tækifæri á að koma grunnmenntun í viðunandi
og framsækið horf. Ef þetta gengur eftir þarf
prentiðnaðurinn ekki að kvfða erlendri sam-
keppni," sagði Öm.
50 innsendar bækur
Næstur tók til máls Steindór Hálfdánarson,
varaformaður FÍP og formaður dómnefndar,
og kom fram í máli hans að eftir nokkurs kon-
ar forvai innan fyrirtækja FÍP hefðu 50 bækur
verið sendar dómnefndinni. Hún hefði flokkað
bækumar niður með óformlegum hætti og tek-
ið ákvörðun um að veita ekki aðeins einni held-
ur fimm viðurkenningu. Steindór afhenti síðan
viðurkenningar fyrir bækurnar fimm en allar
eru viðurkenningamar jafngildar. Auk Stein-
dórs skipuðu þeir Torfi Jónsson og Þröstur
Jónsson dómnefndina.
Viðurkenningar fyrir 5 bækur
Fimm bækur fengu viðurkenningu. Land og
synir eftir Indriða G. Þorsteinsson, Reykholt
gefur út, Prenthúsið prentar og Bókavirkið
bindur inn. Sigurðar saga þógla, stofnun Áma
Magnússonar gefur út og G. Ben. prentstofa
hf. annast prentvinnslu. Islandslag eftir Sigur-
geir Siguijónsson, Forlagið gefur út, Þröstur
Magnússon hannar og Prentsmiðjan Oddi hf.
annast prentvinnslu. Dýraríki Islands eftir
Brian Pilkington, Iðunn gefur út og Prentsmiðj-
an Oddi hf. annast prentvinnslu. íslenskur
Söguatlas 2 í ritstjóm Ama Daníels Júlíusson-
ar, Jóns Ólafs ísbergs og Helga Skúla Kjartans-
sonar, Iðunn gefur út , Prentsmiðjan Oddi sér
um prentun og Offsetþjónustan hf. sér um lit-
greiningu og filmuvinnslu.
Um sjötíu þúsund bækur
voru lesnar á tíu dögum
ÚRSLIT í Lestrarkeppninni miklu voru kunngerð i gærmorg-
un, en alls tóku nemendur í 166 skólum af um 200 grunnskól-
um í landinu þátt í keppninni. Samkvæmt gögnum frá skólun-
um voru lesnar rúmlega 6,6 milljónir blaðsíðna þá ellefu
daga sem keppnin stóð yfir, eða rúmlega 70 þúsund bækur.
Keppt var um hvaða bekkjardeild læsi mest að meðaltali í
hverjum árgangi grunnskólanna, og réð blaðsíðufjöldi, en
samkennsluhópar voru greindir í þijá aldursflokka og sigur-
vegarar útnefndir í hveijum þeirra.
Níu lausar
lóðir eru á
hafnasvæði
Kópavogs
JKÓPAVOGSBÆR hefur auglýst
45 lóðir lausar til umsóknar. Þar
af eru 15 lóðir undir einbýlishús
í Nónhæðum, 20 einbýlishúsalóðir
í Digraneshlíðum, níu lóðir á hafn-
arsvæðinu undir atvinnuhúsnæði
og ein lóð undir verslunar- og
skrifstofuhúsnæði við Reykjanes-
braut.
Að sögn Sigurðar Geirdal bæjar-
stjóra, bíða margir eftir að fá lóð á
hafnarsvæðinu en úthlutun þar hefur
tafist vegna framkvæmda við ræsið
yfir Skeijafjörð, sem liggur yfir
Bakkabraut, þar sem lóðimar eru.
Framkvæmdum þar er að ljúka og
verða lóðimar byggingahæfar í vor.
Um er að ræða fimm lóðir undir eins
til tveggja hæða iðnaðarbyggingu
um 450 ferm. að grunnfleti, þijár
lóðir undir eins til tveggja hæða
byggingar og er æskilegt að tengja
starfsemina útgerð og fiskvinnslu.
Þá er ein lóð undir einnar hæðar
stálgrindarhús fyrir útgerðarþjón-
ustu og fiskvinnslufyrirtæki.
Auk þess em til úthlutunar 15
lóðir undir 2ja hæða einbýlishús í
Nónhæðum og eru það lóðir sem
þegar var búið að úthluta en hefur
verið skilað inn á ný. „í Nónhæðum
er búið að úthluta 534 íbúðum," sagði
Sigurður. „Og í Digraneshlíðum eig-
um við 20 lóðir eftir sem búið er að
auglýsa. Við verðum því búnir með
allar lóðir eftir nokkra mánuði. Næst
tekur við Fífuhvammsland og verða
þær lóðir tilbúnar að ári en það sem
hefur tafið framkvæmdir þar er
Reykjanesbrautin sem eftir á að tvö-
falda. Við höfum lagt okkar vegi að
henni en þeir eiga að fara undir
brautina."
-----4 4-------
Kaupfélög-
in ræða að
stofna smá-
sölukeðju
KAUPFÉLÖG Iandsins eru að
ræða saman um möguleikann á
samtökum til að yfirtaka rekstur
matvöruþáttarins í heildverslun
Miklagarðs hf. Er til athugunar
að stofna smásölukeðju um þenn-
an rekstur, þannig að ávinningur-
inn af hagstæðum rekstri og inn-
kaupum skili sér til kaupfélag-
anna, að sögn T&Ima Guðmunds-
sonar, kaupfélagssljóra Kaupfé-
lags Austur-Skaftfellinga á Höfn
í Homafirði, en hann er einn
þeirra kaupfélagsstjóra sem unnið
hafa að undirbúningnum. Pálmi
segir að ýmsir kaupmenn hafi
einnig sýnt áhuga á að taka þátt
í slíkri samvinnu.
Pálmi sagði í samtali við Morgun-
blaðið að eftir að erfiðleikar Mikla-
garðs komu í ljós hefðu kaupfélags-
stjóramir rætt saman um viðbrögð.
Mörg kaupfélögin hafa átt mikil við-
skipti við heildverslun Miklagarðs,
einkum matvörudeildina. Sum hafa
einnig keypt þar svokallaðar sérvör-
ur. Sagði Pálmi að málið væri enn á
umræðustigi. Vinna þyrfti málið í
samvinnu við Miklagarð hf. og
Landsbankann sem réði húsnæðinu
í Holtagörðum. Sagðí Pálmi að í dag
kæmu kaupfélagsstjórarnir saman á
fund til að taka afstöðu til málsins
og síðan yrði það lagt fyrir stjórnir
félaganna.
Ekki nýtt Samband
Aðspurður hvort kaupfélögin væru
að stofna vísi að nýju Sambandi sagði
Pálmi að frekar væri um að ræða
smásölukeðju, í líkingu við upphaf-
legt markmið Sambandsins, þar sem
ávinningi af hagstæðum innkaupum
og rekstri yrði skilað til kaupfélag-
anna en ekki safnað upp hjá heild-
versluninni.
Alls tóku 17.250 nemendur úr
1.106 bekkjardeildum þátt í lestr-
arkeppninni. Sú bekkjardeild sem
las flestar blaðsíður að meðaltali
þá daga sem keppnin stóð sigraði
í sínum árgangi. Þá voru veitt verð-
laun í þremur flokkum sam-
kennsluhópa. Bókaútgefendur
veita sigurvegara í hveijum flokki
verðlaun, og hver nemandi í við-
komandi bekkjardeitd eða sam-
kennsluhópi fær tvær bækur að
gjöf. Allar bekkjardeildir sem þátt
tóku í keppninni fá viðurkenning-
arskjal. Bókasamband íslands
hafði frumkvæði að keppninni, en
menntamálaráðuneyti, Samtök
móðurmálskennara og Skóla-
stjórafélag íslands veittu mikil-
vægan stuðning.
Hér á eftir fer listi yfír sigurveg-
ara í Lestrarkeppninni miklu:
í tíunda bekk sigraði 10. AJ í
Sólvallaskóla, Selfossi. Fjöldi nem-
enda er 27. Lesnar bækur 256.
Meðalfjöldi bóka á nemanda 9,5.
Fjöldi blaðsíðna var 54.259. Meðal-
flöldi síðna á nemanda var 2.010.
í níunda bekk sigraði Grunn-
skólinn á Þingeyri. Pjöldi nemenda
í deild er 7. Lesnar bækur 82.
Meðalfjöldi bóka á nemanda 11,7.
Fjöldi blaðsíðna var 15.023. Meðal-
fjöldi síðna á nemanda var 2.146.
í áttunda bekk sigraði 8. bekkur
EE í Sólvallaskóla, Selfossi. Fjöldi
nemenda í deild er 23. Lesnar
bækur 370. Meðalfjöldi bóka á
nemanda 16,1. Fjöldi blaðsíðna var
51.217. Meðalfjöldi síðna á nem-
anda var 2.227.
í sjöunda bekk sigraði Hallorms-
staðaskóli. Fjöldi nemenda er 9.
Lesnar bækur 104. Meðalfjöldi
bóka á nemanda 11,6. Fjöldi blað-
síðna var 17.116. Meðalíjöldi síðna
á nemanda var 1.902.
í sjötta bekk sigraði 6. B í stofu
5, Borgarhólsskóla, Húsavík. Fjöldi
nemenda er 21. Lesnar bækur
227. Meðalfjöldi bóka á nemanda
10,8. Fjöldi blaðsíðna var 32.262.
Meðalfjöldi síðna á nemanda var
1.536.
í fimmta bekk sigraði 5. Þ.K. í
Sandvíkurskóla, Selfossi. Fjöldi
nemenda er 27. Lesnar bækur
451. Meðalfjöldi bóka á nemanda
16.7. Fjöldi blaðsíðna var 49.008.
Meðalfjöldi síðna á nemanda var
1.815.
í fjórða bekk sigraði 4. S,
Grunnskóla Grindavíkur. Fjöldi
nemenda er 20. Lesnar bækur
423. Meðalfjöldi bóka á nemanda
21,1. Fjöldi blaðsíðna var 25.848.
Meðalfjöldi síðna á nemanda var
1.274.
í þriðja bekk sigraði 3. M.K.,
Setbergsskóla, Hafnarfirði. Fjoldi
nemenda er 20. Lesnar bækur
316. Meðalfjöldi bóka á nemanda
15.8. Fjöldi blaðsíðna var 14.637.
Meðalfjöldi síðna á nemanda var
732.
í öðrum bekk sigraði 2. K í
Myllubakkaskóla, Keflavík. Fjöldi
nemenda er 18. Lesnar bækur
181. Meðalfjöldi bóka á nemanda
9,0. Fj'öldi blaðsíðna var 8.169.
Meðalfjöidi síðna á nemanda var
454.
í fyrsta bekk sigraði 1.1, Síðu-
skóla, Akureyri. Fjöldi nemenda
19. Lesnar bækur 177. Meðalfjöldi
bóka á nemanda 9,3. Fjöldi blað-
síðna var 4.931. Meðalfjöldi síðna
á nemanda var 260.
Samkennsluhópar, yngsti flokk-
ur, 1-3. bekkur (miðað er við elstu
nemendur í hveijum hópi).
í þessum flokki sigraði Klúku-
skóli, Bjamarfirði á Ströndum.
Fj'öldi nemenda er 2. Lesnar
bækur 72. Meðalfjöldi bóka á nem-
anda 36. Fjöldi blaðsíðna var
2.404. Meðalfjöldi síðna á nem-
anda var 1.202.
í flokki samkennsluhópa 4.-6.
bekk sigraði Klúkuskóli.
Fj'öldi nemenda er 2. Lesnar
bækur 122. Meðalfjöldi bóka á
nemanda 61. Fjöldi blaðsíðna ar
4.777. Meðalfjöldi síðna á nem-
anda var 2.389.
í elstu deild samkennsluhópa,
7.-10. bekk, sigraði Svalbarðs-
skóli á Þistilflrði.
Fj'öldi nemenda er 7. Lesnar
bækur 59. Meðalfjöldi bóka á nem-
anda 8,4. Fjöldi blaðsíðna var
10.047. Meðalfjöldi síðna á nem-
anda var 1.435.