Morgunblaðið - 26.09.1993, Blaðsíða 23
MORGUNBLAÐIÐ
SAMSAFNIÐ
26. SEPTEMBER 1993
Tímaspamaður
641213
Þvottahúsið Hreint og klárt.
- Góðan dag, þetta er á Morg-
unblaðinu, gæti ég fengið að tala
við eigandann?
Þetta er annar eigandinn,
Gunnar Steinn.
- Þið eruð í Kópavoginum er
það ekki?
Það er rétt.
- Já, mig langaði aðeins að
ræða um þvott við þig. Hveijir
láta ykkur þvo fyrir sig?
Það eru bæði fyrirtæki og ein-
staklingar. Til dæmis fólk sen^
vinnur langt fram á kvöld og
hefur oft lítinn tíma til að þvo.
- Hvers konar þvottur er þetta
sem kemur frá einstaklingum?
Allur almennur þvottur, dúkar,
rúmfatnaður, handklæði.mottur,
tjöld, svefnpokar, sængur og
koddar.
- Geta menn komið með skyrt-
umar sínar, og blússurnar?
Já já, skyrtur og blússur.
- Ef þetta eru nú fín efni, silki-
blöndur og þess háttar?
Þá er þau meðhöndluð í hreins-
uninni, við erum bæði með hreins-
un og þvottahús.
- Kemur fólk nokkuð með nær-
buxurnar sínar?
Það er nú minna
um það, en það
kemur fyrir.
- Er ekki rokdýrt
að láta þvo fyrir
sig?
Nei, ég held það
nú ekki.
- Hver eru hag-
stæðustu kjörin?
Það er hinn svo-
nefndi heimilis-
þvottur. Þá er
reiknað með 15
stórum stykkjum
og 15 litlum. Það
kostar kr. 1.737 og
Gunnar Steinn.
þá er þvotturinn straujaður og
gengið frá honum.
- Hvers konar fólk er það helst
sem kemur með þvottinn sinn?
Ógiftir karlmenn og útivinnandi
húsmæður?
Það er alls konar fólk, og bæði
einhleypir og giftir karlmenn með
skyrturnar sínar.
- Já, maður er nú hættur að
nenna að strauja af þeim.
Það er líka ódýrt að láta þvo
þær fyrir sig.
- En hafa viðskiptin ekkert
minnkað í kreppunni?
Jú, sjálfsagt hefur eitthvað
dregist saman, fólk kemur sjaldn-
ar, en með meiri þvott í einu.
- En get. ég treyst því að þú
ruglir ekki mínum þvotti saman
við annan þvott?
Já, þú telur stykkin, við fyllum
út lista í tvíriti og skráum fjöld-
ann. Þú færð annan miðann og
við hinn. En annars er hver þvott-
ur þveginn sér, þinn þvottur fer
ekki með öðrum þvotti. Ég hef
það þannig en það er ekki gert
víða.
- Já, er _það þannig, það líst
mér vel á. Eg verð nú að athuga
þetta. Mér sýnist þetta vera tíma-
sparnaður. En segðu mér, hvert
ferð þú með þinn
þvott?
Hann kemur að
hluta til hingað,
nærfötin eru þveg-
in heima!
- Þá minnkar
álagið á þvottavél-
unum, það er víst
'svo dýrt að gera
við þær.
Já og sparar
hlaupin upp og nið-
ur.
- Einmitt, en ég
þakka þér fyrir
spjallið.
SÍMTALID...
ER VIÐ GUNNAR STEINALMARSSON,
ÞVOTTAHÚSEIGANDA
Höfði var byggður sem einbýlis-
hús. Á 1. hæð voru 6 herbergi,
eldhús, búr, gangur og snyrtiher-
bergi. Á 2. hæð voru 6 herbergi,
baðherbergi, salerni og í kjallara
voru geymslur, þvottahús og
straustofa. Vesturálman á 1. hæð
var 3 herbergi en hefur verið
sameinuð í eina stofu.
Stigahúsið í Höfða ber með sér að vera af norskum
uppruna. Veggklæðningin minnir á stokkhús og
ber stigahúsið annan svip en aðrir hlutar hússins.
Spjaldahurðir og dyraumbúnaður innanhúss taka
mið af stíl Lúðvíks 16. Búið var að nema burt
gólf- og loftlista þegar borgin keypti húsið. Reynt
var að færa Höfða sem mest til upprunalegrar
myndar.
Kakkalakkar í Reykjavík
FRETTALJÓS
ÚR
FORTÍÐ
FYRIR röskum 70 árum, þann 12. sept. 1923 kemur fram
í Morgunblaðinu að „Óþverrakvikindi hafi borist hingað frá
útlöndum og sest að í nokkrum húsum í Reykjavík og jafn-
vel í fleiri kauptúnum.“ Þetta voru veggjalýs og kakkalakk-
ar. „Þetta eru ill tíðindi því bæði er illt að búa í húsum,
þar sem veggjalýs eða kakkalakkar hafast við og hins veg-
ar mikil líkindi til þess að faraldur breiðist út, því kvikindi
þessi þrífast vel í timburhúsum og steinhúsum sem þiljuð
eru að innan eða hafa loft og gólf úr timbri." Tveimur
dögum seinna var viðtal í blaðinu við landlækni um þetta
vandræðamál.
Hefir verið skorað á heilbrigð-
isstjórnina að skakka leik
kakkalakkanna og veggja-
lúsanna?“ spyr blaðamaður. Nei,
er svar landlæknis. „Heilbrigðis-
löggjöfin nær ekki til þessara
skorkvikinda fremur en í öðrum
löndurn."
Er hægt að bana þessum skor-
kvikindum?
Já meira en svo. Það er ofur-
auðvelt að bana öllum dýrum,
öllu, sem lifir.
Er blásýra besta ráðið?
Blásýrubræla (cyanbrinto) 'er
ágætt ráð, en mjög svo varhuga-
vert, allt annað en hættulaust.
Hversvegna svo hættulegt?
Af því að blásýran er eitt hvert
það háskalegasta og banvænasta
eitur sem við læknarnir höfum
af að segja.
Hefir blásýra verið notuð í
öðrum löndum til þess arna?
Já, það er áreiðanlegt.
En vitið þjer til þess að slys
hafi hlotist af því?
Já, það veit jeg. Það var fyrir
nokkru síðan í Kaupmannahöfn
að drepa átti veggjalús í einni
íbúð og var það í steinhúsi. Fólk-
ið var vitanlega látið fara í burtu.
í næstu íbúð fyrir ofan fór barn
fram á salerni sem ekki er í frá-
sögur færandi. En bamið kom
ekki aftur, fannst það steindautt
á salerninu af blásýrubrælu sem
komist hafði þangað upp úr íbúð-
inni fyrir neðan. Af þessu getur
maður ráðið að það muni var-
hugavert að nota þessa aðferð í
timburhúsunum okkar.
Eru þá til önnur ráð?
Já, mörg önnur ráð. Og það
ráð, sem eflaust duga.
Hafið þjer sjálfur nokkra
reynslu í þeim efnum?
Já, fyrir 10 árum komust
kakkalakkar inn í eitt stærsta
timburhúsið hjer í bænum, þrílyft
hús - komust í efstu bygðina,
æxluðust unnvörpum á stuttum
tíma, því miðstöðvarhitun er í
húsinu og komust bráðlega niður
á miðbygðina. Þá var leitað
minna ráða. Og mjer tókst í fljótu
bragði að drepa alla kakkalakk-
ana, svo að þeir hafa ekki sjest
síðan í húsinu.
Hvernig fóruð þjer að því?
Jeg gerði það með formalín-
gufu, og ef þjer viljið sjá aðferð-
ina, þá skal ég gefa yður sótt-
varnarbókina okkar og þar getið
þjer sjeð hana í 14. grein,“ sagði
landlæknir og blaðamaðurinn
endar greinina á að lýsa litlu
áhaldi, einskonar lampa, sem
nota skyldi til umræddra að-
gerða.