Morgunblaðið - 15.01.1997, Blaðsíða 31
MORGUNBLAÐIÐ
MINNINGAR
MIÐVIKUDAGUR 15. JANÚAR 1997 31
skildu og veldur sjaldan einn, er tveir
deila. Og börnin fylgdu henni. Gott
samband við þau með kærleik hlotn-
aðist honum þó ævina út.
Þorvaldur bjó nú í borginni, vin-
margur og frændrækinn, Hreppa-
maður að öllu upplagi, margfróður
í ættum og fannst fjórmenningar
náskyldir. Eg var þannig aldrei í
hættu, þar eð við vorum af öðrum
og þriðja. Lengst af var hann aðalfé-
hirðir í Arnarhváli, þeir hlæja
kannski ekki hæst þar en margan
vininn dró hann þaðan.
Hann sleppti aldrei músíkinni, hún
var hans hálfa líf. Hann söng með
Karlakór Reykjavíkur um langt ára-
bil eða meðan félagar hans þar ent-
ust og hafði afar þróttmikla og
hreimfagra bassarödd. Söng oft með
Hreppakórnum, auðvitað, æfði og
raddsetti fyrir kvartetta, söng með
Stúdentakórnum og kirkjukórum og
spilaði fyrir sjúklinga á jóium á
seinni árum. Tvisvar fór hann með
Karlakór Reykjavíkur vestur um haf
til að hafa ofan af fyrir Ameríku-
mönnum, einu sinni til að skemmta
páfanum í Róm og er ekki öllum
gefið. Minntist þess ávallt með mik-
illi gleði síðan.
Og enn er við að bæta, hann hafði
gaman af ljósmyndun áður fyrr og
sýndi oft góðan árangur í samsýn-
ingum og á forsíðum vikublaða. En
bezt tókst honum upp þegar hann
náði Heklugosinu á filmu fyrstur
manna í marz 1947. Vaknaði hann
heima í Ásum kl. fimm að morgni
við drunurnar og náði mynd af fyrsta
stróknum, tíu kílómetra háum.
Bandaríska tímaritið Life keypti
þegar myndina og setti á forsíðu.
Eitt er þó ótalið. Þorvaldur gerð-
ist listabókbindari á efri árum og
kynntist þá mörgum góðum og
gegnum manninum og náði meira
að segja að kenna mér handbragðið.
Það voru skemmtilegar stundir. Með
því síðara sem hann gerði var að
taka í sína vörslu gamla, rifna og
skáldaða biblíu úr Stóra-Núpskirkju,
gera við, koma í band og skinn og
gefa aftur.
Og megi allar góðar vættir geyma
hann.
Hreggviður Stefánsson.
Fyrsti maður verðandi bekkjar-
systkina minna í Menntaskólanum á
Akureyri var Þorvaldur Ágústsson
frá Ásum í Gnúpveijahreppi. Höfð-
um við komið til Ákureyrar, með
fárra daga millibili, í bytjun apríi
1939, tveir sjóveikir sveitamenn „að
sunnan“. Höfðum við fengið hús-
næði, án vitundar hvor annars, hjá
miklu ágætisfólki í Glerárgötu 3.
Af því fólki mun þekktastur Bragi
Sigurjónsson, síðar alþingismaður
og ráðherra.
Valdi hafði komið fáum dögum á
undan mér og var mættur í íbúð
okkar, tveim samliggjandi herbergj-
um. Af því lítillæti og eðliskurteisi,
sem hann hafði reyndar þá þegar
fægt, svo að eftir var tekið alla hans
lífstíð, hafði hann valið minna her-
bergið en látið það stærra eftir sín-
um ókunna sambýlismanni.
Er skemmst frá því að segja að
síðan höfum við verið vinir og stóð
hann í fremstu röð þeirra alla tíð.
Þessar línur eiga ekki að vera
æviágrip - þaðan af síður ævisaga
- frænda míns, en svo ávörpuðum
við gjarnan hvor annan, þó að tölu-
vert langt væri í skyldleikann, held-
ur baugabrot, sem sjálfsagt verða
frekar um mig en hann. Er ekki að
orðlengja það að við settumst svo
næsta haust í 3. bekk - hlið við
hlið - og síðan bekkjargönguna í
máladeild til útskriftar vorið 1943.
Er Þorvaldur sá 15., af þeim 38
manna systkinahópi, sem kveður.
Þorvaldur var allra manna traustast-
ur og skemmtilegastur; fróður og
minnugur og hafði slíkt jafnvægi í
skapi að fátítt mun vera. Var slíks
og þörf hin síðari veikindaár hans.
En engum, sem þekkti hann vel, kom
til hugar, að hann væri skaplaus;
því fór víðs fjarri og ekki þótti vel
ráðið nema hann væri til kallaður,
hvort sem var um alvöru- eða gleði-
mál að ræða.
Snemma mun hafa komið í ljós
áhugi Valda á tónlist og fylgdi hann
honum alla tíð. Hafði hann óvenju
fagra bassarödd og lék vel á harmon-
ium og píanó. Söng hann í mörg ár
með kórum og í öðrum sönghópum
en best mun hann e.t.v. hafa notið
sín með Karlakór Reykjavíkur, en
með þeim fór hann margar söngferð-
ir innanlands og utan og var í þeim
hópi manna vinsælastur, að því er
mér er tjáð.
En mér er minnisstæðast er hann
lék verk Mozart á kirkjuorgelið í
Laugarneskirkju við brúðkaup okkar
Erlu og gerði með öðru þann dag
ógleymanlegan.
Langt var á milli okkar um tutt-
ugu og fimm ára skeið og hittumst
við sjaldan, en er ég kom heim 1974
og flutti í næsta nágrenni við hann
voru vináttuböndin óslitin og höfum
við síðan haft svo til vikulegt sam-
band; stundum oftar; stundun ögn
sjaldnar en ávallt okkur hjónum til
óblandinnar ánægju. Er nú sem oft-
ar að maður vorkennir mest sjálfum
sér við fráfall góðs vinar.
Með konu sinni, Elínu Dungal
(þau skildu), eignaðist Þorvaldur tvö
börn, Steinunni og Jón, sem eru
bæði vel gefin, vel menntuð og vel
gift. Þeim sendum við Erla sendum
samúðarkveðjur. Frændi minn átti
von góðrar heimkomu í ný heim-
kynni en hann var trúaður og taldi
sig hafa vissu um betra líf eftir þetta.
Megi það rætast og jarðneskar leifar
hvíla í friði.
Óttar Þorgilsson.
Þegar ég íhugaði kaup á íbúð að
Laugateigi 22 var mér tjáð að í kjall-
aranum byggi maður að nafni Þor-
valdur Ágústsson, eftirlaunaþegi,
fyrrum starfsmaður hins opinbera.
Prýðiskarl. Annað var það ekki.
Þegar ég gekk fyrir dyrum Þor-
valds í fyrsta sinn sagði næmi vest-
firska nefsins til sín, ilm soðningar
af signum fiski bar fyrir vit. Ómeð-
vitað færði þetta mér vissu um að
kynni mín og kjallarabúans yrðu á
góðum nótum.
Fyrst í stað voru samskipti okkar
Þorvalds ekki meiri en gengur og
gerist milli fólks sem á það sameig-
inlegt að búa í sama húsi. Eftir stofn-
un hússjóðs og ég hafði tekið að
mér umsjónarhlutverk, urðu heim-
sóknir mínar til hans tíðari og nokk-
uð tímafrekari eftir því sem á leið.
Ekki vegna þess að embættisverkin
væru svo umfangsmikil heldur kom
það til af hinu, að báðir fundum við
fyrir þörf til að spjalla saman. í
spjalli okkar fórum við um víðan
völl. Okkur skorti aldrei umræðu-
efni.
Ég fann fljótt að Þorvaldur var
maður einarður í skoðunum, sem
hann lá ekki á þegar svo bar við.
Góðvild hans í garð samferðamanna
duldist engum. Þorvaldur hafði frá
mörgu að segja og miklu að miðla.
Hann unni góðri tónlist, var söng-
maður góður og söng mikið á sínum
yngri árum, hafði yndi af bókum og
var góður bókbindari. Mér er minnis-
stætt hvernig hann handlék bók
bundna í hlýraroð, sem ég léði hon-
um til skoðunar, hvernig hann velti
henni fyrir sér og gaumgæfði hand-
bragðið.
Þegar mér voru færð tíðindin um
andlát Þorvalds flaug fyrir í huga
mínum síðasta rabb okkar, í desem-
ber, þegar ég leit til hans þar sem
hann dvaldi á Vífilsstöðum. Kynni
okkar Þorvalds af Herði heitnum
Þórhallssyni bar þá á góma. Hörður
var hollvinur fjölskyldu Þorvalds.
Sjálfur kynntist ég Herði er við vor-
um samtíma á Vífilsstöðum 1959.
Eftir Hörð liggur ljóðabókin Söngvar
frá Sælundi.
Átta ár og hálfu betur eru runnin
úr stundaglasinu síðan leiðir okkar
Þorvalds Ágústssonar lágu fyrst
saman. Þau ár hafa liðið fljótt. Við
fráfall hans stendur eftir minning
góðra kynna, sem ég hefði ekki vilj-
að fara á mis við. Kannski verður
þessi hluti lífshlaups míns líkt og
„Minning eins dags“, en svo nefndi
Hörður heitinn eitt ljóða sinna, hvert
upphaf síðasta erindis er: Sú mynd
er síðan/í sálu mér/sem bergmál
eilífs brags.
Við sem deildum húsi með Þor-
valdi Ágústssyni söknum vinar í
stað. Niðjum hans og öðru vensla-
fólki er vottuð samúð.
Sigurður J. Jóhannsson.
• Fleiri minningargreinar um
Þorvald Ágústsson bíða birtingar
ogmunu birtast í blaðinu næstu
daga.
t
Móðir, amma og langamma,
SIGRÚN SIGMUNDSDÓTTIR
fró Húsavík,
Vesturgötu 7,
Reykjavfk,
er látin.
Jarðarförin hefur farið fram frá Húsavík.
Jónas Jónasson,
Magnea Jónasdóttir, Sigrún Jónasdóttir,
og barnabarnabörn.
t
Elskuleg eiginkona mín, móðir okkar,
tengdamóðir og amma,
ODDNÝ S. SIGURÐARDÓTTIR,
Austurgerði 12,
Reykjavík,
sem lést þriðjudaginn 7. janúar, verður
jarðsungin frá Bústaðakirkju fimmtu-
daginn 16. janúar kl. 13.30.
Jón I. Júlíusson,
Július Þór Jónsson, Agnes Viggósdóttir,
Sigrún A. Jónsdóttir, Gunnar Þór Guðmannsson,
Rut Jónsdóttir, Árni M. Heiðberg,
Einar Örn Jónsson, Guðný Magnúsdóttir,
Jón Þorsteinn Jónsson, Sigrún Karlsdóttir
og barnabörn.
t
Innilegar þakkir til allra, sem sýndu
okkur samúð og hlýhug við andlát og
útför bróður okkar og mágs,
HELGA ÞORGEIRSSONAR,
Blönduhlíð 11.
Sérstakar þakkir sendum við starfsfólki
öldrunarlœkningadeildar í Hátúni 10b.
Eirfkur Þorgeirsson, Kristín Eyjólfsdóttir,
Lilja Þorgeirsdóttir, Björn Kristófersson,
Svanlaug Þorgeirsdóttir, Sigurþór Magnússon.
t
Hjartans þakkir fyrir aðstoð, hlýhug og
samúð við andlát og útför eiginmanns
míns,
KRISTINS KRISTINSSONAR,
Brekkuhúsi,
Vestmannaeyjum.
Útförin hefur farið fram í kyrrþey að ósk
hins iátna.
Fyrir hönd barna, barnabarna og ann-
arra vandamanna,
Jóhanna Kolbrún Jensdóttir.
t
Hjartans þakklæti til allra, sem sýndu
okkur samúð og hlýhug við andlát og
útför móður minnar, tengdamóður,
ömmu og langömmu,
RUTAR GUÐMUNDSDÓTTUR
frá Helgavatni.
Sigurður R. Halldórsson, Kristfn Sigurbjarnardóttir,
Sigrfður Auðunsdóttir,
barnabörn og langömmubörn.
t
Innilegar þakkir fyrir auðsýnda samúð
og hlýhug við andlát og útför eiginkonu
minnar, móður okkar, tengdamóður,
ömmu og langömmu,
JÓNU INGVELDAR JÓNSDÓTTUR
frá Hárlaugsstöðum,
síðast til heimilis
f Lönguhlfð 3, Reykjavfk,
(áður Fellsmúla 16).
Sérstakar þakkirtil lækna og starfsfólks
á hjartadeild Landspftalans.
Guðmundur Guðjónsson,
Sigurður Sverrir Guðmundsson, Valgerður Jóhannesdóttir,
Gylfi Guðmundsson, Svanhildur Sigurðardóttir,
barnabörn og barnabarnabörn.
t
Kærar þakkir fyrir samúð og hlýhug við útför eiginmanns míns,
föður okkar og afa,
HALLS GUÐMUNDSSONAR
fyrrv. matsveins,
Kirkjustfg 4,
Eskifirði.
Sérstakar þakkir fyrir hjálp.
Þóra Ólöf Guðnadóttir,
Einar Hallsson,
Guðmundur Unnþór Hallsson
og afabörn.
t
Innilegar þakkir fyrir auðsýnda samúð
og vináttu við andlát og útför föður
okkar, tengdaföður, afa og langafa,
SVEINS A. SÆMUNDSSONAR
blikksmíðameistara,
Vogatungu 87.
Alda Sveinsdóttir, Jón Ingi Ragnarsson,
Ólfna M. Sveinsdóttir, Trausti Finnbogason,
barnabörn og barnabarnabörn.
t
Innilegar þakkir til allra, sem sýndu
okkur samúð og hlýhug við andlát og
útför elskulegrar móður minnar,
tengdamóður, ömmu, langömmu og
systur,
[SAFOLDAR TEITSDÓTTUR
hjúkrunarkonu.
Sérstakar þakkir til starfsfólks sjúkra-
deildar 3-B, Landakoti, fyrir alúðlega
ummönnun.
Óttarr Arnar Halldórsson,
Ingrid Elsa Halldórsson,
íris Kristína Óttarsdóttir,
Esther Angelica Óttarsdóttir,
Alexandra Ingrid Hafliðadóttir,
Jóhanna Marfa Teitsdóttir.