Morgunblaðið - 07.09.1999, Blaðsíða 34

34 ÞRIÐJUDAGUR 7. SEPTEMBER 1999
MORGUNBLAÐIÐ
fMtogitiiHjiftife
STOFNAÐ 1913
ÚTGEFANDI
FRAMKVÆMDASTJÓRI
RITSTJÓRAR
Árvakur hf., Reykjavík.
Hallgrímur B. Geirsson.
Matthías Johannessen,
Styrmir Gunnarsson.
FJARNAM
FJARNAM með aðstoð tölva og nýrrar fjarskiptatækni
er vafalítið ein mesta bylting sem orðið hefur í mennta-
málum í seinni tíð. Fjarnám hefur vissulega verið stundað
lengi með ýmsum hætti, einkum með bréfum, en ljóst má
vera að ný tölvu- og fjarskiptatækni hefur opnað þessari
tegund náms aðra vídd. Hægt er að vera í beinu sambandi
við kennarann þó að hann sé staddur í öðru landi. Notast má
við sjónvarpstækni til að koma fyrirlestrum á framfæri eða
dreifa þeim á Netinu með afar skjótvirkum hætti. Bæði upp-
lýsingamiðlun og samskipti verða með öðrum orðum einfald-
ari og hraðvirkari en áður og gera fjarnám að raunhæfum
valkosti við hliðina á hefðbundnu námi. Hin nýja tækni gerir
það til að mynda að verkum að hægt er að ljúka fjarnámi á
jafn löngum tíma og sambærilegu hefðbundnu námi.
Megingallinn við fjarnámið er að nemandinn fer óhjá-
kvæmilega á mis við þann hluta námsins sem felst í tíma-
sókn og daglegri umgengni við aðra nemendur og kennara.
Samskiptin verða þannig óneitanlega ekki jafn náin og í
hefðbundnu námi, nemandinn stendur meira einn og það
reynir á sjálfsagann. Kostirnir eru hins vegar ótvíræðir. í
flestum tilfellum er fjarnám ódýrara en hefðbundið nám.
Það gefur einnig ýmsum sem ekki ættu kost á námi, nema
með miklum tilkostnaði og tilfæringum, tækifæri til að
mennta sig. Fjarlægð frá menntastofnunum er nú til dæmis
ekki hindrun í vegi þeirra sem vilja leita sér menntunar.
í gi’ein hér í blaðinu sl. sunnudag kom fram að boðið er
upp á mikla möguleika nú þegar í fjarnámi, bæði hérlendis
og erlendis. Það má þó ljóst vera að þetta nýja menntunar-
form ætti að geta orðið enn mikilvægari þáttur í mennta-
kerfi þjóðarinnar, ekki síst með tilliti til hinna dreifðu
byggða landsins. Ein af meginástæðum fólksflutnings af
landsbyggðinni er ásókn ungs fólks í menntastofnanir á höf-
uðborgarsvæðinu og öðrum þéttbýlisstöðum. Með mark-
vissri nýtingu þeirra möguleika sem fjarnám býður upp á
mætti vafalítið draga úr fólksflóttanum af landsbyggðinni.
EVRÓPUMET í VERÐI?
TÍMARITIÐ Time gerði nýlega könnun á verði á
nokkrum algengum neysluvörum í því skyni að draga
fram þann mikla mun sem enn er á vöruverði í ríkjum Vest-
ur-Evrópu. Þessi verðmunur mun að mati sérfræðinga
minnka verulega á næstu árum og jafnvel hverfa að mestu
þegar evran, hinn sameiginlegi gjaldmiðill Evrópusam-
bandsríkjanna, verður tekin í almenna notkun í byrjun
næstu aldar.
Nú þegar geta neytendur í Vestur-Evrópu borið saman
verð á vöru og þjónustu á milli ríkja með tiltölulega auðveld-
um hætti. Flestur varningur er verðmerktur í evrum sam-
hliða merkingu í gjaldmiðli viðkomandi ríkis. Þegar evran
verður að almennum gjaldmiðli er erfitt að sjá hvernig hægt
verður að halda uppi verðmun milli ríkja á evrusvæðinu á al-
mennum neysluvarningi. Það verður ekki liðið frekar en ef
bandarísk fyrirtæki myndu reyna að krefja neytendur á
vesturströndinni um fleiri dollara fyrir sömu vöru en neyt-
endur á austurströndinni.
Það er athyglisvert að tímaritið telur að ástæður verð-
munar milli Evrópuríkja megi ekki fyrst og fremst rekja til
mismunandi kostnaðar, vegna t.d. leigu á verslunarhúsnæði
eða launa, heldur þess að sett sé upp mismunandi verð eftir
löndum. Reynt sé að halda verði eins háu og viðkomandi
markaðssvæði þolir.
í Morgunblaðinu á laugardag voru niðurstöður verðkönn-
unar Time birtar og þær bornar saman við verðlagningu á
viðkomandi vörum hér á landi. í nær öllum tilvikum var
verðið hærra á íslandi en það var hæst í verðkönnun tíma-
ritsins. Til dæmis var verð á vinsælum gosdrykk 156%
hærra en það var ódýrast og 30% hærra en það var dýrast í
Evrópu. Ymsar skýringar koma fram í samtölum við ís-
lenska birgja á þessum mikla verðmun. Því er haldið fram
að verðlag sé sambærilegt við verðlag á Norðurlöndum, að
flutningsgjöld, smæð markaðarins og opinberar álögur haldi
uppi verði.
Neytendur sætta sig hins vegar ekki við þessar skýringar
lengur. Það er nokkuð ljóst að hér líkt og í Evrópu er það
mat framleiðenda og innflytjenda á því hvað markaðurinn
þolir sem ræður ferðinni við verðlagningu. Virðist það vera
mat þeirra að íslendingar séu reiðubúnir að greiða hærra
verð en flestar aðrar þjóðir, að hægt sé að setja upp nánast
hvaða verð sem er án þess að neytendur fælist í burtu. Ann-
ars staðar í Evrópu eru neytendur að segja þessum sjónar-
miðum stríð á hendur. Hér á landi hefur hins vegar lítið far-
ið fyrir umræðum um þetta hvimleiða Evrópumet í dýrtíð og
hvort ekki sé komin ástæða til að eftirláta öðrum efsta sætið
í verðkönnur.um.

Carl Emil Bardenfleth, stiftamtmaður á íslandi, kon-
ungsfulltrúi á Alþingi 1845 og 1847, síðar og dóms-
málaráðherra.
Morgunblaðið/Jim Smart
Jörgen Bardenfleth, forstjóri tölvufyrirtækisins HP
í Danmörku.
Afkomandi stiftamt-
mannsins rennir
fyrir lax á Islandi
Carl Emil Bardenfleth var stiftamtmaður á
Islandi á fyrri hluta síðustu aldar. Hann sat
á Alþingi eftir endurreisn þess 1845 sem
fulltrúi konungs, átti í ritdeilu við Jón Sig-
urðsson, en beitti sér fyrir málstað Islend-
inga í skóla- og menningarmálum. Afkom-
andi hans, Jörgen Bardenfleth, er forstjóri
---------------------------------------7--
tölvufyrirtækis, og skreppur reglulega til Is-
lands til að ræða viðskiptamál og renna fyrir
lax. Helgi Þorsteinsson ber saman samskipti
á seglskipa- og tölvuöld.
TTIN Bardenfleth er
upprunin í Bremen í
Þýskalandi, en á síð-
ustu öld voru margir
ættmennanna gengnir í þjónustu
danska konungsins og fóru erinda
hans til ýmissa hluta konungsríkis-
ins og víðar. Einn þeirra, Johan
Frederik Bardenfleth, sigldi með
leiðangri sem átti að taka land á
Austur-Grænlandi, fór í sendiför til
Marokkó og í fimm ár var hann land-
stjóri í Dönsku Vestur-Indíuum.
Sonur hans, Carl Emil Barden-
fleth, sem fæddist 1807, gekk einnig
í þjónustu konungs. Á unga aldri
vingaðist hann við Friðrik krón-
prins, sem síðar varð Friðrik VII
Danakonungur, en menntun prinsins
var í nokkur ár falin Johan Barden-
fleth, föður Carl Emils.
Carl Emil tók lögfræðipróf árið
1827 og var eftir það um skeið hirð-
maður prinsins, en frá og með 1832
gegndi hann embættum í ýmsum
hlutum ríkisins. Fimm árum síðar
var hann skipaður stiftamtmaður í
hjálendu Danaveldis, íslandi.
Samskipti dagsins í dag
á jafnræðisgrundvelli
Jörgen Bardenfleth, forstjóri
tölvufyrirtækisins Hewlett-Packard
í Danmörku, afkomandi Carls Emils
Bardenfleth í beinan karllegg, segist
ekki hafa verið sérstaklega fróður
um þennan forföður sinn, en eftir að
Frosti Bergsson, forstjóri Opinna
kerfa, benti honum á að Bardenfleth
gamli hefði verið merkur maður og
haft sterk tengsl við ísland, tók
hann til við að kanna málið. Móðir
hans reyndist nokkru fróðari, og
tókst að auki að klóra sig fram úr
gotnesku letrinu í ævisögu Barden-
fleths, sem gefin var út 1890, og
sagði syni sínum frá helstu atriðum
hennar.
Jörgen kemur reglulega til ís-
lands til að treysta samstarfið við
Opin kerfi, sem er umboðsaðili HP á
íslandi. Markaðssvæðið ísland er þó
undir umsjón HP í Danmörku sam-
kvæmt skipulagi Evrópudeildar HP,
sem hefur höfuðstöðvar í Sviss.
Jörgen leggur þó áherslu á að sam-
skipti hans við ísland séu með öðr-
um hætti heldur en tíðkaðist hjá ný-
lenduherrum 19. aldar. „í viðræðum
okkar ríkir gagnkvæm virðing, við
rekum okkar fyrirtæki og Opin kerfi
er sjálfstætt fyrirtæki með eigin
hagsmuni," segir Jörgen. „Við reyn-
um að búa til samstarf sem báðir
hafa ávinning af.“
HP stofnaði dótturfyrirtæki á ís-
landi árið 1985, en árið 1991 var
ákveðið að selja það, og í framhaldi
af því varð til fyrirtækið Opin kerfi.
„Kaupendurnir voru meðal annars
starfsmenn útibúsins, og lykilmenn í
fyrirtækinu eru mikið til þeir sömu
og voru hjá HP á íslandi," segir
Frosti. Nokkrar áhyggjur voru með-
al yfirmanna HP í Evrópu yfir því
hvernig þetta fyrirkomulag myndi
reynast, en að sögn Jörgens hefur
allt gengið að óskum.
Sjóferðin til íslands
engin lystisigling
Að halda uppi samskiptum milli ís-
lands og Danmerkur er ólíkt auðveld-
ara nú heldur en á tímum Carls
Emils Bardenfleths. Árið 1837 sigldi
hann yfir Atlantshafið tíl að taka við
stöðu sinni. „Það er engin lystísigling
að fara í apríl á litlu kaupfari frá
Kaupmannahöfn til íslands með konu
og böm,“ skrifaði hann síðar í
æviminningum sínum. Þegar skipið
var komið framhjá Helsingjaeyri
urðu tvær þjónustustúlkur, sem kona
hans hafði tekið með sér, svo sjóveik-
ar að þær gátu ekki sinnt börnunum.
Bardenfleth segir að í 4-5 daga hafi
ástandið verið þannig að hann varð
að sinna bömunum sjálfur, því eng-
inn annar var á fótum.
Það var ekki aðeins seinlegt og
erfitt að flytja fólk yfir hafíð, fréttir
bámst með sama hætti. í apríl 1840
bárust Bardenfleth þau tíðindi með
fyrsta vorskipinu að Friðrik 6.
Danakonungur hefði látist í desem-
ber, eða fjómm mánuðum fyrr, og að
hann væri kallaður heim til að stýra
hirð Friðriks krónprins, æskufélaga
síns.
í dag eru starfsmenn HP í Dan-
mörku og Opinna kerfa í daglegu
tölvupóstsambandi, og Jörgen Bar-
denfleth fer reglulega til viðræðna á
Islandi með flugi, og notar stundum
tækifærið til að fara í veiði. Jörgen
dáist eins og forfaðirinn, að íslensku
náttúmnni. Carl Emil Bardenfleth,
sagði að vísu að næsta nágrenni
Reykjavíkur byði ekki upp á annað
en mýrar og grjót, en þegar lengra
væri komið frá höfuðstaðnum, til
MORGUNBLAÐIÐ
ÞRIÐJUDAGUR 7. SEPTEMBER 1999 35
dæmis til Þingvalla og að Geysi,
kæmi í ljós stórbrotið umhverfi.
íhaldssamur og andstæðingur
Jóns Sigurðssonar
Carl Emil lét vel af dvölinni á ís-
landi, og hann virðist þafa fundið sig
vel í embætti sínu. I tíð hans var
komið á fót svonefndri embættis-
mannanefnd, sem var eins konar for-
veri Alþingis, og leiddi Bardenfleth
hana.
Bardenfleth átti einnig eftir að
hafa áhrif á málefni Islands eftir lok
embættistíðar sinnar. Hann gegndi
ýmsum trúnaðarstörfum á ferli sín-
um, meðal annars var hann dóms-
málaráðherra um skeið. Á fyrstu
tveimur þingum endureists Alþingis,
1845 og 1847, var hann fulltrúi kon-
ungs.
Einar Hreinsson sagnfræðingur,
sem vinnur að doktorsritgerð um
embættismenn konungs á Islandi,
segir að Bardenfleth virðist hafa
verið raunsærri stjórnmálamaður en
margir samtíðarmanna hans, og
stefnumótun hans varðandi ísland
hafi mótast af skynsemishyggju, en
jafnframt tilraunum til að halda kon-
ungsdæminu saman á sundrungar-
tímum.
Bardenfleth var íhaldsmaður á
tímabili þegai’ frjálslyndi var í sókn,
og telur Einar að það kunni að skýra
af hverju honum hafi ekki verið
meira hampað en raun ber vitni í
Danmörku, þrátt fyrir það mikil-
væga hlutverk sem hann gegndi um
miðja öldina.
Bardenfleth var lítt hrifínn af
þjóðhetju íslendinga, Jóni Sigurðs-
syni, og átti meðal annars í stuttri
ritdeilu við hann. Bardenfleth taldi
Jón ganga of langt í baráttu sinni
fyrir auknu sjálfstæði, enda taldi
hann íslendinga ekki færa um að
standa á eigin fótum. Hann beitti sér
hins vegar fyrir stofnun íslensku
stjórnardeOdarinnar í Kaupmanna-
höfn, og í skóla- og menningarmál-
um reyndi hann oftast að tala máli
íslendinga.
Ottuðust að
ættarnafnið hyrfí
Bardenfleth-fjölskyldan var aldrei
stór, og segir Jörgen að á tímabili
hafi verið óttast að ættarnafnið
hyrfi, enda fylgdi það að sjálfsögðu
aðeins karlkyns meðlimum fjölskyld-
unnar. Sonur Carl Emils, Vilhelm,
átti fimm börn, þrjá syni og tvær
dætur. Aðeins einn sonanna átti
börn, en það var föðurafi Jörgens.
Nú eru fjölskyldumeðlimirnir um 25
talsins. Jörgen á einn son og frænd-
ur hans eiga samtals þrjá syni.
Frá lokum 17. aldar og fram í
byrjun hinnar 19. leituðu flestir karl-
menn Bardenfleth-ættarinnar
frægðar í herþjónustu fyrir Dana-
konung, en á 19. öld og á fyrri hluta
hinnar tuttugustu sóttust margir
eftir frama sem embættismenn. Son-
ur Carls Emils, Vilhelm Barden-
fleth, varð stiftamtmaður í Árósum
og nágrenni og amtmaður í Vejle.
Hann náði reyndar einnig frama í
stjórnmálum eins og faðirinn, var
kirkju- og menntamálaráðherra og
síðar innanríkisráðherra. Sonur
hans, Gunnar Bardenfleth, gegndi
ýmsum embættisstörfum og var loks
konungsritari.
Nú er ættin Bardenfleth gengin
úr þjónustu ríkis og konungs og
þjónar í stað þess alþjóðlegum stór-
fyrirtækjum. Margir forfeður Jörg-
ens lærðu lögfræði til að búa sig
undir embættísmannsferil, en
Jörgen fór til Kaliforníu og lærði
viðskiptafræði. Aðalsættin gamla frá
Bremen lagar sig stöðugt að nýjum
aðstæðum. í sumar hefðir er þó enn-
þá haldið.
„í eigu ættarinnar eru nokkur
málverk frá átjándu öld, sem Johan
Frederik Bardenfleth, sem var land-
stjóri á Dönsku Vestur-Indíum, átti.
Þau erfast alltaf til elsta sonarins af
hverri kynslóð. Konurnar í fjölskyld-
unni draga nú í efa réttmæti þess,
enda er systir mín sú elsta af minni
kynslóð í ættinni.“ Jörgen gefur þó
ekki upp afstöðu sína til þessarar
jafnréttisbaráttu, ypptir aðeins öxl-
um eins og til að gefa til kynna að
hann geti lítið gert til að breyta alda-
,gömlum ættarhefðum.
S
Nýr framkvæmdastjóri Evrópuráðsins í Islandsheimsókn
Evrópuráðið helgar sig meðal annars borgaralegu uppbyggingarstarfi í Kosovo. Frá bænum Pec.
Reuters
Formennska Islands í ráð-
inu hefiir verið árangursrík
WALTER Schwimmer er
lögfræðingur og á lang-
an feril að baki sem
þingmaður Austurríska
lýðflokksins ÖVP, sem er kristilegur
demókrataflokkur. Á fundi ráðherra-
nefndar Evrópuráðsins hinn 23. júní
sl. var hann kjörinn til að taka við
embætti framkvæmdastjóra stofnun-
arinnar af Svíanum Daniel Tarschys.
Hann tók við embættinu í byrjun
mánaðarins, og er því heimsókn hans
til Islands - sem í maí sl. tók við for-
mennsku í ráðinu og gegnir henni
fram í nóvember - eitt fyrsta emb-
ættisverk hans.
Auk þess að ræða við Davíð Odds-
son forsætisráðherra, Halldór Ás-
grímsson utanríkisráðherra og fleiri
íslenzka ráðamenn sat Schwimmer í
gær fund stjómmálanefndar þing-
mannasamkomu Evrópuráðsins, sem
fram fór í Reykjavík, en hann sóttu
hátt í 100 fulltrúar frá hinu 41 aðild-
arríki stofnunarinnar.
Schwimmer var fyrst spurður
hvort hann teldi þau atriði sem ísland
hefði lagt áherzlu á í formennskutíð
sinni samræmast því sem hann vildi
sjálfur sjá Evrópuráðið leggja
áherzlu á í starfi sínu.
„Eg tel mikinn samhljóm vera með
hugmyndum mínum og formennsku-
dagskrá íslands. Þau mál sem ísland
hefur lagt áherzlu á eru í fullkomnu
samræmi við mínar óskir um for-
Austurríkismaðurinn Walter Schwímmer,
sem tók við stöðu framkvæmdastjóra Evr-
ópuráðsins í síðustu viku, segir í samtali við
Auðun Arnórsson mikinn samhljóm vera í
því sem hann vill að ráðið leggi áherzlu á í
_p
starfí sínu og því sem Island hefur lagt
áherzlu á sem formennskuríki ráðherra-
nefndar stofnunarinnar.
Morgunblaðið/Golli
Walter Schwimmer
segir
gangsröð verkefna,“
Schwimmer.
í forgrunni íslenzku for-
mennskudagskrárinnar
stendur að hans sögn hlut-
verk Evrópuráðsins í stöð-
ugleikasáttmála Mið- og
Austur-Evrópu, hlutverk “““““
ráðsins við uppbyggingar-
starf í Kosovo, og eftirlit með því að
aðOdarríkin fylgi því eftir sem þau
hafa skuldbundið sig tO með aðild-
inni.
Miklu verið komið í verk
„í formennskutíð íslands hefur
mjög miklu verið komið í verk,“ segir
Schwimmer, og nefnir í því sambandi
að Halldór Ásgrímsson tók fyrir hönd
Evrópuráðsins þátt í leiðtogafundin-
um í Sarajevo, þar sem samið var um
víðtækan stöðugleikasáttmála fyrir
Balkanskaga; skrifstofa Evrópuráðs-
ins í Pristina [héraðshöfuðborg
Evrópuráðið
„hjálpar lýð-
ræðinu á fæt-
ur“í Kosovo
Kosovo] var opnuð í for-
mennskutíð íslands, en
þar hefur stofnunin
fyrst og fremst því hlut-
verki að gegna að hjálpa
með ráðum og dáð við
uppbyggingu lýðræðis
og borgaralegs samfé-
lags. „Það er að öllum
líkindum mikilvægasta
verkefnið auk hinnar
efnahagslegu endurupp-
byggingar, að í Kosovo
myndist eðlilegt þjóðfé-
lag, sem af eigin hvötum
sér sér hag í því að virða
leikreglur lýðræðisins,“
segir hann. Eitt það
mikilvægasta sem Evr-
ópuráðið leggi tO þessa starfs sé hjálp
__________ við uppbyggingu sveitar-
stjórna; að „hjálpa lýðræð-
inu að standa á eigin fót-
um“. LykOatriði í þessu
starfi sé að kenna íbúun-
um að virða skoðana- og
prentfrelsi.
„Þessu mikOvæga upp-
byggingarstarfi í Kosovo hefur verið
hrundið af stað í formennskutíð ís-
lands og fylgt eftir af krafti," segir
Schwimmer. Ennfremur hafi það
skýrt komið fram í formennskutíð Is-
lands að Evrópuráðið vilji með ráðum
og dáð styðja við lýðræðisþróun í Jú-
góslavíu; „að undir merkjum lýðræðis
og réttarríkis heyri Júgóslavía tO
ríkjafjölskyldu Evrópu“. Það sé hins
vegar ekki hlutverk stofnunarinnar
að steypa stjórnvöldum neins ríkis.
„Það sem að mínu mati er mikOvæg-
ast að gera með tilliti tO Júgóslavíu er
að sjá tO þess að þar skapist sem
fyrst aðstæður fyrir
raunverulegt skoðana-
og fjölmiðlafrelsi. Það er
grundvallarforsenda fyr-
ir því að lýðræði geti
virkað eins og vera ber,“
segir Schwimmer.
Sem dæmi um annað
áherzluatriði í stai-fi
Evrópuráðsins, sem
framkvæmdastjórinn og
formaður ráðherra-
nefndar stofnunarinnar
leggist á eitt um að
fylgja eftir nefnir
Schwimmer að hann og
HaOdór Ásgrímsson fari
á næstunni í heimsókn tO
Ukraínu, tO að minna
þarlenda ráðamenn á þær skuldbind-
ingar sem fylgir aðOd að ----------
Evrópuráðinu. Meðal
þessara skuldbindinga er
að samkvæmt samþykkt-
um ráðsins ber aðOdar-
ríkjum þess að afnema
dauðarefsingar. Þetta hef-
ur ekki verið gert í Ukraínu, en fyrir
þrýsting af hálfu Evrópuráðsins hef-
ur engum dauðadómi verið fullnægt
þar í landi síðustu misserin. Hið sama
segir Schwimmer aðspurður gOda um
Rússland.
Norræn samvinna til eftirbreytni
Að uppbyggingar- og hjálparstarfi
í Kosovo vinna auk Evrópuráðsins
margar aðrar alþjóðastofnanir, en
þeirra helztar eru Sameinuðu þjóð-
irnar (SÞ), Evrópusambandið (ESB),
Öryggis- og samvinnustofnun Evrópu
(ÖSE) og Atlantshafsbandalagið
(NATO). Segja má að Kosovo sé viss
Lítil lönd
þjóna heildar-
hagsmunum
Evrópu vel
prófraun á það hvemig þessum stofn-
unum tekst til við að skipta verkum.
„Hver stofnun hefur sitt afmarkaða
verkefnasvið,“ segir Schwimmer um
þetta. „Það mikOvægasta í þessu
samhengi er að hver og einn geri það
sem hann kann bezt - og að þess sé
gætt að ekki séu margir að vasast í
sömu verkefnum og að sérhæfíng
komi að sem beztu gagni.“ í því skyni
að tryggja að verkaskiptingin sé skýr
og takist vel í framkvæmd hafi ís-
lenzka formennskan komið á sam-
ræmingarfundum með Norðmönnum
og Finnum, sem um þessar mundir
gegna formennsku annars vegar í
OSE og hins vegar í ESB.
„Það er að mínu matí greinOegur
kostur við íslenzku formennskuna, að í
hinum meginsamvinnustofnunum
Evrópu skuli einnig norrænar þjóðir
vera í formennskuhlutverkinu,“ segir
Schwimmer. „Norræn samvinna nýtur
viðurkenningar í allri Evrópu og þykir
tO fyrirmyndar. Takist okkur að móta
samvinnu þessara helztu Evrópu-
stofnana í anda norrænnar samvinnu
væri það ábyggOega mjög jákvætt."
Island vísar næsta
formennskuríki veginn
í nóvember tekur annað „lítið“
Evrópuland við formennsku í ráð-
herranefnd Evrópuráðsins, þ.e. Ir-
land. „Formennska Islands hefur
sýnt fyrirmyndarvinnubrögð með því
að vísa veginn fyrir næsta for-
-------- mennskuríki,“ segir
Schwimmer. Við for-
mennskuskiptin verði
hægt að halda hiklaust
áfram að framfylgja
áherzlumálum Evrópu-
“ ráðsins, og það sé tíl fyrir-
myndar. „I íslenzku formennskutíð-
inni hafa áherzlumálin verið valin án
tillits tO nokkurra tOtekinna þjóðar-
hagsmuna - heildarhagsmunir Evr-
ópu hafa ráðið ferðinni," segir hann.
„I Evrópusamvinnunni hafa lítil
lönd eitt áhugamál: Það er að í álf-
unni ríki friður og stöðugleiki og
borgaramir njóti réttínda sinna óá-
reittir. Þau hafa ekki eftir einhverj-
um sértækum þjóðarhagsmunum að
líta í formennskuhlutverkinu. Leggist
smærri lönd álfunnar á eitt getur
okkur að mínu mati tekizt að gera
Evrópu að álfu lýðfrelsis, friðai’ og
velsældar," segir Walter Schwimmer.