Morgunblaðið - 26.01.2000, Blaðsíða 11

MORGUNBLAÐIÐ
MIÐVIKUDAGUR 26. JANÚAR 2000 C 11
REYKJAVÍK - MENNINGARBORG EVRÓPU 2000
jVcl fMj LjíjW' m'’ w
JHMfc U EJrláB L? 1 1 Bf i
Hljómsveit danska ríkisútvarpsins á íslandi
SINFÓNÍUHLJÓMSVEIT danska ríkisútvarpsins leikur í fyrsta sinn á
íslandi hinn 28. febrúar í Háskólabíói og hefjast tónleikarnir klukkan 20.00
Stjórnandi hljómsveitarinnar er hinn þekkti meistari Yuri Temirkanov.
Hann er aðalstjórnandi hinnar frægu íílharmóníu St. Pétursborgar og sin-
fóníuhljómsveitar Baltimore í Bandaríkjunum. Hann hefur verið gesta-
stjórnandi Sinfóníuhljómsveitar danska ríkisútvarpsins síðan 1998.
Yuri Temirakanov hefur aldrei heimsótt ísland áður og kveðst hann
ætla að nota daginn fyrir tónleikana til að sjá sem mest af landinu, sem
hann hefur heyrt mikið látið af.
Á dagskrá tónleikanna 28. febrúar nk. er Concerto in Pieces eftir Poul
Ruders og verður verkið kynnt af sjálfu tónskáldinu. Þá er 4. sinfónía
Carls Nielsens, „Det Uudslukkelige", á dagskránni og einnig 2. sinfónía
Jean Sibelius.
Danska ríkið hefur óskað eftir að stuðla að kynningu á danskri menn-
ingu á íslandi og liður í því er að 900 börnum og unglingum verður boðið á
lokaæfingu sjálfan tónleikadaginn. Tónleikunum verður útvarpað beint á
íslandi og í Danmörku. Sinfóníuhljómsveit íslands er gestgjafi dönsku sin-
fóníuhljómsveitarinnar og mun annast miðasölu á tónleikana.
Fjöltefli í
Ráðhúsinur
SKÁKSAMBAND íslands verður
með fjöltefli og skákkennslu í Ráð-
húsi Reykjavíkur á laugardaginn
klukkan 15.30 til 17.30.
Áskell Örn Kárason, forseti
Skáksambands íslands, hefur með
fleirum skipulagt þessa uppákomu.
„Stórmeistararnir Friðrik Ólafs-
son, sem nýlega hefur verið valinn
skákmaður aldarinnar á Islandi,
og Jóhann Hjartarson, sem varð í
öðru sæti í því vali, munu tefla
fjöltefli á um það bil þrjátíu borð-
um og gildir þá að koma snemma -
fyrstir koma, fyrstir fá,“ sagði
Áskell er hann var inntur eftir
hverjir myndu tefla fjölteflið.
Þarna gefst mönnum sem sagt
tækifæri til að spreyta sig gegn
okkar þekktustu stórmeisturum.
En hvað með skákkennsluna -
hvernig fer hún fram?
„I Ráðhúskaffinu verður hægt
að setjast niður og taka létta skák
yfir kaffibolla, einnig að fá leið-
beiningar og tilsögn hjá vönum
skákkennurum. Þeir sem kenna
eru bæði kennarar og nemendur í
Skákskóla fslands'.
Norrút í Lista-
safni ASÍ
„Á SÝNINGUNNI Norrút mætast
fjórar norrænar listakonur, sem á
grunni veflistarinnar, hafa hver á
sinn hátt þróað persónulegt mynd-
mál þar sem greina má norræna
festu samtvinnaða eigindum úr
deiglu hins alþjóðlega listheims,“
segir Kristín G. Guðnadóttir, for-
stöðumaður Listasafns ASÍ, sem
stýrt hefur uppsetningu sýningar-
innar.
„Listakonurnar fjórar eiga það
sameiginlegt að finna sköpunar-
krafti sínum nýjan farveg með því
að nota óhefðbundin efni og vinna
úr þeim á eigin forsendum. Þær
leitast við að finna verkum sínum
formgerð þrívíddar, virkja rými og
tíma, en hafa samtímis sterka til-
finningu fyrir efniskennd, áferð og
yfírborði. Skírskotun til ólíkra
þátta hinnar norrænu náttúru er
auðsær í verkum þeirra ýmist í efni
verkanna, formi eða inntaki
þeirra.“
Um verk Inger Johanne Brauta-
set segir Kristín: „Efniskennd er
ríkur þáttur í pappírsverkum henn-
ar. Hún býr til pappírinn, mótar
hann, litar og vinnur úr honum tví-
víð eða þrívíð verk, þar sem mynd-
flöturinn einkennist af lifandi sam-
spili ljóss og efnis. Á hafbláan eða
túrkisgrænan myndflötinn rissar
hún línuteikningu, oft með vísan í
form eða fyrirbæri náttúrunnar,
bylgjur hafsins, steingervinga eða
snigilhús. Verk hennar eru oft sam-
sett úr fjölda jafnstórra eininga
sem hver um sig hefur sjálfstæða
tilvist, en saman mynda þær sterkt
heilstætt form.
Þráðarskúlptúrar Guðrúnar
Gunnarsdóttur taka ýmist á sig
mynd grafískrar teikningar eða líf-
rænnar formgerðar þannig að úr
verður þrívíð teikning. Verkin eru
fínlegt víravirki, en endurspegla
ríka tilfinningu fyrir efni og áferð.
Rýmið milli þráðanna, það sem ekki
er sýnilegt, er ekki síður mikilvægt
en hið sýnilega efni. Skúlptúrana
má skoða sem þrívíð náttúruljóð
sem þó hafa breiða skírskotun, því
þau virðast samtímis eiga rætur í
hinni villtu náttúru íslands og end-
urspegla ástand sem minnir á aust-
urlenska hugarkyrrð.
I þrívíddarverkum sínum tvinnar
Agneta Hobin saman náttúrulegum
og manngerðum efnum í sterka
formræna heild. Með því að byggja
Inger Johanne Brautaset. Spirall 2000.
Guðrún Gunnarsdóttir. Náttúruteikning
IV1999. 250xl66xl0sm. Vfr.
verk sín upp með flög-
um af steintegundinni
muskovit/ljósu glimmer
og vírneti, skapar hún
lifandi og kvikt yfir-
borð með heillandi ljós-
virkni. Þessi verk eiga
rætur sínar í hinu nor-
ræna vetrarríki og laða
fram endurminningar
um ljósbrot í vetrarís
og snæbreiður í kaldri
birtu vetrarins.
Verk Ullu-Maiju
Vikman hafa verið köll-
uð málverk úr þráðum.
Á óefniskenndu yfir-
borði fínlegra viskósa-
þráða flæða litatónar
hennar í abstrakt
mynstri djúpra lita.
Verk Ullu-Maiju eru
eins konar þrívíddar-
málverk. Þau bærast
við minnstu hreyfingu,
fljóta niður veggina
eins og straumhörð á, í
djúpum litatónum,
sterkum og heitum eða
Ijósum og köldum.“
Olöf Ingólfsdóttir. Vatnamey á tjörninni.
Osnertanleg og
yfirnáttúruleg
Vatnameyjan Kela-2000
birtist á yfirborði Laugar-
dalslaugar á opnunar-
daginn kl.12-12.30.
VATNAMEYJAN Kela-2000 er
hugverk finnska danshöfundarins
Rejio Kela, sem þekktur er fyrir um-
hverfistengd verk sín. Hann hannaði
verkið fyrir menningarborgir Norð-
urlanda árið 2000, Helsinld, Bergen
og Reykjavík. Allar borgirnar þijár
hafa vatn innan sinna borgarmarka.
Á þessum vötnum birtist vatnameyj-
an af og til yfir sumartímann, oftar
en ekki öllum að óvörum. Hvítklædd
og ósnertanleg svífur hún á yfirborði
vatnsins. Þegar hún birtist í sínum
ókunna einfaldleika breytir hún
hversdagslegu umhverfinu. Vatnið
er hennar heimur. Þar sem hún svíf-
ur um á mörkum hins mögulega,
upphefur hún raunveruleikann og
gefur áhorfendum nýja sýn á al-
þekkt umhverfi.
Flytjandi verksins í Reykjavík er
Ólöf Ingólfsdóttir dansari. Sýningar '
dreifast á tímabilið maí-september.
Vatnameyjan mun m.a. birtast á
Tjörninni í Iteykjavík, á Rauðavatni
og á sundlauginni í Laugardal. Ein
sýning verður samsýning þar sem
verkið er flutt samtímis í Reykjavík,
Helsinki og Bergen. Einnig munu
dansarar frá Helsinki og Bergen
taka þátt í sýningu í Reykjavík í lok
júní. Verkið er unnið í samvinnu við
Norræna húsið í Reykjavík.
Reijo Kela er þekktur beggja
vegna Atlantshafsins fyrir umhverf-
istengd verk sín, bæði úti í náttúr- .
unni og í borgarumhverfi. Meðal '
þekktustu verka hans er Cityman
(borgarbúinn) þar sem hann dvaldi
eina viku í útstillingarglugga. Kela
hefur sýnt víða og kom með sýningu
til íslands 1986. I nóvember verður
sýning á verkum hans í boði Nor-
ræna hússins.