Ný sumargjöf - 01.01.1865, Blaðsíða 82
82
en optast er svo lítið af því, að ekki svarar koslnaði að
safna þvi. I mörguin héröðuni þar sem áður var nægð af
gulli, eru námarnirnú orðnir gjörtæmdir, svo kappsamlega
hafa menn eptir því leitað.
það mundi nú verða of langt mál, að minnast á alla
staði, þarsem gulls er aflað til minni muna, og því hyggjum
vér lesendunum muni bezt koma, að vér hverfum þegar
til Kalíforníu og Australíu, beggja þeirra landa sem eru
svo fádæmis auðug að gulli, að þau á hinum síðustu t'unum
hafa haft og hafa ennþá mikil áhrif á sögu mannkynsins.
Já, dagurinn, þegar gullið fannst í Kalíforníu, er
merkisdagur, ekki aðeins í árbókum landsins sjálfs, heldur
einnig í sögu mannkynsins. Fyrsta gullið fannst þar
árið 1848, skömmu eptir að bandafylkin höfðu kastað eigu
sinni á landið, þá er það hafði losað sig undan friveldinu
Mexikó. Maður hét Sutter, er fyr meir hafði verið
sveitarforingi í hinu svissneska varðmannaliði i Parísarborg;
hafði hann flutt til þessa fjarlæga lands og keypt sér jörð
nokkra, svo sem 12 mílum fyrir austan svæði það, er
bærinn Sacramento var bygður á nokkru síðar. I
þeirri landareign urðu menn fyrst varir. við gullið, og at-
vikaðist það þannig, að maður nokkur, James Marshall að
nafni, var að hlaða stíflu fyrir mylnulæk, og sá hann að
glitti í korn nokkur á lækjarbotninum, og voru þetta gull-
korn þau, er áttu að hafa svo mikil áhrif á verzlun alls
heimsins. Marshall hljóp nú með öndina í hálsinum til
húsbónda síns og sagði honum, hvað hann hafði fundið.
Hélt hann að maðurinn væri orðinn bandóður og þreif til
vonar og vara hlaðna bissu, ef hann skyldi ráða á sig, en
t því fleygði Marshall nokkrum lóðum afgullsandi á borðið,