Alþýðublaðið - 28.11.1962, Blaðsíða 2
Rltstjórar: G'.sli J. Astþórssf>r (áb) og Benedikt Gröndal.—ABstoðarritstjóri
; Bjt.'gvin Guðmundssrn. Fréttastjóri: Sigvaldi Hjálmarsson. -» Símar:
14 900 — 14 9u2 - J4 903. Auglýsingasími: 14 906 — Aösetur: Alþýðuhúsið.
— Prentsmiðja A þí öúblaösins, Hverfisgötu 8-10 — Askriftargjald kr. 65.00
ú mánuði. 1 lausasiúu kr 4.00 eint. tJtgefandi: Alþýðufiokkurinn — Fram-
kvaemriastjóri: Asgeir Jóhannesson.
Vandi smábænda
ALGENGT ER hér á landi að tala um íslenzka
foændur og hagsmuni þeirra í einu lagi og leggja
þar allar 6400 f jölskyldur, sem búa í sveit, að jöfnu.
IÞetta er mikill misskilningur, því munur er á af-
!komu og lífi þeirra bænda, sem hafa komið upp
stórum búum, og hinna, sem enn hafa aðeins smá-
hú. Þegar verðlag afurða, styrkir til ræktunar og
margt fleira miðast ivið mótframlög eða einhvers
konar meðalbú, hljóta þeir að vera margir, sem
Ihafa takmarkaða getu til að hagnýta sér styrkina
<eða eru dæmdir til lélegrar Iífsafkomu, meðan bú
þeirra eru neðan við meðallag.
Vinstri stjórnin steig þýðingarmikið skref í
þessum málum, er hún lagði stórfé til sérstakrar að
etoðar við smábændur til að stækka bú þeirra og
reyna að þoka sem flestum upp yfir 10 hektara
íún. Hafa þær ráðstafanir borið mikinn árangur, og
<um 1000 bú 'hafa komizt yfir þetta mark. Nú befur
ríkisstjórnin ákveðið að hækka enn markið og
Sialda þessari sérstöku aðstoð við smábændur á-
fram, en miða við að koma þeim, sem aðstæður
bafa, upp yfir 15 hektara.
Hér er um mjög þýðingarmikið og gott mál að
ræða. Það er vissulega nauðsynlegt fyrir bænda-
stéttina að sem allra flestir stækki búin, og það
eru einnig hagsmunir neytenda, að bústærðin sé
sem mest. Á þann hátt einan er stefnt að því marki,
að bændur geti haft góða lífsafkomu, en jafnframt
framleitt afurðir sínar á verði, sem er neytendum
Ihagstætt og tryggir vaxandi sölu.
Lokunartími sölubúba
LOKUNARTÍMI sölubúða er orðinn mikið
vandamál. Smám saman hafa risið upp sjoppur um
-allar jarðir og þar er selt meira og meira af vör-
um með hverju ári. Nú hafa sjoppur eða sölugöt
'víða verið sameinuð verzílunum, þannig að í raun-
ínni eru aílar vörur seldar kvöld og helgidaga.
Það er þýðingarmikið fyrir smásöluverzlun-
ina að hafa í sínum höndum sem mest af sölu á
ísælgæti, tóbaki og öðru því, sem sæmileg álagn-
ing er á. Án þess er erfitt að krefjast þess, að verzl-
-anirnar dreifi nauðsynjavörum með svo lágri á-
lagningu, sem verið hefur. Þess vegna er brýn nauð
syn að taka þetta mál upp í heild og koma skynsam
líegri skipan á lokunartíma verzlana, þannig að all
ir aðilar, neytendur, verzlunin og starfslið, geti vel
' v,ið unað.
HANNES
Á HORNINU
★ Seytján fullir við stýri
á tveimur vikum.
★ Lög;gjafinn verður að
taka til sinna ráða.
★ Stórar vörubifreiðar á
Laugavegi.
★ Fyrirmælum er ekki
framfylgt.
SEYTJÁN MENN hafa á tveim-|’
ur vikum verið ákærðir fyrir ölv-
un við akstur hér í Reykjavík.
Þetta eru hræðilegar tölur, því
að fáir glæpir eru verri en að aka |
bifreið undir álirifum áfengis. Mik
ið hefur verið skrifað um þessi
mái og hvað eftir annað krafizt i
að viðurlög við ölvun við akstur j
séu þyngd að miklum mun. Það j
sýnir sig að skrif um umræður um;
þessi mál hafa ekki mikil áhrif á:
einstaklingana, því þeir fara að
eigin geðþótta án tillits til annarra
og í algeru kæruleysi.
HINS VEGAR ER EKKI rétt að
hætta umræðum um þetta, því að
þær geta orðíð til þess að knýja
löggjafann til nýrra ráðstafana.
Engar ráðstafanir geta dugað nema
þær, sem stefna að því að gera af-
brotamennina óskaðlega, en það
verður að gera til þess að forða
saklausum vegfarendum frá glæp-
samlegu atferli í umferðinni. í
raun og veru ætti að svipta hinn
brotlega ökuleyfi ævilangt fyrir
fyrsta brot og gera farartækið
upptækt ef viðkomandi hefur á því
eignarheimild, en að öðrum kosti
að dæma liann sjálfan í stórsektir.
ÞAÐ ER LANDEÆGT HÉR að
hafa meðaumkun með afbrota-
mönnum. Það er gerður mikill mun
ur á afbrotum, og er sjálfsagt, en
afbrot, sem virðast við fyrstu sýn
ekki vera mikil eru það þegar nán
ar er að gætt — og þar á meðal
ölvun við akstur. Ef til vill er
það umburðarlyndi, sem þessum
afbrotamönnum er sýnt, angi af
fylliríisdýrkun íslendinga, því að
til skamms tíma hefur það verið
svo, að ölvun hefur verið talin
afsökun fyrir afbroti.
ÞETTA ER STÓRHÆTTULEGT
— og ætti alveg að hverfa. Það
er alveg sama þó að dómgreindin
slævist við drykkju. Það er ekki
hægt að telja það til afsökunar
fyrir stórslysi eða manndrápi. Við
verðum að taka upp nýja stefnu
í þessum -málum. Fyrir nokkru
voru viðurlögin við ölvun við akst-
ur þyngd, en það dugir ekki eins
og dæmin sanna. Þess vegna verð
ur enn að þyngja þau.
BJARNI SKRIFAR: „Ég man
ekki betur en að bannað hafi verið
stórum vörubifreiðum að aka nið-
ur Laugaveg. Þessu er alls ekki
framfylgt. Gríðarstórar vörubifreið
ar, þar á meðal mjólkurbílar, fara
éins og bilstjórunum sýnist eftir
þessari þröngu og’ f jölförnu götu.
Þær staðnæmast og þær taka jafn
vel tveggja götuvita pláss við götu
brúnina. Þær valda öngþveiti og
alls konar vandræðum í umferð-
ÞAÐ ER SORSKAÐLEGT að
vera að setja reglur, sem svo er
alls ekki framfylgt. Ef reglan er í
gildi, verður að framfylgja henni
— og beita sektum við þá sem
brjóta. Þá er það og alveg óhæft
að stöðva algerlega umferðina
vegna þess að vörubifreiðar flytja
varning í verzlanir og jafnvel að
þeim sé lagt upp á gangstéttirnar
svo að gangandi fólk kemst hvorki
aftur eða fram, nema með því að
fara út í umferðina á götunni
sjálfri."
Hannes á horninu.
Hafnfirðingar!
Glerslípunin
er á Eeykjavíkurvegi
16. — Sími 50534.
ÁGÚSTÍNUS:
Sigurbjörn Einarsson,
biskup, íslenzkaði.
Ágústínus kirkjufaðir (354-
430) telst í fremstu röð
þeirra hugsuða og rithöf-
unda, sem uppi hafa verið á
Vesturlöndum, og rit hans
öldum saman haft djúptæk
áhrif á menningarlíf krist-
inna þjóða. Hann sameinar
á stórbrotinn hátt heim-
spekilega skarpskyggni grísk-rómverskrar hugsunar og háleit,
siðgæðisleg trúarviðhorf kristindómsins. .
Ágústínus var mikilvirkur höfundur. En frægust allra rita hans
er bók sú, scm nú kemur út á íslenzku, Játningar, að allra dómi
ein merkasta sjálfsævisaga heimsbókmenntanna. Þar rekur höf-
“undurinn æviferil sinn og þroskasögu og og opnar lesendanum
dýpstu hugarfylgsni sín. Hann segir frá áhyggjulausum námsár-
um sínum og lýsir þeirri löngu, innri baráttu, sem hann háði,
áður en hann sannfærðist um yfirburði kristinnar trúar yfir fyrri
lífsskoðun sinni. Bókin er ómetanleg heimild um þau menning-
arsögulegu hvörf, sem urðu, þegar kristin trú festi rætur í Róma-
veldi.
Játningar Ágústínusar eru þýddar á íslenzku úr frummálinu,
latínu, af herra Sigurbirni Einarssyni, biskupi. Hefur hann leyst
það verk af hendi með sérstökum ágætum. Hynn ritar og ræki-
legan inngang að bókinni, þar sem hann gerir prýðilega grein
fyrir höfundinum og þeim jarðvegi, sem Játningar hans eru
sprottnar úi\
Útkoma Játninga Ágústínusar á íslenzku er merkur viðburður.
Slíkt öndvegisrit getur enginn bókmenntamaður látið fram hjá
sér fara.
Verð 250.00 í bandi, 310,00 í skinnbandi.
Bókaútgáfa Menningarsjóbs
FUJ
BURST • •
FUJ
SKÁK
Skákkvöld verður í Burst, Stórholti 1, í kvöld 28. nóv-
ember, kl. 8 til 10 e. h.
Félagar oe aðrir áhugamenn um skák eru beðnir að fjöl-
menna á þetta og næstu skákkvöld sem vcrða í allan vetur,
alla miðvikudaga kl. 8 til 10 e. h.
Fjölmcnniö.
F. U. J.
2 28. nóv. 1962 - ALÞÝÐUBLAÐIÐ