Dagblaðið Vísir - DV - 17.07.1990, Blaðsíða 5
ÞRIÐJUDAGUR 17. JÚLÍ 1990.
5
r>v Vidtaliö
Fjölbreytt
starf
7
Nafii: Hrefna Ingólfsdóttir
Starf: Blaða- og upplýsingafull-
trúi Pósts og sima
Aldur: 24 ára
„Starfiö er mjög áhugavert og fel-
ur í sér mikil samskipti við annaö
fólk. Þetta er stórt fyrirtæki og
starfsemin er fjölbreytt. Því er
nauösynlegt að eiga gott samstarf
viö aöra starfsmenn,“ segir
Hrefha IngóJfsdóttir. Hún tók
nýlega viö starfi blaöa- og upplýs-
ingafulltrúa Póst- og símamála-
stofnunarinnar.
„Ég só um fréttatilkynningar
og hef samskipti viö fjölmiöla.
Auk þess aðstoöa ég fólk sem
hingað leitar meö fyrirspurnir.
En þar sem fyiirtækið er stórt
getur tekiö tírna aö kynnast starf-
semi allra deilda.“
Starí við hæfi
„Ég tel mig heppna að hafa
fengið starf þar sem menntun
mín og reynsla kemur að gagni.
Það fá ekki allir vinnu viö það
sem þeir hafa lært eöa hafa áhuga
Hrefha er fædd og uppalin í
Reykjavík. Þar hefur hún alltaf
búið og líkar vel að vera í borg-
inni. Hún stundaöi nám við
Evennaskólann og eftir þaö lá
leiðin í Menntaskólann í Reykja-
vík. í júní lauk hún svo námi við
Háskóla íslands í stjómmála-
fræði með fiölmiðlafræði sem
aukagrein.
„Námið í sfiórnmálafræði var
skemmtilegt og eykur skilning á
hinurn ýmsu þáttum þjóðfélags-
ins. Ég hafði h'ka gaman af fiöl-
miðlafræðinni og það er gott fyrir
blaöamenn og blaðafulltrúa að
velta fyrir sér hvaða áhrif fiöl-
miðlar geta haft og hvernig megi
nýta sér þá. Sfiómmálafræði er
frekar almennt nám sem nýtist á
mörgum sviðum en maður öölast
engin sérstök starfsréttindi.
Nám getur gert fólk aö hæfari
starfskröftum en það er undir
hverjum og einum komið hvemig
hann nýtír sér það.
Ég vann sem blaöamaður í þrjú
sumur á Morgunbiaðinu og ég
held að það sé nauösðynlegt fyrir
blaöafulltrúa að hafa unnið við
blaðamennskuí einhvern tíma.“
Engin ákvöröun
um frekara nám
Hrefna hefur gaman af að ferð-
ast og stefnir á aö gera meira að
því. Hún segist þó vera frekar
heimakær og lesa mikið þegar
hún á frí.
„Ég haföí hugsað mér aö fara í
blaðamennsku eða eitthvert svip-
að starf að námi loknu. Ákvörðun
um frekara nám bíður. Ég vil
ekki byija á aö sérhæfa mig í ein-
hvetju fyrr en ég veit að það sé
þörf fyrir fólk meö slika mennt-
un,“ sagöi nýi blaðafulltrúinn.
Hreftia er gift Gísla Þór Gísla-
syni.
-hmó
Fréttir
Hugmyndin kviknaöi í ökuferð um Strandir:
Rekaviður
nýttur á
nýjan hátt
- segir Amheiður Sigurðardóttir
„Við hjónum keyrðum Strandirn-
ar í fyrra og sáum þá allan þann
rekaviö sem hggur ónotaður þar í
fiörunum. Við fórum að velta fyrir
okkur hvort ekki væri hægt að nýta
hann á einhvern nýstárlegan hátt.
Brátt kviknaði sú hugmynd að selja
Álverinu í Straumsvík hann,“ segir
Arnheiður Sigurðardóttir, fram-
kvæmdasfióri Ymus hf.
„Þegar stór álstykki eru sett í skip
eru bundnir trébútar með stálbandi
undir sitthvorn enda þeirra en þeir
hafa það hlutverk að halda þeim í
sundur svo lyftari geti lyft þeim úr
stæðunum. Til dagsins í dag hafa
þessir tréklumpar verið fluttir hing-
að til lands frá Portúgal. Okkur datt
því í hug að það væri alveg eins
hægt að framleiða þessa klumpa úr
íslenskum rekaviði. Það þarf engan
gæðavið í þetta og það skiptir litlu
þótt viðurinn sé grófur, kvistaður og
blautur. Síðastíiðinn vetur vorum
við að prófa okkur áfram við að saga
til tréklumpa og Áifélagið í Straums-
vík prófaði þá fyrir okkur. Þeim lík-
aði ágætlega við tréklumpana sem
við vorum að framleiða og nú hefur
Álfélagið keypt 20 tonn af þeim, til
prufu en það er einungis örhtið brot
af þeim við sem Álfélagið notar á ári
hverju.
Við sömdum við tvo bændur á
Ströndum um að saga þetta magn
niður í réttar stærðir fyrir okkur og
jafnframt sömdum við við Ríkisskip
um flutning á rekaviðnum suður.
Eins og máhn standa í dag þurfum
við aö komast í samband við fleiri
bændur sem eru tilbúnir að leggja
okkur til rekavið og saga hann niður
í réttar stærðir.
Ég tel að þessar tilraunir lofi góðu,
þetta er gjaldeyrissparandi fyrir
þjóðfélagið, og gæti jafnframt aukið
nýtingu á rekaviði til muna. Til dags-
ins í dag hefur hann nær eingöngu
verið notaður í girðingarstaura en
samfara samdrætti í landbúnaði hef-
ur dregið úr þeirri framleiðslu svo
við teljum að hér sé að fæðast ný
leið fyrir bændur að nýta þann reka-
við sem liggur ónotaður í fiörum
landsins," segir Arnheiður að lokum.
-J.Mar
Arnheiður Sigurðardóttir ásamt börnum sínum með trédrumb en þeir eru
notaðir til að setja í álstæður. Hún og fjölskylda hennar hafa nú hafið fram-
leiðslu á slíkum drumbum úr íslenskum rekaviði og lofar tilraunaframleiðsl-
am góðu. DV-mynd GVA
„Ég ætla að verða laxveiðimaður
þegar ég verð stór,“ sagði þessi
hressi gutti sem DV rabbaði við í
fjörunni á Flateyri. Pálmi Sturluson
kvaðst hann heita og sagðist æfa
sig með því að veiða marhnút og
aðra óæðri fiska þangað til kæmi
að laxinum.
DV-mynd Reynir
Rafmagnslaust
í Grindavík
Rafmagnslaust varð í Grindavík og
næsta nágrenni rétt fyrir miðnætti á
laugardag. Rafmagn kom síðan aftur
á klukkan rúmlega tvö eftir hádegi á
sunnudag. Orsök bilunarinnar var
að háspennustrengur brann yfir
vegna bilunar í jarðstreng. Leiðinda-
veður var í Grindavík, hvasst og
rigning og tók því töluverðan tíma
að gera við. Ekkert tjón hlaust af
straumleysinu og þeir aðilar, sem
nauðsynlega þurfa rafmagn, svo sem
laxeldisstöðvar, fengu varaorku með
því að keyra ljósavélar.
-JJ