Dagblaðið Vísir - DV - 26.08.1999, Síða 10
10
FIMMTUDAGUR 26. ÁGÚST 1999
Spurningin
Hvað ætlar þú að
gera í vetur?
Guðmundur Gíslason, starfsmað-
ur Securitas: „Nú, ég ætla bara að
vinna, eins og venjulega. Svo vona
ég að mér takist að skreppa á Old
Trafford og sjá United."
Elsa Magnúsdóttir, starfsmaður
Tryggingastofnunar: „Ég verð að
vinna, eins og síðustu 30 vetin-. Hef
ekkert annað planað.“
ÓIi vélstjóranemi: „Ég verð í Vél-
skólanum að læra til vélstjóra. Ég
vildi geta sagt þér meira en ég er að
missa af strætó..."
Anthony John Colletti jr., at-
vinnuljósmyndari og ferðamað-
ur: „Ég verð kominn aftur til
Boston, Massachusets í Bandaríkj-
unum, þar sem ég bý, að vinna við
ljósmyndun."
Gina Colletti, dansmær og dóttir
Anthonys: „Ég fer í listaskóla og
læri dans og þess háttar. Ég elska ís-
land, það er mjög fallegt."
Sigurður Gunnarsson: „Ég geri það
sama og ég hef gert undanfariö -
spila félagsvist fimm sinnum í viku.“
Lesendur
Útvarpslög og ís-
lenskir fjölmiðlar
Utvarpslög
1985, nr. 68, 27. júní
I. kafli.
Réttur til útvarps.
1.gr.
(Lög þessi eru sett meö hliðsjón af löaum um fiarskipti. nr. 73^
varöar tæknilega eiginleika. ra.
Meö útvarpi, hljóðvarpi eðas"'4—• u uaba\agaÞeSS
—rjs“spVjfJs®sr-f
^refö^'ter
'"tT'U'-'>ð auglýsingatinrj
tUn9rt>An' felaf6®**/ v"3 ge' frarn'° 9er<s . u '-unar á san
rr>aAPa e<3a iaPsl(rárfto,p9 raskSl.hefu '
-nrii—,
notendum.i
■ Kostm
itskuL^Ladat^laíi
g
Það er margt skondið í útvarpslögunum sem eru frá árinu 1985. - Væri ekki
betra að sleppa ýmsum ákvæðum í lögunum frekar en að leyfa brot á þeim
óáreitt?
Gísli Jónsson skrifar:
Ég hef velt fyrir mér ýmsu í sam-
bandi við íslenska fjölmiðla og út-
varpslög. - Lög þessi getur maður
skoðað á Netinu og er fróðlegt að
lesa þau. Ný lög eru sögð í smíðum
og verður þá eflaust tekið mið að
þeirri þróun sem orðið hefur í ís-
lenskri fjölmiðlun. Margir muna um-
ræðuna um auglýsingar í fréttum og
m.a. út frá henni hef ég sett á blað
eftirfarandi þanka um hvernig farið
er eftir lögunum.
í fyrsta kafla segir: „Ákvæði þess-
ara laga ná ekki til dreifmgar út-
varpsdagskrár eða útsendinga sem
eingöngu eru ætlaðar þröngum hópi
og takmarkast við byggingar eða
húsakynni á samfelldri lóð, svo sem
einstök íbúðarhús, sjúkrahús, gisti-
hús, skóla og verksmiðju". - Á þetta
t.d. við útvarps- og sjónvarpsstöð
Varnarliðsins - og er eithvert eftirlit
með þeim? Sjónvarpið þeirra er á
takmörkuðu svæði en útvarpið er
sent óhindrað í loftið og næst vel á
öllu suðvesturhorni landsins.
í fyrsta kafla segir einnig: „Aug-
lýsing er hvers konar tilkynning
sem útvarpað er gegn endurgjaldi og
felur í sér kynningu vöru eða þjón-
ustu.“ Því spyr ég: Eru útvarpsleik-
ir, beinar útsendingar frá verslun-
um, útdráttur vinningshafa í leikj-
um og þess háttar útvarps- og sjón-
varpsefni ekki auglýsingar?
í þriðju grein, lið 3 stendur: „Út-
varpsstöðvar skulu stuðla að al-
mennri menningarþróun og efla ís-
lenska tungu. Þær skulu kosta kapps
um að meirihluti útsendrar dagskrár
sé íslenskt dagskrárefni og dagskrár-
efni frá Evrópu". - Það er ekki bara
gaman að skoða hlutfall íslensks
dagskrárefnis í útvarpi og sjónvarpi,
með tilliti til þessarar klausu, heldur
er verið að setja skorður við því,
hvaðan erlent efni skuli koma.
Það er margt skondið í útvarpslög-
unum sem eru frá árinu 1985 og víða
er pottur brotinn þegar athugað er
hvort fariö sé eftir þessum lögum.
Væri ekki betra að sleppa ýmsum
ákvæðum í lögunum frekar en að
leyfa brot á þeim óáreitt?
Skattgreiðslan á flakk í kerfinu
Hafliði Helgason skrifar:
Eins og margir aðrir fékk ég
álagningarseðil í póstkassa minn
um sl. mánaðamót. Mér fannst
seðillinn strax skrýtinn og hafði
tafarlaust samband við embætti
Tollstjóra vegna álagningar á mig.
Mér var bent á að koma með alla
launaseðla árið 1998 til Ríkisskatt-
stjóra.
Þetta gerði ég og kom þá í ljós
hið sanna; fyrrverandi vinnuveit-
andi minn hafði ekki staðið í skil-
um með staðgreiðslu um nokkurra
mánaða skeið og fékk ég útprent-
aðan seðil þessu til staðfestingar.
Mér var sagt að tvær vikur tæki
að vinna úr þessu. Eftir þann tíma
hringi ég og spyr um gang mála. Er
mér þá svarað að þetta taki 3-4 vik-
ur. Þann 20. þ.m. hringi ég svo aft-
ur og inni eftir málum. Þá er mér
svarað af manni sem sér um rann-
sókn málsins og biður hann mig að
koma með alla launaseðlana aftur
vegna þess að nokkrir seðlanna séu
ólæsilegir. Auðvitað hlýddi ég því.
Þá brá svo við að allt var komið
í lag því fyrrverandi vinnuveitandi
hafði nú staðið í skilum, en 3 vik-
um áður skuldaði hann stað-
greiðsluskatt, sem bæði kom fram
hjá tölvum Tollstjóra og Ríkis-
skattstjóra! Hvernig getum við nú
treyst svona kerfi. Þarna hlýtur
eitthvað að hafa farið úrskeiðis og
þarfnast lagfæringar við. Auðvitað
ætti maður að biðja um útskýring-
ar á þessu rugli frá skattyflrvöld-
um - en borgar sig að standa í því?
Þannig munu líka margir hugsa,
og því fer sem fer.
Vándræðagangur sjálfstæðis-
manna í borgarstjórn
Mikil mannfæð hlýtur að plaga sjálfstæðismenn í
Reykjavík með utanbæjarfólk í ráðum og nefndum
fyrir hönd flokksins í borgarstjórn, segir m.a. í bréf-
inu. - Fundur í borgarstjórn.
Óskar Einarsson skrifar:
Mikil mannfæð hlýtur að plaga
sjálfstæðismenn í Reykjavík fyrst
þeir verða að fá utanbæjarfólk til að
skipa ráð og nefndir fyrir hönd
flokksins í borgarstjóm.
Fyrir skömmu tók Björn Ársæll
Pétursson sæti Eyþórs Arnalds sem
varamaður í stjórn Orkuveitu
Reykjavíkur. Áður hafði Þórir
Kjartansson verið tilnefndur full-
trúi sjálfstæðismanna í borgar-
stjóm í stjórn Sjúkrahúss Reykja-
víkur. Það vekur athygli, að báðir
þessir fulltrúar sjálfstæðismanna í
Reykjavík em Kópavogsbúar.
Úpp á síðkastið hafa fjölmargar
blaðagreinar birst í Morgunblaðinu
vegna SUS-þingsins í Vestmanna-
eyjum. Þar hefur komið fram, að
[U^ÍHfj^lfpjÆv þjónusta
allan sólarhringinn
Lesendur geta sent mynd af
sér með bréfum sínum sem
birt verða á lesendasíðu
Björn Ársæll og Þórir tóku virkan
þátt i kosningabaráttunni fyrir
þingið og voru tilnefndir fulltrúar
Týs - félags ungra sjálfstæðismanna
í Kópavogi, á þinginu. í blaðagrein-
unum kemur einnig fram, að menn
eiga að vera fulltrúar fyrir þau
sveitarfélög þar sem þeir eiga lög-
heimili. Bjöm og Þór-
ir eiga því greinilega
lögheimili í Kópavogi
en taka að sér nefnd-
arstörf fyrir sjálfstæð-
ismenn í Reykjavik.
Fyrirfram hefði mað-
ur haldið, að sjálf-
stæðismenn í borgar-
stjórn væru ekki í
vandræðum með að
finna fólk úr eigin
röðum til að manna
þessar stöður, eða úr
þeim stóra hópi al-
mennra sjálfstæðis-
manna í Reykjavík,
sem lagt hafa á sig
mikið og fórnfúst
starf fyrir flokkinn
árum saman.
Það er merkilegt, að
ekki skuli vera meira
mannval á þeim bænum en svo, að
þurfa að. leita í Kópavog til að
manna þessar mikilvægu nefndir.
Gunnar Birgisson, óumdeildur leið-
togi sjálfstæðismanna í Kópavogi,
hlýtur að nýta þetta hugvit Kópa-
vogsbúa og bjóða öðmm bæjarfélög-
um nefndarmenn í verktöku.
Siv og stjórn-
skipunarlögin
Kristján Þórðarson skrifar:
Nokkuð hefur verið gert úr því
að umhveifisráðherra okkar, Siv
Friðleifsdóttir, hafi aðra skoðun á
umhverfismálum eftir að hún varð
ráðherra en á meðan hún var þing-
maður. Á meðan Siv var þingmað-
ur flutti hún tilllögu á Alþingi um
breytingu á stjómskipunarlögum
þess efnis, að ef þingmaður yrði
ráðherra léti hann af þingmennsku
og kallaði til varamann til að gegna
þingmennskunni. Þetta mál mun
hafa farið mjög fyrir brjóstið á for-
manni hennar flokks á sínum tíma,
en hún flutti málið samt. Ég, sem
kjósandi, var nokkuð hrifmn af
þessari hugmynd Sivjar og reikna
með að hún muni standa við þetta
þegar hún getur ákveðið það sjálf
fyrir sitt leyti, hvað sem liður
breytingu á stjómskipunarlögum.
Glaðbeittur ráðherra
Svanhildur hringdi:
Ég er að verða leið á að horfa
upp á ráðamenn sem birtast skæl-
brosandi ýmist á sjónvarpsskerm-
um eða í blöðunum þegar við þá er
rætt. Þetta á við um flest alla. Þeir
halda kannski að það sé vinsælt að
koma alltaf glaðbeittir og brosandi
á vettvang hvar sem þeir stansa
fyrir framan tnyndvél. Ég man í
svipinn eftir sjávarútvegsráðherra
sem alltaf er skælbrosandi hvar
sem hann sést í fréttum. Síðast þeg-
ar hann var spurður einhvers varð-
andi söluna á FBA-bankanum. Eins
og það mál er nú ekki til að skopast
meö. En sama er, alltaf sama gleðin
úr andlitinu. Þetta fer að verða
ógnvekjandi svona eilífðarbros.
Er Reykjavíkurflug-
völlur einkamál
Reykvíkinga?
H.S.H. skrifar:
Enn er rifist um Reykjavíkur-
flugvöll og nú á þeim nótum að
hann sé einhvers konar einkamál
Reykvíkinga; stungið upp á að höfð
sé atkvæðagreiðsla meðal Reykvík-
inga um hvort hann fari eða veri.
Mér er spurn: Er ekki Reykjavík
höfuðborg allra landsmanna - eða
er hún bara höfuðborg Reykvík-
inga? í borginni eru flestar stofnan-
ir og stjómsýslustöðvar landsins og
stærstu menningarsetrin, þangað
eiga allir landsmenn erindi allan
ársins hring. Reykjavíkurflugvöll-
ur er þeirra flugvöllur, ekkert síður
en Reykvíkinga. Ef greiða á at-
kvæði um nýtingu Vatnsmýrarinn-
ar á það að vera þjóðaratkvæði en
ekki almenn atkvæðagreiðsla Reyk-
víkinga einna.
Menn sanni mál sitt
Sigurjón skrifar:
Nú ganga mismunandi dylgjur
yfir landslýð um fjáraflamanninn
Jón Ólafsson, með lítt duldum til-
vísunum um að hann sé eiturlyfja-
barón og að auður hans sé illa feng-
in. Þetta er að mínu viti mannorðs-
morð og ljótt athæfi. Ef menn, og
það meira að segja æöstu menn
þjóðarinnar, menn sem vilja láta
bera virðingu fyrir sér, eru að
kasta grjóti úr sínum glerhúsum á
þennan hátt hlýtur að vera hægt að
krefjast þess að þeir leggi spilin á
borðið og sanni mál sitt. Hafi þeir
ekki sannanir fyrir rógburði sem
þessum er þeim sæmst að þegja.
Skaðabæturvegna
brottflutnings
Vilhjálmur Alfreðsson skrifar:
Nýlega kom sú frétt fyrir sjónir
fólks, að dönsk yflrvöld ætla að
greiða Grænlendingum skaðabæt-
ur vegna brottflutnings fólks frá
Thule í norðvestur-Grænlandi upp
úr 1950 vegna byggingar herstöðvar
Bandaríkjamanna. En skyldu nú
rússnesk yfirvöld gera það sama
vegna brottflutnings 3000 manns
frá Novaja Zemlja í Barentshafi
upp úr 1960 vegna vetnissprengju-
tilrauna á eyjunum. Það væri
ánægjulegt að heyra fréttir frá
þeim enda heimsins með sömu for-
merkjum og frá Dönum.