Dagblaðið Vísir - DV - 01.12.2003, Blaðsíða 24

24 MÁNUDAGUR 1. DESEMBER 2003
Sport T3V
Njarðvíkvann
KR í bikarnum
Njarðvík vann KR,
99-83, í 32 liða úrslitum
bikar-keppni KKÍ&Lýsingar
í Njarövfk á laugardaginn.
Sigur Njarðvíkinga var
aldrei i hættu, þeir leiddu,
53-42, íhálHeikog 75-51
eftir þriðja leikhluta og það
var aðeins undir lokin sem
KR-ingar náðu að rétta sinn
hlut. Brandon Woudstra (á
myndinni hér að ofan) var
stigahæstur hjá Njarðvík
með 31 stig, Brenton
Birmingham skoraði 24 stig
og Friðrik Stefánsson skor-
aði 11 stig. Skarphéðinn
Ingason var með 27 stig
fyrir KR, Chris Woods
skoraði 23 stig og tók 18
fráköst og Magni
Hafsteinsson skoraði 13
stig.
Kef lavík í
úrslit Hópbíla-
bikar kvenna
Keflavík tryggði sér sæti
í úrslitaleik Hópbílabikars
kvenna í körfuknattleik á
laugardaginn þegar liðið
bar sigurorð af ÍS, 68-41, í
Keflavík í undanúrslitum.
Erla Þorsteinsdóttir var
atkvæðamest hjá Kefl-
víkingum með 18 stig og 15
fráköst, Birna Valgarðs-
dóttir og Erla Reynisdóttir
skoruðu 11 stig hvor og
Svava Ósk Stefánsdóttir
skoraði 10 stig. Stella Rún
Kristjánsdóttir skoraði 11
stig fyrir ÍS og Lovísa
Guðmundsdóttir skoraði 10
stig. Keflavík mætir KR eða
Grindavík í úrslitaleiknum
T en þau lið mætast á
morgun í DHL-höllinni.
Ástralir unnu
Davis-bikarinn
Ástralir tyrggðu sér í gær
Davis-bikarinn í tennis
þegar þeir báru sigurorð af
Spánverjum, 3-1, í Mel-
v bourne í Ástralíu. Það var
Mark Philippoussis sem
tryggði Áströlum sigurinn í
gær en hann vann
Spánverjann Juan Carlos
Ferrero í fimm settum. Áður
hafði Lleyton Hewitt unnið
Ferrero og Spánverjinn
Carlos Moya unnið
Philippoussis.
Ástralarnir Wayne
Arthurs og Todd Wood-
bridge báru síðan sigurorð
af Alex Corretja og Feliciano
Lopez í tviliðaleik og því
þurftu Lleyton Hewitt og
Carlos Moya ekki að spila •
síðasta einliðaleikinn. Þetta
^ var 28. sigur Ástrala í Davis-
bikarnum en þeir unnu
bikarinn síðast árið 1999.
Völsungur frá Húsavík vann sinn fyrsta íslandsmeistaratitil í meistaraflokki þegar
þeir lögðu Val í framlengdum úrslitaleik, 3-2, í íslandsmótinu innanhúss
Völsungur frá Húsavík og Valur
eru íslandsmeistarar í
innanhússknattspyrnu árið 2003.
Völsungur lagði Val, 3-2, í
dramatískum úrslitaleik hjá
körlunum en Valsstúlkur unnu
stórsigur á Eyjastúlkum í úrslitaleik
kvenna, 7-1.
Völsungur vann stórsigur á Fram,
4-0, í 8-liða úrslitum og fylgdi þeim
sigri eftir með góðum sigri á ÍA, 2-1,
í undanúrslitum. Valsmenn lögðu
aftur á móti Keflavík, 4-1, í 8-liða
úrslitum og lenti svo í kröppum
dansi gegn FH í undanúrslitum. Sá
leikur endaði í vítakeppni þar sem
Valsmenn höfðu að lokum sigur,
7-6.
Úrslitaleikurinn var bráðfjörugur
frá upphafi. Jóhann Hreiðarsson
kom Valsmönnum yfir eftir tæpa
mínútu með þrumufleyg sem
endaði efsti í markhorni Húsvíkinga.
Róbert Skarphéðinsson jafnaði
síðan metin fyrir Völsunga með
marki rétt fyrir leikhlé.
Bæði lið fóru sér hægt í seinni
hálfleik og allt stefndi í
framlengingu þegar Sigurbjörn
Hreiðarsson kom Valsmönnum yfir
þegar aðeins rúm mínúta var eftir af
leiknum. Það sættu Völsungar sig
illa við og hófu að sækja af kappi.
Þeir jöfnuðu síðan á dramatískan
hátt þegar aðeins fimm sekúndur
voru eftir af leiknum. Hermann
Aðalgeirsson, markvörður Völsunga,
fékk þá boltann á miðjum
vallarhelmingi Valsara og hann
þrumaði honum í bláhornið fram
hjá Ólafi Þór Gunnarssyni,
markverði Vals.
Völsungar héldu uppteknum
hætti í framlengingunni og það var
áðurnefndur Hermann sem skoraði
eina markið í framlengingunni með
öðrum þrumufleyg og við honum
áttu Valsmenn ekkert svar.
Völsungar fögnuðu hreint
ógurlega í leikslok og skal engan
undra þar sem árangur þeirra var
mjög óvæntur en þó fyllilega
verðskuldaður. Hið unga lið
Húsvíkinga tapaði fyrsta leik sínum í
mótinu gegn FH en litu svo aldrei til
baka og unnu titilinn.
Létt hjá Valsstúlkum
Úrslitaleikurinn í kvennaflokki
var ekki eins spennandi og
skemmtilegur en þar áttust við Valur
og ÍBV. Valsstúlkur lögðu ÍA í
undanúrslitum, 3-0, en ÍBV vann
góðan sigur á KR, 2-1.
Það var ljóst frá upphafi að
Valsstúlkur ætluðu sér titilinn því
þær réðu lögum og lofum á vellinum
frá upphafsflauti leiksins.
Mörkunum tók að rigna í
Laugardalshöllinni og markvörður
Eyjastúlkna var ekki öfundsverður af
híutverki sínu. Sjö sinnum mátti
hún gera sér það að góðu að hirða
knöttinn úr netmöskvunum á
meðan Guðbjörg Gunnarsdóttir,
markvörður Vals, þurfti aðeins einu
sinni að horfa á eftir boltanum fara
fram hjá sér.
Pála Marie Einarsdóttir og Laufey
Ólafsdóttir voru öflugar í liði Vals
með tvö mörk hvor. Dóra María
Lárusdóttir, Dóra Stefánsdóttir og
Guðbjörg Gunnarsdóttir settu svo
sitt markið hvor. Elena Einisdóttir
gerði eina mark ÍBV í leiknum.
Sætur íslandsmeistaratitill hjá
Valsstúlkum sem léku einkar vel á
mótinu og unnu alla leiki sína nema
einn þegar þær gerðu 2-2 jafntefli
gegn KR í riðlakeppninni.
henry@dv.is
íslandsmeistarar Völsungar fögnuðu ógurlega eftir að Islandsmeistaratitillinn var í höfn og hér sést fyrirliði þeirra,
Arngrímur Arnarsson, hefja bikarinn góða á loft.
DV-mynd Pjetur
Árni Gautur Arason, landsliðsmarkvörður í knattspyrnu
ákveður sig í dag hvort hann gangi til liðs við austurríska
félagið Sturm Graz
Stór og erfíð ákvörðun
Landsliðsmarkvörður íslands í
knattspyrnu, Árni Gautur Arason,
mun ákveða sig f dag hvort hann
ætli að ganga til liðs við
austurríska félagið Sturm Graz.
Árni var í Austumki um helgina
þar sem hann ræddi við
forráðamenn félagsins, fór í
læknisskoðun og sá liðið spila er
þeir gerðu jafntefli gegn Pasching,
2-2. Árni sagði í samtali við DV
Sport í gær að ákvörðunin væri
erfið en þó væru meiri líkur en
minni að hann tæki tilboði
austurríska félagsins.
„Mér líst ágætlega á þetta alll
saman. Liðið er með glæsilegan völl
og allar aðstæður eru til
fyrirmyndar. Mér líst ágætlega á
liðið en það var mjög óheppið að
ná ekki sigri í þessum leik sem ég sá
gegn Pasching. Þeir hafa reyndar
verið í vandræðum í deildinni en
þeir segja mér hjá félaginu að þetta
sé allt á réttri leið,“ sagði Árni og
bætti við að læknisskoðunin hefði
gengið vel en hann væri samt
meiddur á öxl og gerði ráð fyrir að
gangast undir aðgerð á öxlinni í
Noregi á miðvikudag. Hann verður
væntanlega ffá í 3-5 vikur í
kjölfarið.
Illa hefur gengið hjá Sturm Graz
í vetur og félagið er enn í
fallbaráttu. Það gerir ákvörðunina
erfiðari en ella fyrir Árna sem er
ekkert sérstaklega spenntur fyrir
því að leika í 2. deild í Austurríki.
„Þetta er náttúrulega mjög stór
ákvörðun og það hjálpar ekki að
liðið sé í fallbaráttu. Við ætlum að
skoða borgina í dag og melta málið
en munum gefa þeirn svar á
morgun [í dag, innsk. blm.] hvort
ég taki tilboðinu. Það eru meiri
líkur en minni að ég gangi að
tilboðinu enda er ekki margt annað
í spilunum hjá mér. Það er þó flest
skárra en að sitja á bekknum hjá
Rosenborg," sagði Árni en
samningurinn sem
Austurríkismennirnir ■ hafa boðið
honum er til tveggja og hálfs árs.
henry@dv.is
r