Dagblaðið - 24.04.1981, Page 8

DAGBLAÐIÐ. FÖSTUDAGUR 24. APRÍL 1981.
i
Erlent
Erlent
Erlent
Erlent
D
Er Atlanta morð-
inginn fundinn?
— borgararéttindasamtök segjast hafa f undið morðingja
a.m.k. sex þeirra bama sem myrt hafa verið í Atlanta á
síðustu mánuðum
Margir foreWrar i Atlanta eiga um sárt aö binda vegna morðöldunnar sem þar
hefur gengið yfir á siðustu mánuðum.
Borgararéttindasamtök í Atlanta í
Bandaríkjunum greindu' frð því í
gær að þau hefðu fundiö morðingja
a.m.k. sex þeirra 25 blökku ung-
menna sem látizt hafa á voveiflegan
hátt þar í borg á síðastliðnum 21
mánuði.
Roy Innis, formaður Core, sem eru
samtök er berjast fyrir jafnrétti kyn-
þáttanna, sagði á blaðamannafundi í
gær að ef yfirvöld hefðu ekki gert
viðhlítandi ráðstafanir innan þriggja
sólarhringa mundu samtök hans taka
manninn.
„Maðurinn er geðveikur,” sagði
Innis.
Eftir fundinn átti yfirmaður rann-
sóknarlögreglunnar á staðnum, John
Glover, margra klukkustunda
viöræður við Innis og mann þann
sem veitti Core þær upplýsingar sem
samtökin byggja fullyrðingar sínar
nú á. Glover sagði að hin nýja staða í
málinu væri „mjög athyglisverð” en
neitaði aö tjá sig frekar um það.
Innis, sem neitaði að nafngreina hinn
grunaða eða þann sem veitti upplýs-
ingarnar sagði: „Við höfum fundið
þann hlekk sem mun rjúfa keðjuna.”
Fullyrðingar Innis komu á sama
tíma og rannsóknarlögreglan vann að
rannsókn tveggja h'kfunda í ám
Atlantaborgar í þessari viku.
Hugmyndafrædingur
Sovétstjórnarinnar
kominn til Varsjár
—fyrirætlanir Kremlverja jaf n óljósar
ogáður
Aðal hugmyndafræðingur Sovét-
stjórnarinnar, Mikhail Suslov, kom til
Varsjár i óvænta heimsókn í gær. Var
heimsókn hans túlkuð á þann hátt af
vestrænum sérfræðingum að Suslov,
sem talinn er næst valdamesti maður
Sovétríkjanna, ætti nú að koma stjórn
á hlutina i Póllandi og styðja við bakið
á þeim ráðamönnum þar í landi sem
sporna vilja við þeim breytingum sem
verkamenn hafa krafizt á undanföm-
um mánuðum.
Viðræður Suslovs við leiðtoga
pólskra kommúnista viröast ekki hafa
varpað neinu ljósi á hverjar fyrirætlan-
ir Sovétmanna eru gagnvart „gagnbylt-
ingaröflunum” í Póllandi.
PAP-fréttastofan sagði aö viðræð-
urnar hefðu verið innilegar. Fréttastof-
an sagði að sovézka sendinefndin hefði
fallizt á tilraunir pólska kommúnista-
flokksins til aö styrkja stöðu sína og
koma lagi á efnahag landsins. Einn af
talsmönnum pólska kommúnista-
flokksins sagði vestrænum fréttamönn-
um hins vegar í gærkvöldi að Sovét-
menn væru mjög óánægðir með stöðu
mála i Póllandi um þessar mundir.
Hann kvaðst vonast til að pólsku leið-
togunum tækist að breyta ýmsum af
hugmyndum Suslovs.
Lech Walesa og félagar hans I Einingu á bæn við Leninskipasmiðastöðina í Gdansk þar sem umbótahreyfingin varð til.
LESTA RRÆNINGINN
VAR LÁTINN LAUS
—Ronald Biggs f lýgur heim til Brasiliu
ídag
Hæstiréttur Barbadoseyja hafnaði
í gær kröfu brezkra yfirvalda um að
lestarræninginn Ronald Biggs yrði.
framseldur til Bretlands þar sem
hann á eftir að afplána þrjátíu ára
fangeisisdóm.
Biggs hefur þegar verið látinn laus
úr gæzluvarðhaldi og mun hann
fljúga heim til Brasiliu í dag með
flugvél sem blaðamannasamtökin þar
í landi hafa tekið á leigu. Stjórnvöld í
Brasilíu sem voru mjög óánægð með
að Biggs var fluttur úr landi á þann
hátt sem raun ber vitni hafa látið (
ljós ánægju sína með niðurstöður
hæstaréttarins.
Yfirvöld í Brasilíu höfnuðu þvi
árið 1974 að framselja Biggs til Bret-
iands, á þeim forsendum aö hann
væri faðir að barni sem brasilísk
stúlka gekk með. Biggs hringdi i son
sinn, sem nú er sex ára, strax og hann
hafði verið látinn laus: „Ég sagði þér
að ég kæmi fljótlega heim,” sagði
sigrihrósandi lestarræninginn.
Ronald Biggs ásamt hinum sex ára gamla synt sinum.
Giscard sigur-
stranglegastur
—fyrri umferð f rönsku forsetakosninganna er núna
um helgina
Valery Giscard d’Estaing er lang
sigurstranglegastur i fyrri umferð
frönsku forsetakosninganna sem fram
fer á sunnudaginn kemur.
Siöustu skoðanakannanir sem
leyfðar eru fyrir kosningamar benda
tii að forsetinn fái 27 prósent atkvæða
i fyrri umferðinni og að næstur honum
komi frambjóðandi sósialista Francois
Mitterrand með 23,5 prósent. Næstir
þeim koma gaullistinn Jacques Chirac
og kommúnistinn Georges Marchais
með 17 prósent hvor. Augljóst þykir,
að enginn frambjóðendanna fái yfir 50
prósent atkvæða i fyrri umferð þannig
að kjósa verður að nýju milli tveggja
efstu frambjóðendanna. Ef marka má
siðustu skoðanakannanir stendur slag-
urinn enn einu sinni á milli d’Estaing
og Mitterrand. En þar sem mikill fjöldi
kjósenda er ennþá óákveðinn gæti
gr.ullistinn Chirac blandað sér í slaginn
en hann hefur unnið mjög mikið á
síðustu vikumar.
Mitterrand segir hins vegar að óhugs-
andi sé að vinstri maður verði ekki með
í síðari umferð kosninganna. Sjálfur
segist hann eini raunhæfi valkostur
vinstri manna. Skoðanakannanir sýna,
að mjög mjótt yrði á mununum milli
hans og forsetans ef kosið yrði milli
þeirra í síðari umferðinni.

■
Fyrri umferð frönsku forsetakosninganna fer fram á sunnudaginn og benda síðustu skoðanakannanir til að forsetinn, Valery
Giscard d’Estaing, fái þá flest atkvæði.