Árbók Landsbókasafns Íslands - 01.01.1974, Blaðsíða 12

12
LANDSBÓKASAFNIÐ 1973
Helgi Magnússon B.A., en auk hans í ígripavinnu eftirtaldir stúdentar: Anna Magnús-
dóttir, Guðrún Magnúsdóttir, Ingibjörg Árnadóttir, Magnús Karel Hannesson og Sig-
ríður Löve.
Brynjólfur Þorvarðsson vann að röðun smáprents og tiltekt í bókageymslum.
Ritauki þjóðdeildar nam á árinu 4.141 færslu í aðfangaskrá (1972: 5.189). Efni
þetta er að verulegu leyti skylduskil, varðveitt í tveimur eintökum. 45 prentsmiðjur og
fjölföldunarfyrirtæki skiluðu efni til safnsins skv. lögum um skil til safna, og sex aðil-
ar afhentu á árinu skilaskylt efni, sem unnið var erlendis.
íslenzk bókaútgáfa 1972 reyndist skv. aðföngum safnsins vera:
405 bækur (yfir 48 s.) (397)
212 bæklingar (5-48 s.) ( 141)
286 tímarit (215)
72 blöð (78)
154 ársskýrslur og reikningar (141)
Unnið var að endurflokkun og skráningu nokkurs af eldra efni þjóðdeildar, eink-
um bókmenntasögu og norrænna fornbókmennta. Á árinu voru flokkuð og skráð alls
3.842 verk (1.542), en nýjar færslur í spjaldskrá urðu alls 15.215 (5.328).
Um mitt ár var ákveðið að breyta skráningarháttum í þjóðdeild á þá leið, að hætt
skyldi að skrá á föðurnafn íslenzkra höfunda, en skráð í þess stað á skírnarnafn. Af
þeim sökum var óhjákvæmilegt að kljúfa íslenzkar spjaldskrár safnsins, böfundaskrá
og flokkaða skrá, og setja hvora um sig upp í tvennu lagi. I hinar nýrri skrár komst
allur ritauki frá og með árinu 1972, en auk þess fer í þær hið eldra efni, jafnóðum og
það er endurskráð. Efni útgefið 1971 eða fyrr getur því verið í hvorum hluta skránna
sem er, hinum nýrri eða hinum eldri. Búið var um hina nýju höfundaskrá í spjald-
skrárherbergi, en uppsetningu nýrrar flokkaðrar skrár varð ekki lokið.
Þá var unnið að tilfærslu efnis í bókageymslum og endurröðun í samræmi við áð-
urnefnda reglu um raðorð. íslenzkur tímaritakostur var allur fluttur á neðri hæð af
salhæð til að rýma fyrir nýju efni þar.
Þjóðdeildarefni var á árinu léð til sýninga utan safnsins sem hér segir:
Bæjar- og héraðsbókasafnið á Akranesi fékk til sýningar dagana 15.-18. apríl ýmis
verk fimm borgfirzkra rithöfunda og skálda.
Háskólabókasafni var léður til sýningar dagana 15.-22. apríl í Lögbergi, húsi laga-
deildar, fjöldi rita eftir Konrad Maurer, en þess var þá minnzt í Háskólanum, að liðin
væru 150 ár frá fæðingu þessa merka lögfræðings og íslandsvinar (f. 19. 4. 1823).
Héraðsbókasafn Árnessýslu á Selfossi fékk til sýningar dagana 19.-23. apríl marg-
visleg stafrófskver og lestrarbækur allt frá Vídalínspostillu til Gagns og gamans.
Loks voru Norræna húsinu léðar á sumarsýningu nokkrar ferðabækur frá íslandi,
útgefnar á Norðurlöndum.