Alþýðublaðið - 09.12.1986, Blaðsíða 23
23
Eldar íslands
Framh. af bls. 12
sem nefnd eru eldstöðvakerfi.
Ari Trausti hefur tekið saman
viðamikinn fróðleik um þessi kerfi
og byggt á upplýsingum frá fjöl-
mörgum vísindamönnum, sem sér-
fróðir eru um einstakar eldstöðvar
og svæði. Allt þetta efni er sett fram
á einkar aðgengilegan hátt með til-
liti til þess að allur almenningur geti
notið þess og ekki síst lögð áhersla
á myndræna útfærslu og skýringar.
Bókin er í stóru broti, fjöldi
glæsilegra mynda á heilum síðum
og yfir opnur í bókinni, en alls eru
í henni um 200 ljósmyndir, sérunn-
ar skýringarmyndir og kort og hver
síða prentuð í fjórum litum.
Gunnar H. Ingimundarson,
landfræðingur, hefur unnið um 50
kort í bókina af öllum þeim eld-
virku svæðum sem vitað er um hér
á landi og Eggert Pétursson, mynd-
listarmaður málaði tugi vatnslita-
mynda til skýringar á efni bókar-
innar.
Milli 20 og 30 ljósmyndarar hafa
tekið litljósmyndirnar sem prýða
bókina víðs vegar um land og voru
ýmsar þeirra teknar sérstaklega fyr-
ir bókina.
Hönnun og útlit bókarinnar ann-
aðist Jonas Ragnarsson, ritstjóri,
og hafði umsjón með vinnslu henn-
ar.
Setning texta fór fram hjá Vöku-
Helgafelli en alla prentvinnslu og
bókband þessa mikla verks annað-
ist Prentsmiðjan Oddi hf. Bókin er
prentuð í fullkominni fjögurra lita
prentvél fyrirtækisins og sérstakt
lakk síðan sett yfir myndfleti og Iet-
ur á síðum bókarinnar til þess að
gefa henni fullkomnustu áferð.
Hvergi hefur verið til sparað til
þess að gera þetta forvitnilegt efni
um ísland, eitt mesta eldfjallaland
heims, sem áhugaverðast.
Glæsibækur af þessu tagi hafa í
nágrannalöndunum verið eitt
áhrifamesta svar útgefenda við
aukinni myndmiðlun í sjónvarpi og
á myndböndum. Megineinkenni
þeirra eru stórar litmyndir, feikna-
vandaðar skýringamyndir í litum
og kort, og þykir með þessu hafa
sannast að enginn miðill slær bók-
ina út á sviði fjölfræði og sem
augnayndi.
Islandseldar er í raun fyrsta bók-
in þar sem þessari aðferð er fylgt út
í æsar og ekkert til sparað. Það leið-
ir auðvitað af sér að bókin verður
dýrari en allar venjulegar bækur á
okkar markaði og að því er best er
vitað dýrust þeirra bóka sem út
koma á bókavertíðinni núna fyrir
jólin. Hún mun kosta 4860 krónur
út úr búð með söluskatti.
Þess má geta að ekki reyndist
unnt að vinna jafn stórt upplag af
íslandseldum og áætlað hafði verið
nú fyrir jólamarkaðinn og er þetta
fyrsta upplag bókarinnar takmark-
að og ljóst að ekki verður hægt að
prenta hana aftur fyrir jól. Svo
viðamikið er það verk.
Kirkjuþing
Framh. af bls. 21
þeim samkvæmt heimild í 2. tölul.
E-liðar 30. gr. laga nr. 75/1981 um
tekjuskatt og eignarskatt.
3. gr.
Við 4. gr. bætist ný mgr. 2. mgr.,
svohljóðandi:
„Sé kirkjusmíð eða endurbótum
á kirkju lokið, sbr. 2. mgr. 1. gr.,
skal með lánsumsókn vísað til árs-
reiknings viðkomandi safnaðar fyr-
ir liðið ár, enda komi skýrt fram í
efnahagsreikningi, hverju skuldir
umsækjenda nema svo og upplýs-
ingar um lánstíma.“
4. gr.
5. gr. laganna orðist svo:
„Lánsupphæð má nema allt að
3/5 hlutum af framkvæmdakostn-
aði eða áhvílandi skuldum.
Lán til nýsmíði skulu endurgreiðast
á 40 árum, en til endurbóta á 25 ár-
um. Endurgreiðslur afborgana og
uppsafnaðra vaxta, sem dreifast á
lánstíma, sem þá er eftir, skulu
hefjast á næsta gjalddaga eftir
vígslu kirkju.
Lánin skulu vera verðtryggð sam-
kvæmt lánskjaravísitölu og bera
Útvegsbankaviðræður í strand?
„Kæri mig ekkert um að
verða einhver bjargvættur*
— segir Árni Gestsson formaður stjórnar Verslunarbankans
Skiptar skoðanir meðal hluthafa bankans
„Það eru afskaplega skiptar
skoðanir meðal hluthafa bankans
og við munum ekki gera neitt fyrr
en við getum lagt málin fyrir hlut-
hafafund. Það er hann sem ákveður
endanlega hvað gera skal, hvort á
að hrökkva eða stökkva. — Við
höfum ekkert fast land undir fótum
ennþá. Það eru margir lausir endar
og ég get ekkert sagt til um hvaða
stefnu málið tekur“, sagði Árni
Gestsson forstjóri Globus og for-
maður stjórnar Verslunarbankans í
samtali við Alþýðublaðið þegar
hann var spurður, hvað liði umræð-
um um sameiningu Verslunarbank-
ans, Útvegsbankans og Iðnaðar-
bankans i hlutafjárbanka.
„Ég hef heyrt hjá æðimörgum
hluthöfum bankans og það er mik-
ill hugur í þeim að stækka Verslun-
arbankann. Það yrði þá gert með
því að auka hlutafé og gera eigið fé
meira heldur en verið hefur. Þannig
yrðu umsvif bankans aukin. Stað-
reyndin er sú að við erum ekki stór
banki, en nú er búið að gefa aukið
frelsi í starfsemi bankanna og vilj-
um gefa okkur meiri tíma til að
skoða málið“, sagði Árni.
Stjórnvöld hafa sagt að lausn á
fjárhagsvanda Útvegsbankans þoli
enga bið og sett hefur verið mikil
pressa á að ljúka þessu máli og talið
brýnt að sameiningin gangi sem
hraðast fyrir sig. Alþýðublaðið
spurði Árna hvort pressan væri e.t.v.
óþarflega mikil. „Þetta er bara ekki
ennþá komið á það stig að hægt sé
að fóta sig“, sagði Árni, „og ég fyrir
mitt leyti kæri mig ekkert um að
vera bjargvættur einhverra sem
hafa komið þessum málum á það
stig sem þau eru komin á í dagí‘
Árni og Höskuldur Jónsson
bankastjóri voru erlendis í síðustu
viku. Árni sagði að þeir hefðu verið
að kynna sér ýmsar leiðir í banka-
starfsemi. „Við vorum t.d að kanna
ýmislegt með tilliti til gjaldeyris-
málanna og með tilliti til þeirra
hluta sem hægt verður að gera þeg-
ar þetta mikla frelsi verður komið á.
Viðhorfin koma til með að breytast
og vinnuplanið í leiðinni“
Árni sagði að ógerningur væri að
segja hvenær niðurstaða lægi fyrir.
Síðustu daga hefur verið unnið að
gögnum í málinu og reynt að fá
fram á yfirborðið tölur sem hægt er
að skilja. Hann sagði að ekki hefði
verið boðaður fundur ennþá, en
sagðist reikna með að hægt yrði að
ná saman fundi fyrir lok vikunnar“
Endalok fara einungis eftir því
hvort maður telur þetta vera hag-
stætt fyrir þá sem við höfum verið
kosnir til að vera umbjóðendur fyr-
ir“, sagði Árni Gestsson formaður
stjórnar Verslunarbankans.
sömu vexti og lán Húsnæðisstofn-
unar ríkisins bera á hverjum tima
og komi ákvæði um það fram í
reglugerð samanber 8. gr.
Þátttaka leikmanna í
kirkjulegu starfi.
„Kirkjuþing felur Kirkjuráði að
láta fara fram könnun á því, hvernig
auka megi þátttöku leikmanna í
starfi kirkjunnar og skila skýrslu
um málið til Kirkjuþings 1987“
Eyðni (Aids)
„Kirkjuþing 1986 ályktar:
1. Að lýsa yfir stuðningi við eft-
irfarandi ályktun fram-
kvæmdanefndar Alkirkju-
ráðsins á fundi þess í Reykja-
vík 15.—19. september 1986
um sjúkdóminn eyðni: Fram-
kvæmdanefnd Alkirkjuráðs-
ins vekur athygli kirknanna á
hinu alvarlega vandamáli sem
sjúkdómurinn eyðni er. Vér
hvetjum kirkjurnar til þess að
bregðast á viðeigandi hátt við,
með sálgæslu, varnaraðgerð-
um og félagslegri þjónustu.
2. Að lýsayfir stuðningi viðstarf
landlæknisembætt í því for-
varnar- og fræðslustarfi, sem
nú er hafið vegna „eyðni“.
3. Kirkjuþing skorar á alla
kristna menn, að taka hönd-
um saman og hefja sig upp yf-
ir alla fordóma og leita sam-
starfs við hvern þann einstakl-
ing, samtök og stofnanir, sem
af heiðarleika vinna gegn
þeirri vá sem eyðni er“
Saga íslenskra kirkna
Kirkjuþing 1986 fagnar því fram-
taki Bókaútgáfunnar Arnar og Ör-
lygs að hefja útgáfu á ritverki um ís-
lenskar kirkjur.
Auk þess komu fram tvær tillög-
ur, annarsvegar tillaga um stuðning
við framkomna tillögu á Alþingi
um málefni Nikaragua og áskorun
á stjórnmálaflokkana að vinna að
auknum jöfnuði i launum og öðr-
um lífskjörum og aðvörun vegna
hávaxtastefnu. Ekki kom til at-
kvæðagreiðslu um þessar tillögur,
heldur var þeim vísað til Kirkju-
ráðs.
Stórt skref
Framhald af bls. 1
„Það er alltaf ástæða til að hafa
áhyggjur af því að tilraunir til að
hækka við þá sem verst eru settir
verði til þess að þeir sem meira hafa,
reyni að ná til sín meiru. Ég vænti
þess hins vegar að menn skilji hvað
hér er á ferðinni. Það tapar enginn
á þttsum samningum, það græða
allir og þeir sem verst eru settir
mest. Það verður að treysta á sam-
stöðu verkafólks og annarra til að
breyta þjóðfélaginu í réttlátara
horf. Við teljum okkur hafa stigið
stóra skrefið í þá átt“, sagði Karl
Steinar.
Nokkuð hefur verið rætt að sam-
heldni launþegahreyfingarinnar
færi dvínandi og að það hafi komið
í Ijós í þessum samningaviðræðum
þar sem m.a. Dagsbrún, stærsta
einstaka félagið innan Verka-
mannasambandsins gekk út. En er
þetta sigur fyrir heildarsamtökin?
„Þetta er mjög mikill sigurí'
sagði Karl Steinar. „Það er hins
vegar rangt að það hafi ekki verið
samstaða. Samstaðan hefur sjaldan
verið jafn góð og innan Verka-
mannasambandsinsvar mikil eining
þrátt fyrir útgöngu Dagsbrúnar,
sem mér þótti miður, því mér er
mjög hlýtt til Dagsbrúnarmanna",
sagði Karl Steinar.j
Líkt og í febrúarsamningunum er
gert ráð fyrir að ríkið komi inn í svo
árangur kjarasamninganna verði í
samræmi við innihald þeirra. Karl
Steinar sagði að ef stjórnvöld stæðu
ekki við gefin fyrirheit hefðu þau
gengið að fallöxinni. Nú eru líkur til
þess að skipt verði um ríkisstjórn á
samningstímanum, en gert er ráð
fyrir að samningarnir gildi til des-
ember á næsta ári. „Samkvæmt
skoðanakönnunum má gera ráð
fyrir að betri ríkisstjórn taki þá við
og því engin ástæða til að ætla ann-
að en gerðir okkar muni halda“,
sagði Karl Steinar.
Alíslensk fyndni
Hollur hlátur lengir lífið
Magnús Óskarsson borgarlögmaður
safnaði og setti saman
Bókaklúbbur Arnar og Örlygs
hefur gefið út bókina Alíslensk
fyndni — hollur hlátur lengir lifið
— sem Magnús Óskarsson borgar-
lögmaður hefur safnað efni í og sett
saman. Á bókarkápu segir m.a.:
„Það gerist ekki á hverjunt degi, að
háttsettur embættismaður varpar
af sér alvöruskikkjunni og dregur
fram sannar og ótrúlega skemmti-
legar myndir úr hversdagslífinu í
kringum okkur, í þeim tilgangi ein-
um að skemmta fólki. Magnús Ósk-
arsson, borgarlögmaður, hefur ár-
um saman safnað drepfyndnum
setningum, fyrirsögnum og greina-
brotum úr íslenskum dagblöðum.
Yfirleitt er þessi fyndni óviljaverk,
sem fáir veita athygli, allra síst höf-
undarnir sjálfir, en verður alveg
óborganleg, þegar hún er dregin
fram í dagsljósið. Úr þessu safni
Magnúsar hefur hann valið hátt á
annað hundrað úrklippur, sem hér
birtast í upprunalegri mynd. Þá seg-
ir Magnús sannar, íslenskar gaman-
sögur, sem flestar hafa hvorki birst
né heyrst áður og inn á milli eru
limrur, smáskrítlur og „spakmæli“,
allt saman dýrlegur, alíslenskur
húmorí1
Þriðja prentun þessarar bókar er
nú hafin!
Útflutningur á Svala
nær innanlandsframleiðslunni á
næsta ári
Það er alltaf jafn stórkostlegt að heimsœkja hann Davíð Scheving Thor-
steinsson hjá Sól hf. Maðurinn bókstaflega geislar af athafnagleði og
bjartsýni. „Tœkifœrin eru óþrjótandi, bara ef við erum menn til þess að
nýta okkur þau“, segir iðnjöfurinn og bandar hendinni til tveggja Þjóð-
verja sem eru að setja upp vélmenni hið mikla, sem á að stjórna allri lager-
afgreiðslu ínýja húsnæði Sól hf. „Með þessu húsnæði verður aðstaða okk-
ar uppá 33 þúsund fermetra og reyndar hálfu þúsundi betur. Við byrjuðum
hérna í 160 fermetrum árið 1930 þannig að þú getur sjálfur reiknað út
stœkkunina. Samt er gengið inn á sama stað í húsið. Svalinn sprengir allt
afsér hérna hjá okkur, við höfum ekki við að framleiða hann vinsœldir
þessa drykkjar eru svo miklar. Við seljum nú 14 milljón/ernur innanlands
á ári afSvala og tvœr milljón fernurfara i útflutning. A ngsta ári áœtlum
við að fjórtán milljón fernur fari í útflutning, þannig að við verðum veru-
lega gjaldeyrisaflandi fyrir utan allan gjaldeyrinn sem við spörum með
annarri framleiðslu. íslandersvo gott og þekkt land að möguleikar okkar
i útflutningi eru nánast ótakmarkaðir. Þar sem vöruvöndun hefur alltaf
verið hér til staðar í Sól hf. leggjum við ótrauðir íþað að sigra heiminn“,
sagði iðnjöfurinn að lokum.
Ertu hættulegur
í UMFERÐINNI
án þess að vita það?
Mörg lyf hafa svipuð áhrif
og áfengi.
Kynntu þér vel lyfió
sem þú notar.