Alþýðublaðið - 03.04.1987, Blaðsíða 1

alþýóu-
Föstudagur 3. apríl 1987 65. tbl. 68. árg.
Þröstur Óla fsson framkvœmdasti. Dagsbrúnar:
Þorsteinn
óábyrgur
„Stendur með opna buddu út í Karphúsi og spyr
hvað menn vilji taka mikið.“
„Mér sýnist Þorsteinn vera hætt-
ur að reyna að hugsa og meðhöndla
ríkisfjármálin sem ábyrgur aðili.
Nú hrekst hann bara undan og
stendur með opna buddu úti í Karp-
húsi og spyr hvað menn vilji taka
mikið. — Eg er ekki endilega að
segja að allar þessar kauphækkanir
séu ranglátar fyrir þessa hópa. Mér
sýnist hins vegar að heildarstjórnun
á fjármálum ríkisins sé endanlega
fokin út í veður og vind. Ríkissjóð-
ur er og hefur verið rekinn með gíf-
urlegum halla og hefur safnað
skuldum undanfarin ár. Þessa
reikninga þarf auðvitað að borga
upp eins og aðra,“ sagði Þröstur
Olafsson, framkvæmdastjóri Dags-
brúnar í samtali við Alþýðublaðið í
gær, aðspurður um samningagerð-
ina hjá ríkinu.
Þröstur sagði að þegar þessari
lotu lyki og menn hefðu séð hvað
samningarnir hefðu gefið, þá yrði
að skoða í yfirveguðu andrúmslofti
hvaða áhrif þeir hefðu. „Við verð-
um þá að skoða hvort þær forsend-
ur, sem við gáfum okkur þegar við
sömdum á miklu lægri nótum, séu
brostnar. “
Þröstur vildi aðspurður ekki
kveða upp þann dóm að verðbólgu-
glíman væri töpuð. „Auðvitað
skiptir miklu máli hvaða ríkisstjórn
kemur í vor. Mér sýnist allavega
okkar forsendur, sem við gengum
út frá í samningunum í desember og
janúar, vera orðnar mjög veikar.“
Ásmundur Stefánsson, forseti
ASÍ, sagði að ekki væri rökrétt að
meta stöðuna út frá samningum við
einn eða tvo hópa. „En þeir hópar
hjá okkur sem nú eru að vinna að
gerð fastlaunasamninga hljóta auð-
vitað að fylgjast með því sem er að
gerast á vettvangi opinberra starfs-
manna á sama hátt og opnberir
starfsmenn fylgjast með því sem
gerist hjá ASI-félögunum.“
Jón Baldvin á Fógetanum
Jón Baldvin Hannibalsson, formaður Alþýðuflokksins hélt rœðufund á veitingahúsinu Fógetanum ífyrrakvöld.
Var mœtt vel áfundinn og formaðurinn ákaft spurður um dœgurmál jafnt sem stefnumál flokksins. A meðfylgj-
andi mynd sjáum við Jón Baldvin í pontu.
LIU kom í veg fyrir offramboð
— Upplýsingar um stöðuna á Þýskalandsmarkaði koma gámafiskútflytj-
endum að góðu gagni.
„Þetta hefur komið ágætlega út.
Við höfum t.d. í eitt skipti getað
varað við offramboði, þannig að
menn gátu haldið að sér höndum.
— Ég held því að menn séu á einu
máli um að þetta sé til mikilla
bóta,“ sagði Vilhjálmur Vilhjálms-
son hjá Landssambandi íslenskra
útvegsmanna, í samtali við Alþýðu-
blaðið í gær.
Fyrir u.þ.b. þremur vikum ákvað
LÍÚ að setja í gagnið upplýsinga-
þjónustu um stöðuna á ísfiskmark-
aðnum þannig að hægt verði að
koma í veg fyrir verðhrun á íslensk-
um fiski.
Þjónusta LÍÚ miðast fyrst i stað
við Þýskaland og byggist þannig
upp, að safnað er saman upplýsing-
nrr* ó f/SctiiHaoí fró Kpim íitoprAiim
sem hyggjast senda fisk í næstu
viku til sölu vikuna þar á eftir. Þeg-
ar LÍÚ hefur safnað þeim upplýs-
ingum saman seinnipart á föstu-
degi, er haft samband út og kannað
hvort markaðurinn geti tekið við
þessum fiski á þokkalegu verði. Út-
vegsmenn meta síðan, að þeim upp-
lýsingum fengnum, hvort ráðlegt sé
að senda fiskinn út.
Sverrir Hermannsson, menntamálaráðherra, um ummœli Ingva Hrafns Jónssonar í HP í gœr:
„Það hræða mig
engir smákóngar“
„Markús Örn ber ábyrgð á þessum manni“
„Ég hef ekki hugsað mér að
eiga orðastað við hann Ingva
Hrafn á opinberum vettvangi.
Ónei. Hann ber ábyrgð á sínum
orðum. Hins vegar get ég getið
þess reyndar, að einn þáttur í
samningum við verkalýðinn var
auðvitað að passa upp á vísitöl-
una, að hún ryki ekki upp og af-
notagjöld útvarps hafa bein áhrif
og náttúrlega fullkomlega óeðli-
leg áhrif á vísitölu. En sama er
það, — hún hefur áhrif. Og það
var eitt af því sem um var samið að
halda þessu í skefjum og ég hef
auðvitað gert tilraun til þess að fá
afnotagjöldin hækkuð, en það
hefur ekki náð fram að ganga,“
segir Sverrir Hermannsson,
menntamálaráðherra, í samtali
við Alþýðublaðið, vegna ummæla
Ingva Hrafns Jónssonar, frétta-
stjóra Ríkissjónvarpsins í HP í
gær. Ingvi Hrafn segir í svo-
nefndri Yfirheyrslu blaðsins að
Sjálfstæðisflokkurinn undir for-
ystu mcnntamálaráöherra og for-
manns útvarpsráðs séu að kyrkja
Ríkisútvarpið. Þá heldur Ingvi
Hrafn því fram að menntamála-
ráðherra hafi ekki staðiö við eitt
einasta loforð um framtíð Ríkis-
útvarpsins.
„En eins og ég segi þá á ég ekk-
ert í neinum orðræðum við hann
Ingva Hrafn. Og hefur hann
nokkur ráð til úrbóta? Heggur
hann kannski í skióli einhvers? Ég
verð að segja eins og er að í bili þá
tek ég þetta mér ekkert mjög
nærri. Það er að mörgu að hyggja,
en ég hefi sagt og ég vona að ég fái
tækifæri á að standa við það, þá
mun ég hlúa að Ríkisútvarpinu
með öllum ráðum, það er eitt sem
víst er. Ríkisútvarpið er aðaltækið
okkar til þess að snúa vörn í sókn
varðandi íslenska tungu, bók-
menntir og hvað eina. Innlenda
kvikmyndagerð er ég að stór-
styrkja, einmitt til þess að innlend
dagskrárgerð verði stórefld og
aukin því að í gegnum myndina
getum við leitt ungdóminn að
bókmenntum okkar. Myndin er
sterkasti miðiliinn í dag.
Einnig hef ég ótal hugmyndir
uppi t.d. um fjarkennslu þar sem
við ætlum líka að notfæra okkur
sjónvarpið. Ríkisútvarpið og
sjónvarpið þarf að gegna ýmsum
þjónustuhlutverkum sem við get-
um ekkert ætlast til að einkaaðil-
ar sinni. þess vegna er það að það
er grundvallarmisskilningur ef
menn halda að við getum slakað á
klónni um uppbyggingu og efl-
ingu Ríkisútvarpsins þótt ein-
hverjar einkastöðvar spili sínar
plötur og hvolfi yfir okkur úr
Amerískum menningarruslaföt-
um. Það er alveg ljóst. Og þetta er
bara óþolinmæði þessa ræðara
sem er að kenna árinni um slæmt
róðrarlag.
Það stendur þannig á núna að
maður verður að halda í við sig
með öllum hætti til þess að varð-
veita það jafnvægi sem náðst hef-
ur í efnahagsmálum og það
hræða mig engir smákóngar með
„Ingvi Hrafn er nokkuð lifandi i
starfi sínu, en hann er sérkenni-
legur stundum,“ segir mennta-
málaráðherra um fréttastjóra
Ríkisútvarpsins/sjónvarpi.
svona blæstri í þessum efnum. En
að öðru leyti þá er alveg útilokað
að ég fari að munnhöggvast við
hann Ingva Hrafn. Fyrir utan það
að ég stjórna ekki daglegum
rekstri Ríkisútvarpsins. Það hefur
þingkjörna stjórn yfir sér.
Hann segir: „Ég óttast að Sjálf-
stæðisflokkurinn sé að kyrkja
Ríkisútvarpið undir forystu
menntamálaráðherra og for-
manns útvarpsráðs. „Þetta er al-
varlega sagt, en ég get svarað því
til að ég tek ekki mark á svona gíf-
uryrðum. Svona plötuslátt læt ég
sem vind um eyrun þjóta. Þetta er
„Efla ber Ríkissjónvarpið á sama
tíma og einkastöðvar hvolfa yfir
okkur úr amerískum menningar-
ruslafötum,“ segir Sverrir Her-
mannsson, menntamálaráðherra.
auðvitað ekki í fyrsta skipti sem
maðurinn lætur svona, en það er
Markús Örn sem ber ábyrgð á
þessum manni.
Ingvi Hrafn er nokkuð lifandi í
starfi sínu stundum, en sérkenni-
legur stundum. En maðurinn
hlýtur að álíta að núna sé eitthvert
lag til þess að höggva stórt, er það
ekki?
Og fyrirsögnin í yfirheyrslu
Helgarpóstsins er „Flokkurinn að
drepa útvarpið". Ingvi Hrafn hlýt-
ur þá að finna einhver ráð til þess
að bjarga þvíþ sagði Sverrir Her-
mannsson, menntamálaráðherra.
HÁAUSTURLANDI
í Alþýöublaöinu eru í dag 8 síöur
helgaðar Austurlandi og er blaðinu
dreift inn á hvert heimili á
Austurlandi.