Alþýðublaðið - 03.04.1987, Blaðsíða 10

10
Föstudagur 3. apríl 1987
Frambjóöendur
Alþýðuflokksins kynntir:
1. sæti
GUÐMUNDUR EINARSSON
Stór flokkur jafnaðarmanna
„Sá stóri flokkur sameinaðra
jafnaðarmanna, sem menn hafa
verið að láta sig dreyma um, er orð-
inn staðreynd," segir Guðmundur
Einarsson. „Fylgi Alþýðuflokksins
hefur mælst reglulega um 20% í
könnunum í vetur. Hins vegar virð-
ist nú vera lag til að sækja enn meira
fram og fá hér stóran frjálslyndan
og umbótasinnaðan jafnaðar-
mannaflokk af þeirri stærðargráðu
sem við þekkjum frá hinum Norð-
urlöndunum. Þá á ég að sjálfsögðu
við þann möguleika að gera Al-
þýðuflokkinn að stærsta flokki
þjóðarinnar, nú þegar Sjálfstæðis-
flokkurinn er klofinn í tvennt og
forystuhlutverk hans sem stærsta
stjórnmálaflokksins því alls ekki
lengur sjálfgefið."
Guðmundur segist í þessum
kosningum vilja leggja höfuð-
áherslu á flutning valds heim í hér-
uð, þannig að „menn geti bjargað
sér án þess að láta þingmenn leiða
sig um sali sjóða- og bankakerfis-
ins,“ eins og hann kemst að orði.
„Ég vil líka leggja áherslu á það
hlutverk ríkisins að styðja fólk til
sjálfsbjargar með því að koma á fót
rekstri smáfyrirtækja, sem ég held
að sé tvímælalaust rétta leiðin í bar-
áttunni við fábreytni atvinnulífsins
á landsbyggðinni.
Þennan sama stuðning á ríkið að
veita við öflun nýrra markaða er-
lendis fyrir afurðir sjávarútvegs og
Iandbúnaðar, sem ég tel að hljóti að
eiga mikla möguleika vegna þess
hversu ómengaðar þær eru. Erlend-
is eru landbúnaðarafurðir meira og
minna að fyllast af hvers kyns ólyfj-
an af lyfjasprautum og fóðurmeng-
uní‘
Guðmundur víkur að síðustu að
stjórnkerfisbreytingum sem lengi
hafa verið honum mikið hjartans
mál og hann telur afar nauðsynleg-
ar. í þessu sambandi segist hann t.d.
vilja setja reglur gegn hagsmunaá-
rekstrum, en um það hefur hann
flutt tillögu á Alþingi. „Varðandi
þetta atriði er sennilega nærtækast
að minna á mál Alberts Guð-
mundssonar, sem á sama tíma átti
að gæta hagsmuna Útvegsbankans
og Hafskips"
Guðmundur telur einnig þörf á
auknum áhrifum almennings á
ákvarðanatöku, t.d. með allsherjar-
atkvæðagreiðslu bæði á landsvísu
og innan sveitarfélaga. „Mér finnst
eðlilegt að fólk fái að láta í ljós
skoðanir sínar á fleiru en samsetn-
ingu Alþingis, prestum, hundum og
áfengiþ segir hann.
Guðmundur Einarsson, alþingismaður, sem skipar efsta saetið á
framboðslista Alþýðuflokksins í Austurlandskjördœmi fyrir kosning-
arnar í vor, erfœddur íReykjavík 5. nóvember 1948 og uppalinn íKópa-
vogi að mestum hluta. Hann dvaldist hins vegar í sveitinni hjá móður-
fólki sínu á hverju sumri fram á unglingsár, nánar tiltekið á Svínafelli
í Örœfum.
Guðmundur lauk stúdentsprófi úr Stœrðfrœðideild Menntaskólans
íReykjavík vorið 1968. Hann stundaði síðan nám ílíffrœði við Háskóla
fslands og lauk prófi íþeirri grein árið 1973. Ekki lét hann þó hér við
sitja, heldur fluttist hann nú til Englands þar sem hann hóf framhalds-
nám við háskólann í Birmingham. Þarna tók hann mastersgráðu 1975
og stundaði svo rannsóknarstörf í greininni eitt ár til viðbótar. Árið
1976 kom hann aftur heim til íslands og hóf að kenna við Háskóla ís-
lands. Hann var skipaður lektor í lífeðlisfræði við lœknadeild Háskól-
ans árið 1980 og hélt því starfi þar til hann var kjörinn á þing vorið 1983
fyrir Bandalag jafnaðarmanna. Á þessum tíma dvaldi hann þó um hríð
í Montreal í Kanada við rannsóknir á laxfiskum. Samhliða þing-
mennskunni hélt Guðmundur áfram kennslu við Háskólann í hluta-
starfifyrstu árin, en hefur nú aiveg látið af þvístarfi. Þingmennskuferil
Guðmundar mun óþarft að kynna, enda hefur hann verið með at-
kvœðamestu mönnum á þingi og vakið verulega athygli.
Ur Austur-troginu
Mikið fjaðrafok hefur að von-
um orðið út af stofnun Borgara-
flokks Alberts Guðmundssonar
og gárungarnir eru þegar farnir
að lengja nafn flokksins og leggja
út af því á ýmsan veg. Þannig er
flokkurinn ýmist nefndur góð-
borgaraflokkur eða smáborgara-
flokkur en sumir vilja hafa þessi
heiti bæði og segja þá að flokks-
brot Þorsteins megi kallast góð-
borgaraflokkur en flokksbrot Al-
berts smáborgaraflokkur. Enn
eru þeir til sem vilja snúa þessu
við og vísa þá til þess að vísast sé
að flokksbrot Þorsteins verði
minnaað kosningum loknum, —
allavega á Reykjavíkursvæðinu.
Hvaða nöfn sem menn annars
velja flokksbroti Alberts, virðast
allir á einu máli um að ekki beri
að kalla flokk hans Skattborgara-
flokkinn.
Það voru sem kunnugt er
skattamál Alberts sem að lokum
urðu til þess að hann var neyddur
til að segja af sér ráðherraem-
bættinu. Það kom sem sé í ljós að
hann hafði „gleyrnt" að telja fram
ákveðnar greiðslur frá Hafskips-
mönnum. Það þarf því kannski
ekki að koma tiltakanlega mikið á
óvart að i stefnuskrá hins nýja
borgaraflokks hans, skuli kveðið
á um að tekjuskatt beri að Ieggja
niður. Ef af því verður, kemur
nefnilega svona gleymska ekki að
sök.
Því hefur gjarnan verið haldið
fram af andstæðingum Alþýðu-
flokksins að svokallað lausafylgi
sópaðist til hans í skoðanakönn-
unum og því þá jafnan hnýtt aft-
an við að ekki væri að vita hvar
þetta sama lausafylgi hafnaði í
kosningum. Aðdáendur þessarar
kenningar áttu náttúrlega von á
því, þegar í ljós kom hversu mikið
fylgi Borgaraflokkurinn hlaut í
könnunum sem framkvæmdar
voru að loknum framboðsfresti,
að „lausafylgið“ sópaðist frá Al-
þýðuflokknum til Borgaraflokks
Alberts. Svo sem kunnugt er
stóðst kenningin ekki og Alþýðu-
flokkurinn tapaði ekki verulegu
fylgi milli kannana, þrátt fyrir
fylgi Borgaraflokksins.
Hins vegar gerðist það öllum að
óvörum að Alþýðubandalagið
tapaði miklu fylgi í þessum sömu
könnunum og virðist reyndar
hafa tapað álíka miklu hlutfalls-
lega til Borgaraflokksins og Sjálf-
stæðisflokkurinn gerði. Alþýðu-
bandalagsmenn hafa jú jafnan
hamrað á því að þeir væru höfuð-
andstæðingar íhaldsins. Svo virð-
ist sem kjósendur þeirra séu hins
vegar ekki allir á sama máli.
Lítill fugl hvíslaði því í eyru
okkar um daginn að Sjálfstæðis-
menn á Austurlandi hefðu fram-
kvæmt skoðanakönnun í kjör-
dæminu nú nýlega, sennilega til
að sjá hvort hin vasklega fram-
ganga Sverris Hermannssonar i
fræðslusturlumálinu hefði ekki
haft heillavænleg áhrif á fylgi
flokksins í kjördæminu.
Ekki fer neinum sögum af birt-
ingu niðurstaðnanna, þannig að
áhrifin hafa kannski ekki verið
jafn heillavænleg og vonir stóðu
til. Hins vegar fylgdi sögunni sem
litli fuglinn hvíslaði að okkur að
ef niðurstöður kosninga yrðu í
samræmi við niðurstöður könn-
unarinnar, yrði Guðmundur Ein-
arsson þriðji þingmaður kjör-
dæmisins.

' 1 r • I • I M
A AUSTURLANDI
Alþýðublaðið á Austurlandi er borið í
hvert hús. Auglýsing þín í Alþýðublað-
inu nær því tilætluðum árangri.